Êsai 61:1 - Sơ̆p Hlabơar Nơ̆r 'Bok Kei-Dei

¹ Yang Bơhngol 'lơ̆ng Kră Yang oei hơdai Inh. Kră Yang rơih inh. Wă năm bơtho ăn tơdrong 'nao 'lơ̆ng kơ lu bơngai dơnuh hin, păng pơlung lu bơngai ơh sơ'ngon Sư wơh inh roi tơdrong Sư wă tơlĕch lu bơngai đe phak, kơ roi tơbăt ăn kơ lu bơngai bơnă gơh hơgei, tơbăt tơlĕch lu bơngai đe chĭt phak đơ̆ng hnam bơnă.

Êsai 61:1 ပူးပေါင်းရင်းမြစ်များ

Horiso 102:20

Wă kơtơ̆ng nơ̆r đơ̆ng lu bơnă ôr krao. Păng dŏng pơklaih bơngai mă đe wă pơlôch;

Horiso 147:3

Ming pơklaih lu bơngai đei jĭ jơhngơ̆m. Păng pơ̆n rơka lu sư.

Horiso 149:4

Yua kơ Kră Yang hiôk lăp đon kơ kon pơlei pơla Sư; Sư iŏk tơdrong dŏng pơklaih pơhrôp ăn kơ lu bơngai iŏk đon ala.

Horiso 2:6

“Mă-lei, Inh pơjing boih Tang-dŏ Tang-dŏ pơtao Inh tơ kơpal kông Siôn rơgoh.”

Horiso 22:26

Lu bơngai dơnuh hin gô sa phĭ jơnap; Lu bơngai chơchă Kră Yang gô kơkuh bơnê kơ Sư; Ăn kơ jơhngơ̆m ih đei arih ling-lang.

Horiso 25:9

Sư gô ba lu iơ̆m dim, lăm trong tơpăt, Bơtho tơ'bôh trong Sư kơ lu bơngai chu yom.

Horiso 34:18

Kră Yang oei jê̆ lu bơngai đei chhŭr nuih, Păng dŏng pơklaih lu bơhngol mă sơ'ngon kơ tơdrong yoch

Horiso 45:7

Kră Yang lăp kơ tơdrong tơpăt păng areh tơdrong kơnê̆. Thoi noh Kră Yang 'Bok Kei-Dei, Jơ̆ Kră Yang 'Bok Kei-Dei Ih, tuh boih đak rơmă kơ Ih. Hăm đak rơmă tơdrong chơt hiôk hloh kơ buăl ih.e

Horiso 51:17

Tơdrong pơm Yang lăp đon Kră Yang 'Bok Kei-Dei noh jơ̆ jơhngơ̆m pơchah. Ơ Kră Yang 'Bok Kei-Dei! Jơhngơ̆m tơbral pơchah Ih kư̆m ưh kơ pơdê.

Horiso 68:7

Ơ Kră Yang 'Bok Kei-Dei kơplah Ih năm 'bơ̆t anăp lu kon pơlei pơla Ih; Kơplah Ih yak truh tơ char 'blach Sêla

Horiso 69:32

Lu bơngai pơmat-tat 'bôh tơdrong noh gô chơt hiôk, Ơ lu bơngai mă krao chă Kră Yang 'Bok Kei-Dei. Jơhngơ̆m lu iĕm gô arih.

Le 28:41

Đơ̆ng noh, athei iŏk hơbĕn ao 'noh pơhrŭk ăn kơ Arôn, 'nhŏng ih hăm lu kon drŏ-nglo sư; ih athei ăn đak 'bâu phu, kơ lu sư pơm rơgoh, wă kơ pôk lu sư jing 'bok soi gơh jang ăn kơ Inh.

Le 29:7

hăm iŏk đak pơgang 'bâu phu hling tơ kơpal kơ̆l sư.

