Êsai 62:6 - Sơ̆p Hlabơar Nơ̆r 'Bok Kei-Dei

⁶ Ơ pơlei Jêrusalem, Inh 'măn bơih bơngai gak tơ kơpal dur ih, kơ năr kơmăng lu sư ưh kơ đei oei hreh, ơ lu iĕm bơngai mă tơ'blŏk kơ Kră Yang, 'nĕ ăn kơ Sư pơdơh.

Êsai 62:6 ပူးပေါင်းရင်းမြစ်များ

Bl 32:12

Na Ih đei khan thoi âu: Sĭt tơpă inh gô ăn pŭn hiôk kơ ih păng ăn kơ adrĕch adrung ih chek lar thoi chuơh đak dơsĭ, ưh kơ đei bu kĕ jô̆ yua kơ lơ tơpă.’ ”

Bl 32:26

Bơngai noh khan: 'Brưch đĭ wă 'năr boih, achăng inh bĕ; mă-lei Jakôp tơl: Inh ưh kơ ăn ih năm ôh. Tơdah ih ưh kơ đei sơkat ăn kơ inh đei pŭn hiôk.

II Ho 8:14

Kiơ̆ thoi Đawit 'bă sư, tơtă, sư asong tơdrong jang ăn kơ lu 'bok soi kiơ̆ kơ tơdrong jang khŭl lu sư, jao kơ khŭl bơngai Lêwi hat hơri ư-ang păng bơ̆jang tơgŭm lu 'bok soi, jang kiơ̆ tơdrong jang rim năr; tơ rim kơ 'măng jang Sư kư̆m đei ăn kơ khŭl bơngai gak 'măng jang, yua kơ 'nâu nơ̆r Đawit tơtă, bơngai Kră Yang 'Bok Kei-Dei.

Horiso 122:7

Ăn kơ tơdrong hiôk-hian oei tơ lăm kơ lu dur ih. Tơdrong hiôk chơt tơ lăm hnam pơtao ih.

Horiso 74:18

Ơ Kră Yang, 'blŏk bĕ lu ayăt kơ Ih pơjăm Ih, Kon pơlei pơjăm Ih, kon pơlei kơtul kơwao blei hiap anăn Ih.

Horiso 74:2

Apinh Ih 'blŏk kơ kon pơlei mă Ih đei huai iŏk sơ̆, Adrĕch adrung mă ih đei dŏng pơklaih wă jing kon pơlei Ih. Apinh 'blŏk kơ Kông Siôn, mă anih Ih oei boih.

Hơri Hiôk 3:3

Lu linh gak 'bôh inh, lu sư oei yak dăr tăp pơlei ei, lei inh apinh hloi, lu iĕm hăm 'bôh, Bơngai mă inh hơyuh ưh?

Hơri Hiôk 5:7

Lu bơngai gak dăr pơlei tơ'bơ̆p inh; Lu sư teh inh, mah rơka, Lu bơngai gak dur iŏk lê̆ hơdrao inh gom.

Êsai 43:26

Tơ'blŏk dơ̆ng bĕ kơ Inh, bĕ bơ̆n pơma tơgar băl kơ trŏ. Roi pơdah tơdrong trŏ iĕm bĕ, wă tơ'bôh khan lu iĕm trŏ 'lơ̆ng tơpăt.

Êsai 49:16

'Nâu inh đei chhơ̆ bơih lu iĕm lăm tơpang ti Inh; lu dur pơlei iĕm ling-lang oei 'bơ̆t anăp Inh.

Êsai 52:8

Mơ̆ng bĕ nơ̆r lu bơngai gak! Lu sư hơri hiôk chơt hơdai; yua kơ măt lu sư 'bôh kơplah Kră Yang chông ba bơnă wih brŏk tơ Siôn.

Êsai 56:10

Lu bơngai Isơrael gak tă kơ măt tol, ưh kơ băt tơdrong kiơ. Đĭ-đăng lu sư thoi kŏ kơmlo, ưh kơ băt kơ kuăl, 'maih 'bĭch ling-lang păng tep blêk apo kư̆ kă đĕch;

Êsai 62:1

Yua kơ Siôn na inh ưh kơ đei ngăn hreh ôh, yua kơ Jêrusalem na Inh ưh kơ đei pơdơh hiôk ôh. Dĭng truh tơ layơ tơdrong 'lơ̆ng tơpăt sư pơchrang thoi hơdah 'mơ̆i păng tơdrong dŏng pơklaih sư khơ̆ng thoi lĕ pla ŭnh hơchô̆ hơpaih.

