Êsai 64:3 - Sơ̆p Hlabơar Nơ̆r 'Bok Kei-Dei

³ Kơplah Ih pơm lu tơdrong trŏ kơ hli krưp mă lu nhôn ưh kơ đei tơchĕng 'bơm. Na Ih jur păng lu kông tơdrŏ pơpơ̆ 'bơ̆t anăp Ih.

Êsai 64:3 ပူးပေါင်းရင်းမြစ်များ

II Sam 7:23

Tơ jơ̆p lăm teh đak hăm đei adrĕch ayơ nhen thoi adrĕch Isơrael Ih, lăp minh pôm adrĕch đĕch lăm teh âu mă Kră Yang 'Bok Kei-Dei dŏng pơklaih wă pơm kon pơlei pơla Ih. Anăn Ih đei pơyom tih, iŏk đơ̆ng Ih pơm tơdrong tih-tin trŏ kơ hli krưp tơpă, kơ kon pơlei Ih lăm teh đak Ih. Kră Yang đei puh lê̆ dôm lu adrĕch nai, păng rup yang lu sư đơ̆ng lăm teh đak 'bơ̆t anăp kon pơlei pơla Ih mă Ih đei dŏng pơklaih đơ̆ng dêh char Êyiptơ.

Horiso 106:22

Đei pơm lơ tơdrong hlĭch chrơp tơ dêh Cham păng lu tơdrong trŏ kơ hli tơ đak dơsĭ 'brê.

Horiso 66:3

Pơma bĕ hăm Kră Yang 'Bok Kei-Dei khan: “Dôm tơdrong jang Ih trŏ kơ hli yom tơpă! Đơ̆ng tơdrong mơsêh tih Ih; na dôm lu ayăt gô wih hli yom kơ Ih.

Horiso 66:5

Năm lăng, bĕ dôm tơdrong jang Kră Yang 'Bok Kei-Dei: Tơdrong jang Sư pơm kơ kon bơngai trŏ hli yom tơpă.

Horiso 68:8

Teh gô pơpơ̆, đơ̆ng plĕnh gô đei 'mi jur 'bơ̆t anăp Kră Yang 'Bok Kei-Dei. Kông Sinai kư̆m pơpơ̆ 'bơ̆t anăp Kră Yang 'Bok Kei-Dei, jơ̆ Kră Yang 'Bok Kei-Dei lu bơngai Isơrael.

Horiso 76:12

Sư gô hŭt lê̆ tơdrong pơang, đơ̆ng lu yŏng mơng; Pơm kơ lu pơtao lăm teh đak, hli tơrơ kơ Sư.

Le 34:10

Kră Yang khan: Âu Inh pơm minh tơdrong pơgơ̆p. Inh gô pơm minh tơdrong, mơsêh hlĭch chrơp 'bơ̆t anăp kon pơlei pơla ih, tơdrong mă tam lah 'bôh tơ lăm minh adrĕch ayơ lăm teh đak âu. Na đĭ-đăng kon bơngai, gô 'bôh tơdrong jang Kră Yang; Inh gô pơm tơdrong hli krưp dêh.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Êsai 64:1

Ơ! Kuă kơ kiơ Kră Yang hek plĕnh na jur tơ teh, wă pơm kơ kông pơpơ̆ 'bơ̆t anăp Ih.

Habakuk 3:3

'Bok Kei-Dei truh đơ̆ng Têman, Kră Yang Tơ'ngla 'Lơ̆ng rơgoh truh đơ̆ng kông Pharan. Sêla Tơdrong ư-ang Sư gom đĭ lu tăl plĕnh, Nơ̆r bơnê ư-ang kơ Sư jơ̆p-jang kơ teh đak.

Habakuk 3:6

Sư iung pơtŏ teh; Sư lăng đĕch pơm kơ lu kon pơlei tơklah tơklang; Lu kông mă oei oei kư̆m hĕch đĭ. Rim lu groi kông oei ling-lang gô drap kơkuh. Dôm lu trong Sư oei oei ling-lang thoi so.

Both 10:21

Sư boih mă Tơ'ngla lu iĕm hơri ư-ang păng Sư boih Kră Yang 'Bok Kei-Dei iĕm Tơ'ngla hlôi pơm dôm tơdrong pran kơtang tih păng krưp, mă măt lu iĕm 'bôh boih.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?