Êsai 29:19

Lu bơngai răm-'băm gô thim tơdrong chơt hiôk lăm Kră Yang, lu bơngai dơnuh hin gô 'nă hal lăm Tơ'ngla 'lơ̆ng rơgoh đe Isơrael.

Êsai 30:19

Ơ kon pơlei pơla oei lăm Siôn, lu bơngai oei lăm pơlei Jêrusalem, lu iĕm huay pă nhơ̆m hmoi dơ̆ng bơih. Mưh iĕm krao, sĭt Sư gô mơnat. Mưh kơtơ̆ng lu iĕm krao, Sư gô tơl hloi.

Êsai 30:26

Măt khei gô hơdah rang nhen hơdah măt 'năr păng tơdrong hơdah măt 'năr gô hơdah hloh tơpơh wơ̆t, thoi tơdrong hơdah kơ tơpơh năr, lăm năr Kră Yang ming rơka jĭ kon pơlei Sư păng ming hơmet pơklaih đêl rơka Sư teh.

Êsai 32:7

Lu bơngai hơlĕnh pơdăr yua tơdrong kơnê̆; pơđâu pơm tơdrong kơnê̆, wă pơrăm lu bơngai dơnuh hăm nơ̆r pơma hơlĕnh Mă khan lu bơngai dơnuh hoh roi khan trŏ.

Êsai 40:9

Ơ Siôn lu iĕm bơngai mă ră roi tơdrong 'nao 'lơ̆ng, tŏk bĕ tơ kơpal kông kơjung! Ơ Jêrusalem lu iĕm bơngai mă tơbăt tơdrong 'nao 'lơ̆ng ôr mă re đĭ jơhngơ̆m bĕ! Ôr mă re! 'Nĕ kơ hli! Khan bĕ kơ lu pơlei tih Juđa: “'Nâu Kră Yang 'Bok Kei-Dei lu iĕm!”

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Êsai 42:7

Wă pơih ăn măt lu bơngai tol, tơlĕch lu bơngai đe chĭt lăm hnam phak păng đơ̆ng anih măng mu.

Êsai 48:16

Lu iĕm athei năm jê̆ Inh păng athei mơ̆ng tơdrong 'nâu: Đơ̆ng blŭng-a Inh ưh tam mă đei pơma ôn. Kơplah đei tơdrong 'noh, Inh oei tơ noh bơih, Dang ei Kră Yang wơh inh năm. Hăm yang bơhngol Sư.

Êsai 49:9

Wă khan kơ lu bơngai bơnă: ‘Lĕch bĕ,’ păng khan kơ bơngai oei lăm măng mu: ‘Pơdah bĕ akâu iĕm!’ Lu sư gô sŏng sa rok trong păng lu sư gô đei tơmăn 'nhĕt tơ kơpal kông groi mơ-mlưch.

Êsai 52:7

Đêl jơ̆ng lu bơngai ba tơdrong 'nao 'lơ̆ng tơ kơpal kông 'lơ̆ng pă băt dang yơ. Lu bơngai roi tơdrong hiôk-hian, tơbăt tơdrong 'nao 'lơ̆ng. Tơbăt tơdrong dŏng pơklaih khan kơ Siôn: “Kră Yang 'Bok Kei-Dei iĕm oei pơgơ̆r.”

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 57:18

Inh 'bôh trong lu sư, mă-lei Inh gô pơklaih gô dui ba hăm nơ̆r pơlung,

Êsai 59:21

Kră Yang khan: “Gah Inh 'nâu, noh boih tơdrong Inh pơgơ̆p hăm lu sư. Yang bơhngol Inh oei tơ lăm iĕm păng lu nơ̆r Inh tah bơih lăm 'bơ̆r iĕm, gô ưh kơ weh đơ̆ng 'bơ̆r iĕm păng 'bơ̆r adrĕch adrung kon sâu iĕm đơ̆ng dang ei ling-lang truh kơ ning-mônh,” Kră Yang khan thoi noh.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Je 34:8

Kră Yang khan kơ Jêrêmi đơ̆ng rŏng kơ pơtao Sêđekia pơm nơ̆r pơgơ̆p hăm đĭ-đăng lu kon pơlei pơla tơ Jêrusalem, roi tơbăt ăn rơngei kơ lu đĭch.

