Êsai 60:21 - Sơ̆p Hlabơar Nơ̆r 'Bok Kei-Dei

²¹ Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 60:21 ပူးပေါင်းရင်းမြစ်များ

II Sam 7:10

Inh gô ăn kơ kon pơlei Isơrael Inh minh anih oei, Inh gô ăn kơ sư chăt rơh lăm anih noh, ăn kơ lu sư oei kơjăp tơ anih noh, huay pă đei hli kơ kiơ dơ̆ng, păng lu bơngai kơnê̆ ưh pă gơh pơjuă pơđep thoi sơ̆ dơ̆ng.

Horiso 37:11

Mă-lei lu bơngai 'lơ̆ng tơpăt gô đei teh jang sa. Păng 'nă hal lăm tơdrong rơnŭk rơnua tih.

Horiso 37:18

Kră Yang băt năr lu bơngai tơpăt, Păng mŭk tơmam lu sư oei đei ling-lang.

Horiso 37:22

Yua kơ lu bơngai mă Kră Yang ăn pŭn hiôk gô đei iŏk teh jang sa; Gah lu bơngai mă Sư hiap pơtê̆ gô lôch răm đĭ.

Horiso 37:29

Lu bơngai tơpăt gô đei teh, Păng oei hloi tơ noh ling-lang.

Horiso 92:13

Đe pơtăm lu sư lăm hnam Kră Yang. Wơ̆ tih tơ lăm cham Kră Yang 'Bok Kei-Dei lu bơ̆n.

Êsai 19:25

Pêng tŏ teh đak Kră Yang Tih Hloh sơkat ăn pŭn hiôk kơ lu sư, khan: “Pŭn hiôk kơ Êyiptơ kon pơlei Inh, Asiri tơdrong jang đơ̆ng ti Inh, Isơrael jơ̆ mŭk tơmam Inh.”

Êsai 24:16

Lu bơ̆n kơtơ̆ng bơih đơ̆ng tôch kơ teh đak hơri: “Ư-ang kơ Tơ'ngla 'lơ̆ng tơpăt.” Mă-lei inh khan: “Inh hiong bơih! Inh hiong răm-'băm dêh kơ inh! Lu bơngai blơ̆ blĕch hơlĕnh pơdăr, lu bơngai blơ̆ blĕch hơlĕnh pơdăr rai dêh.

Êsai 26:2

Pơih bĕ lu 'măng jang. Ăn kơ dêh char tơpăt đei đon lui tơpă mơ̆t tơ noh,

Êsai 29:23

Mưh lu sư 'bôh lu kon hơ'lơ̆p sư, jơ̆ tơdrong jang đơ̆ng ti Inh pơm kơ lu sư, lu sư gô pôk pơyom kơ anăn Inh 'lơ̆ng rơgoh băt pơyom kơ Tơ'ngla 'lơ̆ng tơpăt Jakôp, păng gô hli yom kơ Kră Yang 'Bok Kei-Dei đe Isơrael.

Êsai 43:21

Inh pơjing bơih lu kon pơlei âu, ăn kơ Inh, lu sư gô ră roi bơnê kơ inh.

Êsai 43:7

Lu bơngai mă Inh krao hăm anăn Inh, Inh bơih pơjing lu sư, wă ư-ang kơ Inh, tơpă Inh bơih pơjing lu sư.

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Êsai 45:11

Kră Yang Tơ'ngla 'lơ̆ng rơgoh đe Isơrael Tơ'ngla Pơjing khan thoi âu: “Yua kơ lu iĕm jet Inh, gah tơdrong gô truh kơ kon pơlei Inh, gah tơdrong jang đơ̆ng ti Inh.

Êsai 45:24

Đe gô pơma pơđâu gah Inh khan: Lăm Kră Yang đĕch bơ̆n đei tơdrong 'lơ̆ng tơpăt păng pran kơtang. Đĭ-đăng lu bơngai hil kơ sư gô năm tơ sư na mơlâu.

Êsai 45:25

Lăm Kră Yang đĭ-đăng kon sâu Isơrael gô đei 'lơ̆ng tơpăt păng bơnê ư-ang kơ Kră Yang.

Êsai 45:8

Ơ lu plĕnh tơ kơpal ti, ăn bĕ hơmơ̆l tuh tơdrong 'lơ̆ng tơpăt thoi 'mi. Ơ teh pơih bĕ mă să, wă kơ găr tơdrong dŏng pơklaih, păng găr tơdrong 'lơ̆ng tơpăt chăt bluh tơmơ̆ng! Inh bơih Kră Yang Tơ'ngla pơjing tơdrong noh.

