Êsai 63:12 - Sơ̆p Hlabơar Nơ̆r 'Bok Kei-Dei

¹² Tơ'ngla mă pơm kơ kơkŏng ti ư-ang pran kơtang Kră Yang năm gah ti 'ma Môis. Mă pơm kơ đak dơsĭ tơklah 'bơ̆t anăp lu sư? Wă kơ anăn Kră Yang oei đei ling-lang ưh kơ đei tôch.

Êsai 63:12 ပူးပေါင်းရင်းမြစ်များ

I Pot 8:42

lu bơngai teh đak 'nguaih lu sư kơtơ̆ng Anăn Ih ti mơsêh mơyang Ih, mưh lu sư krao khan lăm hnam âu.

Ne 9:10

Pơm boih tơdrong mơsêh hlĭch păng tơdrong hlĭch chrơp wă blah Pharaôn, hăm lu đĭch đam sư păng kon pơlei pơla lăm teh đak sư; yua kơ Ih băt: Lu sư pơgŏ pơjuă pơđep 'bok lu nhôn kơnê̆ dêh, đe oei ang truh tơ dang ei.

Ne 9:11

Ih tơklah lê̆ đak dơsĭ 'bơ̆t anăp lu sư. Lu sư yak tŏk-bŏk đak dơsĭ hlôi thoi nơnăm kơpal teh hrĕng kro, bĕ lu bơngai druh, Ih klơ̆m lê̆ lu sư tơ sơlŭng jrŭ, nhen thoi klơ̆m tơmo lăm đak tih.

Horiso 78:13

Kră Yang blă lê̆ đak dơsĭ ăn kơ lu sư tŏk rok, Pơm ăn kơ đak dơ̆ng minh 'bôt tơbơ̆ng thoi dur.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Le 15:13

Hăm jơhngơ̆m Ih 'mêm mơnat sĭt dui anhăk kon pơlei 'nâu mă Ih đei huai iŏk boih; Ih yua tơdrong pran kơtang pơgơ̆r lu sư wih tơ anih 'lơ̆ng rơgoh mă Ih oei.

Le 15:16

Tơdrong hli tơrơ dêh truh tơ lu sư; Ơ Kră Yang! Kơkŏng ti pran kơtang Ih. Lu sư jing kơmlo nhen thoi tơmo, Tơ̆p mă truh layơ kon pơlei Ih yak hlôi; Tơ̆p mă truh kon pơlei mă Ih huai iŏk boih yak hlôi đĭ.

Le 15:6

Ơ Kră Yang! Ti gah 'ma Ih pran kơtang mơsêh mơyang. Ơ Kră Yang! Ti gah 'ma Ih pơrăm boih lu linh ayăt.

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Êsai 11:15

Kră Yang gô pơm kơ đak dơsĭ Êyiptơ hrơ̆ đĭ; Kră Yang yơ̆r ti sư kơpal đak krong Ơphrat hăm kial tŏ, Sư blah song krong noh jing tơpơh chơnglah, wă kơ đe yak năm lăm krong noh jơ̆ng ưh kơ hơiuh ôh.

Êsai 43:16

Kră Yang khan: “Sư boih Tơ'ngla pơih bơih trong lăm đak dơsĭ, păng pơm trong rok đak ro jăng.

Êsai 44:27

Sư khan kơ sơlŭng jrŭ ‘hrơ̆ hrĕng bĕ, Inh gô pơm kơ lu krong hrơ̆ kro.’

Êsai 51:10

Hăm trŏ kơ Ih Tơ'ngla mă pơm kơ đak dơsĭ, păng đak sơlŭng jrŭ tih hrơ̆, pơm ăn kơ đak dơsĭ jrŭ jing trong, wă ăn kơ kon pơlei mă Ih dŏng pơklaih năm rok trong noh?

Êsai 55:13

'Long hơngo gô chăt iung tơplih ăn kơ 'long jơla păng 'long gơsing gô tih kơjung tơplih ăn kơ 'long jơ'bôt jơla; noh tơdrong wă ăn kơ bơ̆n 'blŏk hơdơ̆r kơ anăn Kră Yang, minh tơdrong tơdra tơbăt ling-lang ưh kơ đei layơ tôch ôh.”

Je 31:32

Nơ̆r pơgơ̆p 'nâu ưh kơ trŏ thoi nơ̆r pơgơ̆p Inh hăm lu 'bok yă lu sư lăm năr mă Inh rôp ti dui tơlĕch lu sư đơ̆ng char Êyiptơ sơ̆, yua kơ lu sư pơrăm lê̆ boih tơdrong pơgơ̆p Inh, mă Inh thoi klo lu sư ră.” Noh Kră Yang khan.

Je 32:20

Ih đei pơm boih tơdrong hlĭch chrơp tơ lăm char Êyiptơ sơ̆ mă khơ̆ dang ei lăm lu bơngai Isơrael păng lăm lu bơngai nai, anăn Ih đei ư-ang boih thoi kư̆m đei ư-ang dang ei.

Je 32:21

Ih đei yua boih dôm tơdra hlĭch, tơdrong chrơp, pơklaih bơngai Isơrael đơ̆ng char Êyiptơ hăm ti pran kơtang hăm tơdrong hli krưp wă chông kon pơlei pơla Ih, Isơrael lĕch đơ̆ng dêh Êyiptơ.

Rom 9:17

Tơdrong noh thoi lăm sơ̆p hla bơar 'Bok Kei-Dei pơma kơ 'bok Pharôn pơtao đe Êyiptơ sơ̆ thoi âu: “Inh ăn kơ ih pơm pơtao arăng kơ̆l tôm tơdrong ưh kơ chu kơ Inh. Na mơsêh mơyang Inh blah ih, wă kơ kon bơngai ư-ang Inh jơ̆p kơ teh đak.”

Jôsuê 3:16

Na đak đơ̆ng tu khơ̆t kơtĕch hloi, đak pơpôi minh 'bôt 'bĕnh tŏk truh tơ pơlei Ađam, pơlei noh jê̆ pơlei Sarêthan; na bơbah đak ro truh tơ đak dơsĭ Araba, ‘wă khan Dơsĭ 'Boh,’ hrơ̆ hrĕng, na lu kon pơlei jur yak tŏk rok tơklă pơlei Jêrikô,