Êsai 62:5 - Sơ̆p Hlabơar Nơ̆r 'Bok Kei-Dei

⁵ Thoi bơngai tơdăm oei kơ bơngai adruh 'nao iung, kư̆m thoi lu kon drŏ-nglo ih gô oei hăm ih; thoi bơngai 'nao iŏk akăn gô hiôk chơt yua kơ akăn sư 'nao iŏk. Na Kră Yang 'Bok Kei-Dei ih kư̆m hiôk chơt yua kơ ih.

Êsai 62:5 ပူးပေါင်းရင်းမြစ်များ

Hơri Hiôk 3:11

Ơ lu adruh Siôn, năm lăng bĕ Pơtao Sôlômôn, Yơ̆l môk pơtao đêl mĕ sư pơyơ̆l kơ sư lăm năr pơkong kơ sư sơ̆, lăm năr mă jơhngơ̆m sư chơt hiôk.

Hơri Hiôk 4:8

Ơ ŭnh om inh, yak hơdai bĕ ba đơ̆ng char Liban. Yak bĕ ba. Weh đơ̆ng kơpal kông Amana. Đơ̆ng wĕch kông Sanir păng kông Hermôn, Đơ̆ng hơgơp trôm dăm-brang, đơ̆ng kông lu djrang oei.

Êsai 62:4

Đe ưh pă krao ih Kră Yang hŭt lê̆ dơ̆ng bơih dah ưh pă krao ih teh lê̆ bri juơ dơ̆ng bơih. Mă-lei đe gô krao ih Inh chơt hiôk hăm ih păng krao teh đak ih đei pơkong thoi ŭnh om bơih. Yua kơ Kră Yang chơt hiôk ih păng teh ih gô đei klo.

Êsai 65:19

Inh gô hiôk chơt yua kơ Jêrusalem, Inh gô 'nă hal kơ kon pơlei Inh; Tơ anih noh ưh pă đei kơtơ̆ng nơ̆r nhơ̆m ôr pơret dơ̆ng bơih.

Je 32:41

Na jơhngơ̆m Inh hiôk ăn kơ lu sư pŭn hiôk, hăm đĭ tơdrong tơpăt lăm jơhngơ̆m Inh wă pơtăm lu sư lăm teh đak âu.”

Hôsia 2:19

Inh gô oei kơ ih ling-lang hlŏng hloi; Inh gô tơ'bôh kơ ih tơdrong tơpăt sĭt trŏ 'blep iơ̆m dim păng 'mêm mơnat.

Hôsia 2:21

Kră Yang khan: “Lăm năr noh, Inh gô tơl tơwih kơ lu tăl plĕnh ăn hơmơ̆l, lu tăl plĕnh gô tơl tơwih kơ teh ăn 'mi.

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Malachi 3:12

Jơ̆p kơ teh đak đe gô ư-ang kơ lu iĕm đei pŭn hiôk, yua kơ đơ̆ng iĕm na teh gô chơt hiôk.” Kră Yang Tih Hloh khan thoi noh.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.