Êsai 62:7 - Sơ̆p Hlabơar Nơ̆r 'Bok Kei-Dei

⁷ Kŭm 'nĕ ăn kơ Kră Yang pơdơh dĭng truh tơ Sư pơjing tơiung dơ̆ng pơlei Jêrusalem, păng pơm kơ sư đei đe ư-ang jơ̆p kơ teh đak.

Êsai 62:7 ပူးပေါင်းရင်းမြစ်များ

Horiso 122:6

Krao khan bĕ kơ Jêrusalem đei rơnŭk rơnua. Wă kơ bơngai bu 'mêm kơ ih gô đei tơdrong hiôk jơnap.

Êsai 49:16

'Nâu inh đei chhơ̆ bơih lu iĕm lăm tơpang ti Inh; lu dur pơlei iĕm ling-lang oei 'bơ̆t anăp Inh.

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Êsai 61:11

Nhen thoi teh pơm ăn kơ 'long bluh tơmơ̆ng thoi pơgar rei adrĕch bluh chăt thoi yơ. Na Kră Yang kư̆m pơm ăn kơ tơdrong 'lơ̆ng tơpăt, păng tơdrong bơnê ư-ang bluh chăt 'bơ̆t anăp rim kơ adrĕch kon bơngai thoi noh mơ̆n.

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”