Êsai 63:7 - Sơ̆p Hlabơar Nơ̆r 'Bok Kei-Dei

⁷ Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Êsai 63:7 ပူးပေါင်းရင်းမြစ်များ

I Pot 8:66

Lăm năr mă tơhngam pơtao ăn kơ kon pơlei pơla brŏk; kon pơlei kư̆m krao khan hơpơi pŭn hiôk kơ pơtao kơplah lu sư brŏk tơ anih lu sư, lu sư chơt hiôk 'nă hal lăm jơhngơ̆m, yua kơ Kră Yang wei-lăng đĭch đam Sư Đawit hăm đĭ-đăng lu bơngai Isơrael, kon pơlei pơla Sư rơih.

II Ho 7:10

Năr 'bar-jĭt pêng khei tơpơh, sư ăn kơ kon pơlei wih brŏk tơ anih kơdih, jơhngơ̆m lu sư chơt hiôk păng 'nă hal, yua kơ Kră Yang đei ăn boih tơdrong 'lơ̆ng kơ Đawit, kơ Sôlômôn păng ăn kơ kon pơlei pơla Isơrael Sư.

Ne 9:25

Lu sư blah tơgar iŏk pơlei tih kơjăp păng chŭn mir teh 'lơ̆ng, lu hnam 'bĕnh kơ tơmam 'lơ̆ng, lu đak sơlŭng, pơgar hơmu, pơgar ôliwơ păng plei 'long lơ; lu sư sa phĭ mah rơkah rơkai păng bek, hiôk chơt lăm tơdrong 'mêm Kră Yang tih dêh.

Ne 9:27

Yua kơ thoi noh Ih jao boih lu sư lăm tơpang ti đe ayăt kơ lu sư; lu đe pơmat pơm kơnê̆ kơ lu sư, lăm lu sư đei tơdrong pơmat-tat lu sư ôr krao chă Ih păng Ih đơ̆ng kơpal plĕnh mơ̆ng lu sư; jơhngơ̆m 'mêm Ih tih dêh, Ih yua lu bơngai nuih pran kơtang dŏng pơklaih đơ̆ng lu bơngai ayăt kơ lu sư.

Ne 9:31

Yua kơ Ih đei jơhngơ̆m 'mêm tih dêh, Ih ưh kơ đei pơlôch pơrăm lu sư, kư̆m ưh kơ đei achăng lê̆ lu sư, yua kơ Ih boih Kră Yang 'Bok Kei-Dei 'mêm mơnat păng pơm 'lơ̆ng.

Ne 9:35

Tơ lăm dêh sư oei pŭn hiôk rơkah rơkai đơ̆ng Ih ăn, teh rơhơi să păng jing 'lơ̆ng Ih asong ăn, mă-lei lu sư ưh kơ wă kơkuh kơ Ih, ưh kơ weh ôh đơ̆ng tơdrong jang kơnê̆ lu sư.

Horiso 103:2

Ơ bơhngol inh, kơkuh bơnê bĕ kơ Kră Yang. 'Nĕ hiơt dôm tơdrong 'lơ̆ng Sư pơm.

Horiso 107:15

Ăn kơ lu sư bơnê kơkuh kơ Kră Yang yua kơ tơdrong 'mêm Sư. Yua kơ tơdrong jang hlĭch chrơp Sư pơm boih kơ kon bơngai.

Horiso 107:21

Ăn kơ lu sư bơnê kơkuh kơ Kră Yang, Yua kơ tơdrong 'mêm Sư yua kơ tơdrong jang hlĭch chrơp Sư pơm boih kơ kon bơngai.

Horiso 107:31

Ăn kơ lu sư bơnê ư-ang kơ Kră Yang yua kơ tơdrong 'mêm Sư, Yua kơ tơdrong jang hlĭch chrơp Sư pơm boih kơ kon bơngai!

Horiso 107:8

Ăn kơ lu sư bơnê bĕ kơ Kră Yang yua kơ tơdrong 'mêm Sư. Yua kơ tơdrong hlĭch chrơp Sư pơm boih kơ kon bơngai.

Horiso 145:7

Đe gô pơm giĕng 'blŏk hơdơ̆r kơ tơdrong 'lơ̆ng Ih. Păng hơri ư-ang kơ tơdrong tơpăt Ih.

Horiso 25:6

Ơ Kră Yang, apinh Ih 'blŏk kơ jơhngơ̆m mơnat păng tơdrong 'mêm Ih; Yua kơ 'bar tơdrong noh đei boih đơ̆ng sơ̆.

Horiso 51:1

Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

Horiso 63:3

Yua kơ tơdrong 'mêm Ih, Gĭt hloh kơ tơdrong arih; Hơkŭng inh bơnê ư-ang kơ Ih.

