Êsai 62:10 - Sơ̆p Hlabơar Nơ̆r 'Bok Kei-Dei

¹⁰ Lĕch năm bĕ, rok trong 'măng dur hơmet bĕ trong ăn kơ kon pơlei Man hơmet bĕ, man ming bĕ trong tih. Bơ'nguơih bĕ tơdrong găn pơdơ̆ng bĕ hla-kơ ăn kơ lu kon pơlei Inh.

Êsai 62:10 ပူးပေါင်းရင်းမြစ်များ

Horiso 24:7

Ơ lu 'măng jang hiŏng kơ̆l ih bĕ! Ơ lu 'măng mă oei oei ling-lang, pơih kơjung bĕ! Na pơtao ư-ang gô mơ̆t,

Horiso 68:4

Hơri pơư bĕ kơ Kră Yang 'Bok Kei-Dei bơnê bĕ kơ anăn Sư; Man hơmet bĕ trong kơ Kră Yang hao hơmơ̆l năm rok anih glă; Anăn Sư jơ̆ Kră Yang; Chơt hiôk bĕ 'bơ̆t anăp Sư.

Le 17:15

Môis pơdơ̆ng minh pôm chơnang soi, krao anăn Kră Yang Hla-kơ inh

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Êsai 11:12

Kră Yang gô pơdơ̆ng hla-kơ ăn kơ rim teh đak akŭm iŏk lu bơngai Isơrael mă đêl đe puh tơweh; pơpôi iŏk lu bơngai Juđa đêl lu sư tơklah tơklang đơ̆ng puăn pah mum teh đak.

Êsai 11:16

Gô đei minh pôm trong tih ăn kơ kon pơlei Kră Yang mă oei đei đơ̆ng dêh Asiri yak năm, kư̆m thoi đei bơih trong tih ăn kơ lu đe Isơrael yak năm, năr mă lu sư lĕch đơ̆ng dêh Êyiptơ noh.

Êsai 18:3

Ơ đĭ-đăng kon pơlei pơla lăm teh đak oei kơpal teh kơplah đe pơdơ̆ng hla-kơ kơpal kông iĕm gô lăng 'bôh mưh đe hlôm tơgiĕp iĕm gô kơtơ̆ng.

Êsai 19:23

Lăm năr noh kơnh gô đei minh pôm trong glung tih đơ̆ng dêh Êyiptơ truh tơ dêh Asiri, lu bơngai Asiri gô năm tơ dêh Êyiptơ, lu bơngai Êyiptơ gô năm tơ dêh Asiri, lu bơngai Êyiptơ păng bơngai Asiri wang hơdai kơkuh kơ Kră Yang.

Êsai 26:1

Lăm năr noh tơ dêh Juđa, đe gô hơri 'bai âu: Lu bơ̆n đei pơlei tih kơjăp! Kră Yang 'Bok Kei-Dei ăn tơdrong dŏng pơklaih Sư pơm thoi dur pơlei kơjăp.

Êsai 26:2

Pơih bĕ lu 'măng jang. Ăn kơ dêh char tơpăt đei đon lui tơpă mơ̆t tơ noh,

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Êsai 35:9

Tơ trong noh ưh kơ đei dăm-brang, ưh kơ đei minh pôm sem bri ayơ mă krưp năm rok trong noh; ưh kơ đei bu 'bôh sư tơ noh. Mă-lei lu bơngai mă huai iŏk bơih gô yak năm trong noh.

Êsai 40:3

Đei nơ̆r krao: “Pơih bĕ trong lăm bri glă ăn kơ Kră Yang; hơmet bĕ trong mă tơpăt lăm teh glă ăn kơ Kră Yang 'Bok Kei-Dei lu bơ̆n.

Êsai 40:4

Rim anih thŭng thong gô tŏk kơjung, Rim kông, rim groi gô tơjur tơ kơđeh, lu anih hơlôk hơlak gô pơm dơnă, lu anih kông krang, gô jing dơnă 'lơ̆ng.

