Êsai 62:9 - Sơ̆p Hlabơar Nơ̆r 'Bok Kei-Dei

⁹ Mă-lei lu bơngai yuă kĕch 'ba mi bơih lu sư gô đei sŏng sa 'ba mi noh, păng hơri bơnê ư-ang kơ Kră Yang, păng lu bơngai phĕ plei hơmu gô huch sik hơmu sư tơ lăm cham hnam 'lơ̆ng rơgoh Inh.”

Êsai 62:9 ပူးပေါင်းရင်းမြစ်များ

Êsai 55:2

Liơ lu iĕm pơhuach jên wă răt tơmam mă ưh kơ trŏ kơ tơmam sŏng sa ôh. Ăn jơhngơ̆m gleh lap tơplih iŏk tơmam ưh kơ phĭ? Adrin mơ̆ng bĕ Inh athei sa tơmam mă 'lơ̆ng. Na jơhngơ̆m lu iĕm hiôk kơ tơmam sa bek 'lơ̆ng.

Êsai 65:13

Na Kră Yang khan thoi âu: “'Nâu, lu đĭch đam Inh gô đei sa, Mă-lei lu iĕm gô pơngot; 'Nâu đĭch đam Inh gô nhă, mă-lei lu iĕm oei rơhing kơ đak; 'Nâu đĭch đam Inh gô đei tơdrong hiôk chơt, mă-lei lu iĕm gô mơlâu ơh sơ'ngon,

Êsai 65:21

Kon pơlei Inh gô man hnam păng oei lăm noh; pơtăm pơgar hơmu păng gô sa plei.

Êsai 65:22

Lu sư ưh kơ đei man hnam ăn kơ lu bơngai nai oei thoi sơ̆; ưh kơ đei pơtăm hơmu ăn kơ bơngai nai sa thoi sơ̆; sơnăm kon pơlei Inh arih gô nhen thoi dôm sơnăm 'long arih, lu bơngai mă Inh rơih iŏk gô đei yua đơ̆ng tơdrong jang lu sư kơdih.

Je 31:5

Lu iĕm gô pơtăm tơm hơmu tơ kông groi Samari, thoi sơ̆ lu iĕm pơtăm, gô phĕ sa plei.

Êsêkiên 40:14

Sư pơtŏ lu jrăng gah cheng đei tơdrâu-jĭt hơgăt. Puăn pah 'măng jang đei cham tăp dăr.

Jôel 2:26

Lu iĕm gô phĭ jơnap sŏng sa rơkah rơkai, na lu iĕm gô bơnê ư-ang kơ Anăn Inh Kră Yang 'Bok Kei-Dei iĕm, Tơ'ngla mă đei ăn kơ lu iĕm dôm tơdrong hlĭch chrơp. Đơ̆ng âu tơ anăp kon pơlei Inh đe ưh pă wă pơjăm dơ̆ng.

Sa 3:7

“Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

Both 12:12

Tơ noh lu iĕm, kon drŏ-nglo, kon drŏ-kăn, đĭch drŏ-nglo păng đĭch drŏ-kăn lu iĕm lu bơngai Lêwi mă oei lăm pơlei hơdai lu iĕm, lu bơngai mă ưh kơ đei iŏk tơmam dah teh jang sa kơdih gô chơt hiôk 'bơ̆t anăp Kră Yang 'Bok Kei-Dei iĕm.

Both 12:7

Tơ noh 'bơ̆t anăp Kră Yang 'Bok Kei-Dei lu iĕm, chơt hiôk sŏng sa hăm hnam dơnŏ, yua kơ dôm tơdrong jang đơ̆ng tơpang ti iĕm kơdih, na đei Kră Yang 'Bok Kei-Dei lu iĕm ăn pŭn hiôk kơ iĕm.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 16:14

Hơdai hăm kon drŏ-nglo kon drŏ-kăn, đĭch drŏ-nglo đam drŏ-kăn, bơngai Lêwi, bơngai tơmoi, bơngai mơti păng bơngai adro oei hơdai lăm pơlei iĕm, kư̆m hơdai wăng hiôk chơt 'blŏk hơdơ̆r pơm giĕng.