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.

Horiso 92:2

Pơgê hrôih ră roi tơdrong Ih 'mêm mơnat, Kơmăng ră roi tơdrong 'lơ̆ng tơpăt Ih.

Le 18:9

Jêthrô lăm jơhngơ̆m sư hiôk chơt dêh kơ dôm tơdrong mơsêh mă Kră Yang pơm păng pơklaih kon pơlei Isơrael đơ̆ng ti lu bơngai Êyiptơ.

Êsai 26:13

Ơ Kră Yang, 'Bok Kei-Dei lu nhôn, 'nguaih kơ Ih kư̆m đei lu yŏng nai pơgơ̆r lu nhôn, Mă-lei lu nhôn gơnang kơ minh anăn Ih đĕch.

Êsai 51:2

Athei tơchĕng bĕ kơ Abraham 'bă iĕm, hăm Sara, bơngai pơjing lu iĕm; kơplah Inh krao sư, sư lăp minh 'nu; Inh tuh ăn tơdrong pŭn hiôk kơ sư na jing đei bơngai lơlap lơlang.

Êsai 54:10

Mă đơ̆ng kông hiŏng tơ nai, mă đơ̆ng groi rĭ tơplih, mă-lei jơhngơ̆m đon Inh 'mêm mơnat hăm iĕm ưh kơ đei tơplih. Nơ̆r pơgơ̆p hiôk-hian Inh ưh kơ đei tơplih Kră Yang, jơ̆ Tơ'ngla 'mêm mơnat kơ iĕm pơma thoi noh.

Êsai 54:7

Inh achăng hŭt iĕm lăp minh kơchon; mă-lei hăm tơdrong 'mêm mơnat tih Inh gô sơng iŏk iĕm brŏk.

Êsai 54:8

Lăm jơhngơ̆m Inh oei hil mĭl dêh. Inh ôn muh măt Inh ưh kơ đei lăng iĕm minh rơwưh minh bruh minh 'biơ̆. Mă-lei yua kơ jơhngơ̆m đon 'mêm mơnat tih ling-lang. Inh gô mơnat kơ iĕm.” Kră Yang, Tơ'ngla dŏng pơklaih iĕm khan thoi noh.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Êsai 64:5

Ih sơng iŏk lu bơngai jơhngơ̆m hiôk pơm tơdrong tơpăt, păng lu bơngai 'blŏk kơ Ih năm kiơ̆ trong Ih. Ih hil bơih yua kơ lu nhôn pơm yoch. Đunh bơih lu nhôn oei lăm yoch noh, na wă gơh klaih liơ?

Nhom 3:32

Mă khan Sư đei pơm kơ inh ơh sơ'ngon gô đei tơdrong 'mêm mơnat tih 'bĕnh blai.

Hôsia 2:19

Inh gô oei kơ ih ling-lang hlŏng hloi; Inh gô tơ'bôh kơ ih tơdrong tơpăt sĭt trŏ 'blep iơ̆m dim păng 'mêm mơnat.

Sa 9:17

Tơdrong sư pơm 'lơ̆ng rai 'lơ̆ng dêh tơpă! Sik 'ba mi gô pơm ăn kơ lu bơngai tơdăm rai pran păng sik 'nao gô pơm ăn kơ lu adruh hơlai đei pŭn hiôk.

Mathiơ 7:11

Iĕm bơngai kơnê̆ ră mă-lei iĕm kư̆m băt chă ăn kơ kon iĕm tơmam sa 'lơ̆ng, pơma kiơ kơ 'Bă bơ̆n tơ plĕnh ti, Sư asong ăn kơ bơ̆n tơmam 'lơ̆ng tơpă dôm lu bơngai mă krao khan apinh Sư, Sư ưh kơ kret ôh.

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Rom 5:20

'Bok Kei-Dei pơkă kơ bơ̆n tơdrong juăt Sư sơ̆, Sư wă tơbăt kơ bơ̆n đei tơdrong yoch tih; Sư 'bôh bơ̆n đei tơdrong yoch tih na Sư 'mêm kơ bơ̆n rai dêh.

Êphêsô 2:4

Mă-lei 'Bok Kei-Dei Sư oei 'mêm mơnat kơ bơ̆n tơpă;

I Tim 1:14

Kră Yang bơ̆n Yêsu Krist 'mêm mơnat kơ inh tơpă ăn kơ inh lui kơ Sư păng ăn kơ inh 'mêm kơ Sư hăm đĭ-đăng bơngai. Sư kư̆m ăn kơ đĭ-đăng bơngai lui lei-lăi mơ̆n.