Êsai 49:3

Kră Yang khan kơ inh: Ih đam Inh. Ơ Isơrael Inh gô đei ư-ang đơ̆ng ih.

Êsai 51:2

Athei tơchĕng bĕ kơ Abraham 'bă iĕm, hăm Sara, bơngai pơjing lu iĕm; kơplah Inh krao sư, sư lăp minh 'nu; Inh tuh ăn tơdrong pŭn hiôk kơ sư na jing đei bơngai lơlap lơlang.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Êsai 57:13

Mưh iĕm krao ôr wă kơ dŏng, gô lê̆ kơ lu rup yang 'noh dŏng pơklaih iĕm. Lăp minh hơyuh kial gô dơhlu pơđông lu rup yang iĕm 'noh. Lăm minh 'măng hơyuh kial tơthu đĕch gô hiong đĭ-đăng, mă-lei bơngai bu kơ'nơp lăm Inh, gô đei yua teh 'nâu păng đei iŏk kông rơgoh Inh.

Êsai 61:11

Nhen thoi teh pơm ăn kơ 'long bluh tơmơ̆ng thoi pơgar rei adrĕch bluh chăt thoi yơ. Na Kră Yang kư̆m pơm ăn kơ tơdrong 'lơ̆ng tơpăt, păng tơdrong bơnê ư-ang bluh chăt 'bơ̆t anăp rim kơ adrĕch kon bơngai thoi noh mơ̆n.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Êsai 61:7

Tơplih đơ̆ng mơlâu. Kon pơlei Inh gô đei iŏk tơmam hloh 'bar wơ̆t tơplih đơ̆ng đe pơjăm. Lu sư gô chơt hiôk đơ̆ng tơmam đe asong bơih, na lu sư gô đei iŏk mŭk tơmam 'bar wơ̆t lơ hloh lăm dêh char lu sư păng đei tơdrong hiôk chơt ling-lang.

Êsai 62:4

Đe ưh pă krao ih Kră Yang hŭt lê̆ dơ̆ng bơih dah ưh pă krao ih teh lê̆ bri juơ dơ̆ng bơih. Mă-lei đe gô krao ih Inh chơt hiôk hăm ih păng krao teh đak ih đei pơkong thoi ŭnh om bơih. Yua kơ Kră Yang chơt hiôk ih păng teh ih gô đei klo.

Êsai 64:8

Ơ Kră Yang, mă khan thoi noh, Ih oei 'Bă lu nhôn, lu nhôn jơ̆ teh lơ̆n, Ih jơ̆ thơ̆ man lu nhôn; đĭ-đăng lu nhôn jơ̆ tơdrong jang đơ̆ng ti Ih.

Êsai 65:9

Inh gô ăn đei kon sâu lĕch đơ̆ng Jakôp, păng minh 'nu đơ̆ng Juđa gơh đei iŏk lu kông Inh; Lu bơngai mă Inh rơih iŏk gô đei dêh char noh, lu đĭch đam Inh gô oei tơ noh.

Je 24:6

Inh oei răp lăng wă pơm 'lơ̆ng kơ lu sư, Inh gô chông lu sư wih brŏk tơ char âu, Inh gô tơiung pơdơ̆ng ming păng ưh pă pơrăm lu sư dơ̆ng, Inh wă pơtăm ưh kơ wă buch.

Je 32:41

Na jơhngơ̆m Inh hiôk ăn kơ lu sư pŭn hiôk, hăm đĭ tơdrong tơpăt lăm jơhngơ̆m Inh wă pơtăm lu sư lăm teh đak âu.”

Êsêkiên 11:17

Thoi noh khan bĕ: ‘'Nâu nơ̆r Kră Yang Tih Hloh khan: Inh gô akŭm lu iĕm đơ̆ng lu pơlei tơmoi, păng Inh gô iŏk lu iĕm đơ̆ng lu teh đak mă lu iĕm oei tơklah tơklang păng gô ăn teh đak Isơrael kơ lu iĕm dơ̆ng.’

Êsêkiên 34:29

Inh gô pơjing mir đei plei 'lơ̆ng đe ư-ang nă ăn kơ lu sư, lăm tơring lu sư pă đei pơngot dơ̆ng păng lu dêh char nai pă đei pơjăm pơjuă pơm kơ lu sư mơlâu dơ̆ng.

