Êsai 63:8 - Sơ̆p Hlabơar Nơ̆r 'Bok Kei-Dei

⁸ Kră Yang đei khan: “Tơpă lu sư jơ̆ kon pơlei Inh lu kon mă ưh kơ đei pơma hơlĕnh ôh.” Păng Kră Yang boih Tơ'ngla dŏng pơklaih lu sư.

Êsai 63:8 ပူးပေါင်းရင်းမြစ်များ

Bl 17:7

Inh pơgơ̆p pơkă hăm ih păng lu ioi adrĕch adrung ih truh tơ dôm jơhnơr noh pơgơ̆p pơkă ling-lang, Inh boih Kră Yang 'Bok Kei-Dei ih păng lu adrĕch adrung ih.

Horiso 106:21

Lu sư hiơt kơ Kră Yang 'Bok Kei-Dei Tơ'ngla dŏng pơklaih lu sư. Păng đei pơm lơ tơdrong tih tơ Êyiptơ,

Le 14:30

Lăm năr 'noh, Kră Yang pơklaih kon pơlei Isơrael đơ̆ng ti bơngai Êyiptơ; kon pơlei Isơrael 'bôh hnơ̆k hnăk bơngai Êyiptơ lôch cheng đak dơsĭ.

Le 24:7

klaih kơ noh sư iŏk minh Sơ̆p hla bơar tơdrong pơgơ̆p Kră Yang 'Bok Kei-Dei, đŏk ăn kơ kon pơlei pơla mơ̆ng, na kon pơlei pơla khan thoi âu, lu nhôn gô mơ̆ng păng pơm kiơ̆ nơ̆r Kră Yang bơtho tơ'bôh.

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 19:20

Noh jơ̆ tơdra kơnăl păng tơbăt kơ Kră Yang Tih Hloh tơ lăm dêh Êyiptơ, lu Sư gô krao chă Kră Yang, kơplah lu bơngai pơm kơnê̆ kơ lu sư, Kră Yang gô wơh minh 'nu 'bok dŏng pơklaih wă dŏng tơgŭm păng pơklaih lu sư.

Êsai 3:15

Lu iĕm tơchĕng liơ pơjuă pơđep kon pơlei Inh, juă gơhlơ̆r muh măt lu bơngai dơnuh hin?” Kră Yang Tih Hloh khan thoi noh.

Êsai 41:8

Mă-lei iĕm, ơ bơngai Isơrael, đĭch đam Inh, păng iĕm ơ adrĕch Jakôp bơngai mă Inh đei rơih iŏk bơih, adrĕch adrung Abraham buăl Inh.

Êsai 43:11

Inh âu bơih Kră Yang, 'nguaih kơ inh, ưh kơ đei 'bok dŏng pơklaih nai ôh.

Êsai 43:3

Yua kơ Inh Kră Yang 'Bok Kei-Dei iĕm, Tơ'ngla 'lơ̆ng rơgoh Isơrael, Tơ'ngla dŏng pơklaih iĕm. Inh ăn bơih dêh char Êyiptơ jing tơmam huai iŏk iĕm. Char Kus păng Sêba pơm tơmam huai tơplih kơ iĕm.

Êsai 51:4

Ơ kon pơlei Inh, mơ̆ng bĕ Inh ơ teh đak Inh; pơgling đon iĕm mơ̆ng bĕ Inh. Gô đei tơdrong juăt lĕch đơ̆ng Inh, păng tơdrong tơpăt hơnơ̆ng Inh jing hơdah pơchrang ăn kơ đĭ-đăng kon pơlei.

Êsai 57:11

Gơneh gơnơm kơ bu iĕm hli yom kơ bu, na iĕm mah pơma hơlĕnh kơ Inh. Ưh pă 'blŏk kơ Inh. Ưh pă 'măn Inh lăm jơhngơ̆m iĕm, hăm trŏ yua kơ Inh oei ngăn đunh dêh, na iĕm ưh kơ hli kơ Inh?

Êsai 60:16

Ih gô mŏm đak toh lu dêh char păng lu pơtao thoi mĕ gô tơmŏm 'me rong Ih. Ih gô băt kơ Inh bơih Kră Yang Tơ'ngla dŏng pơklaih ih Tơ'ngla huai iŏk ih păng Tơ'ngla mơsêh pran kơtang adrĕch Jakôp.