Je 52:33

Thoi noh Jêhôiachin plôh lê̆ ao bơnă sư, kơplah sư oei arih sư sŏng sa hơdai ling-lang hăm pơtao.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

Lêwi 7:35

Noh tơmam soi 'măn đơ̆ng lăm lu tơmam soi yua 'buh hăm ŭnh pơyơ̆r kơ Kră Yang jao ăn kơ Arôn păng lu kon drŏ-nglo sư lăm năr mă đe tuh đak rơmă pôk sư pơm 'bok soi 'bơ̆t anăp Kră Yang.

Mi 3:8

Mă-lei gah inh, inh 'bĕnh kơ tơdrong pran kơtang, tơdrong sek tơlang păng đei jơhngơ̆m nuih yua kơ đơ̆ng Yang Bơhngol 'Lơ̆ng Kră Yang, wă roi ăn kơ Jakôp gah tơdrong sư pơm yoch, roi ăn kơ Isơrael gah tơdrong yoch lu sư.

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Mathiơ 3:16

Hlôi Sư iŏk 'batem boih, lăp Sư iung đơ̆ng đak, na Sư 'bôh hloi plĕnh tơpơih păng 'bôh Yang Bơhngol 'Lơ̆ng thoi sem kơtơp jur oei tơ Sư.

Luka 7:22

Na đơ̆ng noh Yêsu khan kơ bre sư: “Biĕm wih roi kơ Yôhan tơdrong mă biĕm kơtơ̆ng đơ̆ng Inh bơtho, hăm biĕm 'bôh noh bĕ: Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk jing hơbăng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Yo 1:41

Na Andrê năm chă 'nhŏng sư Simôn, roi kơ 'nhŏng sư khan: “Nhôn 'bôh boih 'Bok Mêsi.” 'Bok Mêsi wă khan 'Bok Krist mă 'Bok Kei-Dei wơh wă pơgơ̆r kon bơngai.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Jang 4:27

Lăm Pơlei Jêrusalem âu lu kră pơgơ̆r hlôi ayăt kơ Kon Ih Yêsu mă 'lơ̆ng tơpăt, Sư boih 'Bok Krist mă Ih ăn pơgơ̆r nhôn. 'Bok pơtao Hêrôt păng 'bok pơgơ̆r Pilat, bre sư pơm minh đon păng lu bơngai dêh đe tơmoi păng lu bơngai Isơrael wă ayăt kơ Yêsu; trŏ tơpă yua kơ đơ̆ng nơ̆r Ih khan lê̆ hơdrol sơ̆, truh dang ei 'blep tơpă boih.

II Kor 3:17

Kră Yang Yêsu kư̆m thoi Yang Bơhngol 'Lơ̆ng. Yang Bơhngol 'Lơ̆ng oei tơ yơ, tơ anih noh rơngei hiôk-hian.

II Kor 7:6

Mă-lei 'Bok Kei-Dei gơh hơmet ming jơhngơ̆m lu bơngai sơ'ngon jing hiôk, thoi noh na Sư jah ăn Tĭt truh tơ nhôn, chhơp boih.

Hêbrơ 1:9

Ih lăp đon kơ tơdrong 'lơ̆ng areh kơ tơdrong kơnê̆. Yua kơ thoi noh na 'Bok Kei-Dei Kră Yang Ih, pôk Ih oei tơ tang-dŏ păng pik kơ Ih đak pơgang 'bâu phu, ăn kơ Ih hiôk hloh, tih hloh kơ lu bôl buăl Ih.”