Êsai 60:22 - Sơ̆p Hlabơar Nơ̆r 'Bok Kei-Dei

²² Bơngai tŏ sĕt hloh gô jing rơbâu hơngan. Bu iĕ hloh gô jing minh khŭl kon pơlei pran kơtang Inh bơih Kră Yang gô pơm pơkeh tơdrong 'noh trŏ kơ khei 'năr.”

Êsai 60:22 ပူးပေါင်းရင်းမြစ်များ

Êsai 10:22

Ơ lu bơngai Isơrael, mă khan adrĕch adrung iĕm lơ thoi chuơh cheng đak dơsĭ, lăp tŏ sĕt đĕch gô wih brŏk. Đei pơkă bơih wă pơrăm hăm tơdrong tơpăt hơnơ̆ng.

Êsai 5:19

Lu sư khan: “Apinh Ih jah pơm pơkeh tơdrong jang Ih, wă kơ lu nhôn 'bôh! Apinh tơdrong tơdă đơ̆ng Yang 'Lơ̆ng Rơgoh Isơrael jah truh, jing keh. Wă kơ lu nhôn băt.”

Êsai 51:2

Athei tơchĕng bĕ kơ Abraham 'bă iĕm, hăm Sara, bơngai pơjing lu iĕm; kơplah Inh krao sư, sư lăp minh 'nu; Inh tuh ăn tơdrong pŭn hiôk kơ sư na jing đei bơngai lơlap lơlang.

Êsai 66:8

Hăm tam đei bu kơtơ̆ng minh tơdrong thoi noh? Hăm đei bu 'bôh bơih tơdrong thoi noh? Hăm đei dêh char ayơ tơpŭ pơjing lăm minh năr? Dah hăm đei teh đak ayơ tơpŭ pơjing băl lăm minh wơ̆t hơdai? Mă-lei Siôn 'nao wă jĭ anăp tơpŭ pơjing hloi kơ lu kon hơ'lơ̆p bơih.”

Da 2:35

Đang kơ noh lu maih, hu, kong bơsei păng lơ̆n kư̆m pơchah đĭ, jing thoi hla đuih hla đăm, thoi hơnong 'ba đông tơ anih pơjuă 'ba bơyan phang, tơ'bơ̆p kial dơhlu pơđông đĭ, chă lăng sư pă đei 'bôh dơ̆ng, mă-lei tơmo đêl hơtat kơ tơpang jơ̆ng noh jing minh pôm kông tih păng 'bĕnh tơ jơ̆p teh đak.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Mi 4:7

Đơ̆ng noh Inh gô ăn lu bơngai jo jăn jing kon pơlei mă oei oei păng lu bơngai mă đe pă lăng gô jing minh dêh char pran kơtang, Kră Yang gô pơgơ̆r lu sư tơ kông Siôn đơ̆ng dang ei truh tơ ning-mônh.

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Luka 18:7

Pơma kơ kiơ kơ 'Bok Kei-Dei Sư gô tơdŏng tơpă lu bơngai mă Sư đĭ rơih boih mă oei krao khan kơ Sư măng năr. 'Bok Kei-Dei hăm ngê̆ gô đunh ưh?

Jang 2:41

Thoi noh lu bơngai mă iŏk nơ̆r bơtho 'noh, lu sư iŏk 'batem. Lăm năr 'nei đei dang pêng-rơbâu 'nu bơngai mơ̆t tơ lu bơngai lui.

Jang 5:14

Lu bơngai lui kơ Kră Yang Yêsu mă drŏ-nglo mă drŏ-kăn, rai đunh rai lơ, đe mah anhăk ba lu bơngai jĭ jăn tơ trong tơ'bĭch sư tơ giơng dah tơ sơkok wă kơ yơ̆p ngôi Pêtrôs năm brih 'bơm lu bơngai jĭ jăn ei na lu sư klaih.

Hêbrơ 10:36

Iĕm athei adrin ling-lang mă tơpă, na iĕm pơm trŏ thoi 'Bok Kei-Dei lăp đon, gơh iŏk dôm tơdrong Sư pơkă khan wă asong kơ bơ̆n noh.

II Pet 3:8

Ơ lu 'nhŏng oh mă inh 'mêm kơeng, iĕm 'nĕ hiơt kơ tơdrong âu hŏ: Yua kơ 'Bok Kei-Dei Sư Yang, Sư lăng minh năr dang minh-rơbâu sơnăm, minh-rơbâu sơnăm dang lĕ kơ minh năr đĕch. Bơ̆n tơchĕng Sư gô đunh mă Sư lăng ưh kơ đunh ôh.

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.