Êsai 62:1 - Sơ̆p Hlabơar Nơ̆r 'Bok Kei-Dei

¹ Yua kơ Siôn na inh ưh kơ đei ngăn hreh ôh, yua kơ Jêrusalem na Inh ưh kơ đei pơdơh hiôk ôh. Dĭng truh tơ layơ tơdrong 'lơ̆ng tơpăt sư pơchrang thoi hơdah 'mơ̆i păng tơdrong dŏng pơklaih sư khơ̆ng thoi lĕ pla ŭnh hơchô̆ hơpaih.

Êsai 62:1 ပူးပေါင်းရင်းမြစ်များ

Horiso 137:6

Ăn kơ hơpiĕt inh klep tơ păk-'ngơk. Tơdah inh ưh kơ 'blŏk kơ ih, Tơdah inh ưh kơ wă Jêrusalem pơm tơdrong chơt hiôk dêh kơ inh;

Horiso 51:18

Pơm 'lơ̆ngb bĕ kơ Siôn kiơ̆ thoi tơdrong Ih tơchĕng 'lơ̆ng. Man pơdơ̆ngc bĕ dur Anăp.

Tơdrông Pơđơk 4:18

Mă-lei trong lu bơngai tơpăt thoi hơdah pơchrang, Pơchrang hơdah truh tơ 'năr dơ̆ng.

Êsai 26:2

Pơih bĕ lu 'măng jang. Ăn kơ dêh char tơpăt đei đon lui tơpă mơ̆t tơ noh,

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Êsai 48:18

Ôi! Rŏ kơ iĕm mơ̆ng bơih tơdrong juăt Inh tơtă, Lei tơdrong hiôk-hian iĕm thoi đak krong. Tơdrong 'lơ̆ng tơpăt iĕm thoi đak dơsĭ poh-yă.

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Êsai 54:14

Tơdrong 'lơ̆ng tơpăt hơnơ̆ng gô pơm kơ ih kơjăp Tơdrong đe pơjuă pơđep gô weh ataih đơ̆ng ih yua kơ ưh kơ đei hli tơdrong kiơ ôh. Ih gô klaih đơ̆ng tơdrong hli tơrơ, yua kơ tơdrong noh ưh kơ đei layơ truh jê̆ ih.

Êsai 58:8

Na tơdrong ih pơm gô rang hơdah thoi pơgê hrôih; rơka ih gơh klaih 'bônh. Tơdrong 'lơ̆ng tơpăt ih gô năm adrol kơ ih tơdrong ư-ang Kră Yang gô wei-lăng đơ̆ng rŏng ih.

Êsai 60:1

Iung bĕ pơchrang bĕ! Yua kơ tơdrong hơdah ih truh bơih, păng tơdrong ư-ang Kră Yang pơchrang kơpal ih.

Êsai 60:2

Măng mu gô gom jơ̆p kơ teh đak păng măng klăm gô klơ̆p lu kon pơlei. Mă-lei Kră Yang gô pơchrang tơ kơpal ih păng tơdrong ư-ang Sư gô tơ'bôh tơ kơpal ih.

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Mi 4:2

păng gô đei đơ̆ng lơ teh đak năm tơ noh păng khan: Năm bĕ lu bơ̆n năm truh tơ kông Kră Yang, anih hnam 'Bok Kei-Dei Jakôp! Sư gô bơtho tơ'bôh kơ lu bơ̆n trong Sư păng lu bơ̆n gô yak kiơ̆ trong Sư, yua kơ khôi juăt gô lĕch đơ̆ng Siôn, nơ̆r Kră Yang gô lĕch đơ̆ng Jêrusalem.

Sa 2:12

Kră Yang gô đei char Juđa pơm mŭk tơmam Sư lăm teh đak rơgoh păng Sư gô rơih iŏk Jêrusalem.

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Luka 10:2

Yêsu pơma pơtih gia kơ lu sư gah tơdrong đei lơ bơngai tam mă lui đei hui bơngai năm bơtho lu sư: “'Ba lơ ră mă-lei hui bơngai năm kĕch ăn. Thoi noh na bơ̆n athei adrin krao khan apinh tơ'ngla tơm mir wă wơh lơ bơngai năm tơgŭm kĕch.

II Tes 3:1

Ơ lu 'nhŏng oh, tơdrong âu dơ̆ng: Lu iĕm krao khan kơ 'Bok Kei-Dei tơgŭm nhôn 'biơ̆ hŏ, wă kơ lu nhôn gơh bơtho tơdrong Kră Yang Yêsu Krist jơ̆p-jang, wă kơ lơ bơngai lui hăm băt ư-ang tơdrong 'nao 'lơ̆ng Sư, kư̆m thoi iĕm ư-ang tơdrong Sư dang ei mơ̆n.

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.