Êsêkiên 37:25

Lu sư gô oei arih sa lăm char mă Inh ăn kơ Jakôp đĭch đam Inh char mă 'bok yă lu sư oei sơ̆. Lu sư, kon sâu lu sư, gô oei tơ noh ling-lang; đĭch đam Inh Đawit jing pơtao lu sư hlŏng hloi.

Êsêkiên 47:7

Lăp inh wih truh 'bơ̆t đak krong boih, inh 'bôh 'bar pah kơ đak krong đei 'long lơ.

Am 9:15

Inh gô pơtăm lu sư tơ teh đak lu sư kơdih păng ưh pă đei bu buch lu sư dơ̆ng đơ̆ng teh mă inh đei ăn boih kơ lu sư Kră Yang 'Bok Kei-Dei ih khan thoi noh.

Ob 1:17

Mă-lei gô đei dôm lu bơngai gơh klaih oei tơ kông Siôn, kông noh jing 'lơ̆ng rơgoh pơm anih akŭm păng hnam Jakôp gô đei yua jang sa sư kơdih.

Jêphania 3:13

Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

Mathiơ 15:13

Na Yêsu pơma pơjuang kơ lu bơngai ei thoi âu: “'Long kiơ 'Bă Inh tơ plĕnh ti ưh kơ đei pơtăm, 'long noh Sư buch tŭk pơđĭ.

Mathiơ 5:5

“Pŭn dêh lu bơngai mă ưh kơ wă pơang akâu sư kơdih, lu sư gô đei iŏk tơmam 'Bok Kei-Dei pơkă.

Yo 15:2

Na dôm lu bơngai lui kơ Inh thoi lĕ dơng, tơ'bla, sơdrai mă chăt đơ̆ng Inh. Dơng mơ'nah ưh kơ đei plei, 'Bă Inh chre tŭk. Đei dơng mơ'nah plei mơ̆n, mă ưh kơ trem, Sư sơleh tŭk lu tơ'bla iĕ, wă kơ sư plei trem păng plei tih.

Êphêsô 1:12

Sư pơm thoi noh, Sư wă kơ bơ̆n ư-ang tơdrong Sư 'mêm mơnat kơ bơ̆n tơpă, na mă nhôn bơngai Juđê lui kơ 'Bok Krist hơdrol kơ lu bơngai nai kư̆m thoi iĕm, iĕm thoi nhôn.

Êphêsô 1:6

Sư wă kơ bơ̆n bơnê kơ Sư 'mêm kơ bơ̆n tơpă, Kon pôm kơdih mă ăn lôch thoi noh.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Êphêsô 2:7

Thoi noh na Sư gô ăn kơ bơ̆n tôm tơdrong hiôk 'lơ̆ng khŏm khŏm truh tơ ning-mônh ưh kơ layơ tôch yua kơ Sư 'mêm mơnat kơ bơ̆n, na ăn kơ Yêsu Krist lôch tang bơ̆n.

II Tes 1:10

Năr 'noh kơnh boih Sư jur tơ ala teh na đĭ-đăng lu bơngai lui kơ Sư lăp 'bôh Sư glêu kơ măt hloi hăm khan kơ Sư: “Bơnê kơ Ih.” Năr ei kơnh iĕm kư̆m khan bơnê kơ Sư hơdai hăm đĭ-đăng bơngai lui mơ̆n kơlih kơ iĕm lui boih kơ tơdrong 'nao 'lơ̆ng Sư nhôn bơtho lu iĕm.

II Pet 3:13

Mă-lei gah bơ̆n, kiơ̆ kơ nơ̆r 'Bok Kei-Dei kơdih khan, Sư wă pơjing dơ̆ng plĕnh teh 'nao ăn kơ lu bơngai mă 'lơ̆ng tơpăt đĕch oei tơ noh. Tơdrong noh boih, tơdrong mă bơ̆n hưch hanh oei chang gô dang ei.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.

Tơdrông Tơ'bôh 21:7

Bu adrin tơblah păng yang kơnê̆ jei sư, sư gô đei tôm tơdrong noh, Inh jing Kră Yang sư, sư jing kon Inh.

Tơdrông Tơ'bôh 5:10

Păng Ih ăn kơ kon bơngai jing pơlei pơla 'Bok Kei-Dei wei-lăng păng pơgơ̆r. Ih ăn kon bơngai pơm thoi 'bok soi wă kơ chă pơjing tơdrong jang 'Bok Kei-Dei, păng Ih ăn kơ kon bơngai gơh chă pơgơ̆r tơduă lu sư tơ ala teh.”