Êsai 48:20

Lĕch bĕ đơ̆ng Babilôn! Kơdâu weh bĕ đơ̆ng bơngai Kalđê! Athei jreo ôr hiôk chơt na khan roi tơbăt bĕ tơdrong 'nâu. Ră roi dĭng jơ̆p truh tôch kơ lăm teh đak! Athei khan: “Kră Yang dŏng pơklaih adrĕch Jakôp bơih, đĭch đam Sư.”

Êsai 49:11

Inh gô pơm ăn kơ kông Inh jing trong tơhnă, păng dôm trong tih Inh gô 'bŭ hơmet ming.

Êsai 49:22

Kră Yang khan thoi âu: “'Nâu, Inh gô yơ̆r ti Inh tơ kơpal lu teh đak, hơtŏk hla-kơ Inh tơ lăm kon pơlei. Na lu sư gô pôk lu kon drŏ-nglo 'bơ̆t kơtơh, koi lu kon drŏ-kăn tơ kơpal hơngiĕng na yak năm.

Êsai 52:11

Lu iĕm weh bĕ, weh bĕ, weh lĕch bĕ đơ̆ng anih noh. 'Nĕ hơtŭt 'bơm tơmam 'mê̆-'mach. Lĕch bĕ đơ̆ng noh pơm akâu kơdih mă rơgoh. Ơ lu bơngai chĕp tơmam Kră Yang.

Êsai 57:14

Sư gô khan: “Man bĕ, pơdơ̆ng bĕ, hơmet bĕ trong! Bơ'nguơih bĕ lu tơdrong găn kon pơlei Inh.”

Êsai 60:11

Măng jang ih gô pơih ling-lang, măng năr ưh kơ đei layơ tang, wă kơ đe chĕp mŭk tơmam đơ̆ng rim kơ teh đak truh ăn kơ ih, na lu pơtao gô năm chĕp ba tơmam gĭt ăn kơ ih,

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Êsai 66:19

Inh gô dan minh tơdrong tơdra tơ lăm lu sư; lu bơngai mă lăm lu sư oei arih đơ̆ng tơdrong truh pơmat na inh gô wơh lu sư năm truh tơ jơ̆p-jang teh đak, wă khan truh tơ Tarsis, lu bơngai Phun, Lut, lu kon pơlei gơh hơgei kơ prah hră, lu bơngai Tubal păng Jawan, truh tơ lăm lu bŏl đak dơsĭ ataih, lu anih ưh tam mă kơtơ̆ng anăn Inh păng ưh tam mă 'bôh tơdrong ư-ang Inh, lu sư gô bơtho tơdrong ư-ang Inh tơ jơ̆p kơ teh đak.”

Je 18:15

Mă-lei kon pơlei Inh hiơt kơ Inh; Soh 'long 'bâu phu kơ rup yang kư̆ kă. Sơ̆ lu sư kiơ̆ trong so, mă-lei pơ̆k huŏng yua kơ rup yang, Na weh kiơ̆ trong nai, lu trong tam mă hơmet.

Je 4:6

Pơdơ̆ng bĕ hla-kơ tơ gah Siôn! Kơdâu ôn bĕ tơ anih hơđơ̆ng 'nĕ pă dơ̆ng, yua kơ Inh gô ăn tơdrong pơrăm truh đơ̆ng yă-nơ̆m, minh tơdrong pơrăm tih.

Êsêkiên 26:2

“Ơ kon bơngai, yua kơ pơlei Tirơ pơma 'bơm gah Jêrusalem: “Ah ha! 'Măng jang lu kon pơlei pơla pơchah đĭ boih! Sư pơih ăn kơ inh boih; inh gô rai tih să, na sư răm đĭ bơih.

Mathiơ 22:9

Thoi noh boih na dang ei iĕm năm răp rim trong bĕ, kư̆ kơ 'bôh bơngai, krao sư sŏng sa tơ âu.’

Hêbrơ 12:13

Iĕm athei pơm trong iĕm yak mă tơpăt, wă kơ lu bơngai jĭ cho jo jăn yak huay kơ tơpling jơ̆ng, wă kơ lu sư jah klaih.