Êsai 64:8

Ơ Kră Yang, mă khan thoi noh, Ih oei 'Bă lu nhôn, lu nhôn jơ̆ teh lơ̆n, Ih jơ̆ thơ̆ man lu nhôn; đĭ-đăng lu nhôn jơ̆ tơdrong jang đơ̆ng ti Ih.

Êsai 64:9

Ơ Kră Yang, apinh Ih 'nĕ kơ hil dêh hnang 'nĕ pă 'blŏk tơdrong yoch kơnê̆ lu nhôn ling-lang! 'Nâu apinh Ih lăng lu nhôn thoi kon pơlei Ih ngăl!

Je 14:8

Ơ Kră Yang Ih boih tơ'ngla mă lu bơngai Isơrael chang hơmĕng. Tơ'ngla mă dŏng pơklaih kơplah năr đei tơdrong truh, liơ Ih nhen thoi bơngai tơmoi lăm char âu, Thoi bơngai chă yak găn weh 'bĭch kơmăng đĕch.

Hôsia 13:4

Inh boih Kră Yang 'Bok Kei-Dei lu iĕm dŏng iĕm lĕch đơ̆ng char Êyiptơ. Lăp minh Inh đĕch, iĕm 'nĕ kơ đei yang nai; 'nguaih kơ Inh ưh kơ đei yang kiơ nai mă gơh dŏng pơklaih iĕm!

Jêphania 3:7

Inh đei khan boih: ‘Ih athei hli yom kơ Inh đĕch, chu phak bơtho.’ Thoi noh anih sư oei huay kơ hiong tôch đĭ, kiơ̆ thoi Inh pơkă kơ sư. Mă-lei lu sư đơ̆ng hrôih drôih pơm pơrăm lê̆ dôm tơdrong jang sư kơdih.”

Yo 1:47

Lăp Yêsu 'bôh Nathanel năm tơ Sư, na Sư khan: “Ih boih bơngai Isơrael tơpă. Ih đei đon 'lơ̆ng tơpăt ưh kơ đei layơ hơlĕnh kơ đe.”

Rom 11:28

Dang ei lu bơngai Isơrael mơ'nah ưh tam mă lui kơ tơdrong 'nao 'lơ̆ng Yêsu, lu sư dang ayăt kơ 'Bok Kei-Dei. Mă-lei 'Bok Kei-Dei oei 'mêm kơ lu sư. Yua kơ thoi noh na Sư krao iĕm lui kơ Yêsu hơdrol kơ lu sư, wă kơ lu sư kiơ̆ iĕm. Sư 'mêm tơpă kơ lu bơngai Isơrael yua kơ Sư rơih iŏk lu yă 'bok lu sư đơ̆ng hơdrol sơ̆ hloi boih.

Êphêsô 4:25

Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.

Both 32:5

Mă-lei iĕm oei hư răm. Ưh pă rŏ trŏ jing kon drŏ-nglo Kră Yang dơ̆ng.

Both 33:29

Ơ bơngai Isơrael ih pŭn hiôk dêh, kon pơlei Kră Yang dŏng pơklaih bơih, Kră Yang. Sư thoi khêl pĕng tơgŭm ih, thoi đao gưm pơm ăn kơ ih kĕ jei jơnei tih. Lu bơngai ayăt gô năm chă pơm lung, na ih gô pơjuă bơhlơ̆r anih kơjung lu sư.

Kôlôsê 3:9

'Nĕ pă hơlĕnh băl, yua kơ iĕm tŭk đĭ boih dôm tơdrong so, tơdrong mă iĕm juăt kơ pơm sơ̆, athei pơm mă tơpăt dang ei.

I Yo 4:14

Nhôn 'bôh tơpă tơdrong 'Bok Kei-Dei wơh Kon Sư jur tơ ala teh âu wă dŏng pơklaih đĭ-đăng kon bơngai, thoi noh na nhôn gơh roi kơ đe Kon Sư jur tơpă.

Ju 1:25

Thoi noh bĕ bơ̆n ư-ang kơ Sư, yua kơ pôm Sư đĕch Yang sĭt tơpă. Sư pơklaih bơ̆n đơ̆ng tơdrong phak, yua kơ Kră Yang bơ̆n Yêsu Krist lôch tang bơ̆n. 'Bok Kei-Dei boih mơsêh tăp pang mơyang tăp dăr, pơgơ̆r tôm tơdrong đơ̆ng blŭng-a sơ̆ khơ̆ dang ei, truh tơ ning-mônh ưh kơ layơ tôch. A-men.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.