Je 14:21

'Nĕ kơ achăng lê̆ lu nhôn; yua kơ anăn Ih, 'nĕ pơm kơ anih pơtao ư-ang Ih đe pơjăm, Apinh Ih 'blŏk bĕ nơ̆r Ih đei pơgơ̆p hăm lu nhôn păng 'nĕ kơ tŭk.

Je 6:17

Inh 'măn boih lu bơngai gak wei-lăng tăp dăr kơ iĕm păng khan; ‘Pơgling đon lu iĕm mơ̆ng bĕ keng re.’ Mă-lei lu sư khan: “Lu nhôn ưh kơ wă mơ̆ng ôh.”

Nhom 5:1

Ơ Kră Yang, apinh Ih 'blŏk tơdrong truh kơ lu nhôn. Lăng bĕ tơdrong đe pơmat lu nhôn!

Nhom 5:20

Liơ Kră Yang hiơt kơ lu nhôn ling-lang boih hă? Liơ Ih achăng lê̆ lu nhôn đunh đang?

Luka 18:39

Lu bơngai mă yak hơdrol kơ Yêsu khă sư 'nĕ pă krao, mă-lei sư rai krao 'bơ̆r re: “Ơ Kon Sâu pơtao Đawit, apinh Ih mơnat kơ inh 'biơ̆ bĕ.”

Jang 10:31

Bơngai ei khan kơ inh: ‘Ơ Kôrnei, 'Bok Kei-Dei kơtơ̆ng ih krao khan păng Sư băt kơ ih hơlăng kơ đe tơmam na 'Bok Kei-Dei wă tơgŭm ih.

Jang 10:4

Na 'bok Kôrnei lăng sư. Sư hli dêh. Na 'bok Kôrnei khan: “Ơ 'bok, Ih wă kơ kiơ?” Na linh jang 'lơ̆ng ei khan: “'Bok Kei-Dei kơtơ̆ng ih krao khan ling-lang păng 'bôh ih hơlăng kơ đe kon pơlei pơla tơmam, na 'Bok Kei-Dei wă tơgŭm ih.

I Kor 12:28

'Bok Kei-Dei asong kơ lu bơngai lui tôm kơ bơngai jang kiơ̆ thoi âu: Mă mônh 'Bok Kei-Dei ăn bơngai pơm jơ̆ng 'bang Yêsu; mă 'bar Sư ăn bơngai pơtruh nơ̆r Sư; mă pêng Sư ăn bơngai bơtho tơdrong Sư; klaih kơ noh Sư ăn bơngai gơh pơm tơdrong mơsêh, bơngai gơh pơklaih đe jĭ jăn, đei bơngai gơh tơgŭm đe, đei bơngai gơh wei-lăng đe; Sư ăn kơ bơngai mơ'nah gơh pơma nơ̆r hlĭch wă ư-ang kơ 'Bok Kei-Dei.

Hêbrơ 13:17

Iĕm athei yom kơ bơngai mă pơgơ̆r iĕm, yua kơ sư adrin wei-lăng tơdrong lui iĕm, dang lĕ kơ wei-lăng bơhngol iĕm. Tơ̆ng sư wei-lăng ưh kơ 'blep, 'Bok Kei-Dei kư̆m chrih kơ sư mơ̆n. Iĕm athei yom kơ sư na sư jang hiôk kơ jơhngơ̆m huay kơ sơ'ngon. Tơ̆ng sư sơ'ngon, noh ưh kơ pơyua iĕm boih.

Tơdrông Tơ'bôh 6:10

Đĭ dôm lu sư pơma pơret khan: “Ơ 'Bok Kei-Dei, Ih Kră Yang 'lơ̆ng tơpăt. Layơ Ih wă sek tơlang phak lu bơngai mă oei tơ ala teh pơlôch nhôn sơ̆?”