Êsai 6:9 - Sơ̆p Hlabơar Nơ̆r 'Bok Kei-Dei

⁹ Kră Yang khan: “Năm bĕ! Khan kơ kon pơlei 'nâu: ‘Mơ̆ng, mă-lei ưh kơ hlôh kiơ: Lăng 'bôh mă-lei ưh kơ băt kiơ.’

Êsai 6:9 ပူးပေါင်းရင်းမြစ်များ

Tơdrông Pơđơk 28:5

Bơngai pơm kơnê̆ đê̆ pă băt tơdrong tơpăt; Mă-lei đei bơngai bu băt chă Kră Yang na băt hlôh đĭ-đăng.

Êsai 28:13

Na nơ̆r Kră Yang pơma kơ lu sư: Pơm păng pơm bĕ, pơm păng pơm dơ̆ng, tơdrong juăt 'nâu tơdrong juăt noh Tŏ sĕt tơ âu, tŏ sĕt tơ to, wă lu sư yak truh pơ̆k hraih đang, păng jĭ rơka, 'leh hơđong păng đe rôp ba!

Êsai 29:10

Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Êsai 29:14

Thoi noh Inh gô pơm tơdrong hlĭch chrơp kơ kon pơlei âu, đơ̆ng tơdrong hlĭch âu truh tơdrong hlĭch nai. Tơdrong hlôh băt lu bơngai hlôh băt ưh pă yua kiơ, tơdrong hơgei lu bơngai hơgei gô hiong tôch.

Êsai 42:20

Iĕm 'bôh ră lơ tơdrong mă ưh kơ wă lăng hơlen, iĕm đei ră hla đon mă ưh kơ wă mơ̆ng.

Êsai 43:8

Chông ba bĕ kon pơlei noh, kon pơlei đei ră măt mă-lei tol. Đei ră đon mă-lei klĭk!

Je 5:21

Mơ̆ng bĕ tơdrong 'nâu, ơ kon pơlei bơlŭk păng kơhlôh kơwao. Đei măt ră mă-lei ưh kơ 'bôh, đei đon ră mă-lei ưh kơtơ̆ng.

Êsêkiên 12:2

“Ơ kon bơngai, ih oei lăm kon pơlei juăt kơ iung blah plơ̆; lu sư đei măt mă ưh kơ 'bôh, đei đon mă ưh kơtơ̆ng, yua kơ lu sư kon pơlei juăt kơ iung blah plơ̆.

Hôsia 1:9

Kră Yang khan kơ Hôsia: “Anăn bĕ sư Lôami, yua kơ lu iĕm ưh pă jing kon pơlei Inh dơ̆ng boih, noh wă khan Inh kư̆m ưh pă jing Kră Yang 'Bok Kei-Dei lu iĕm dơ̆ng.”

Markôs 4:12

‘Wă kơ sư lăng khŏm khŏm ră, mă-lei ưh kơ 'bôh tơdrong kiơ; wă kơ sư mơ̆ng khŏm khŏm ră mă-lei ưh kơ hlôh. Dah sư hlôh kơnh sư gơh tơchĕng kơdih băt wih tơ 'Bok Kei-Dei, 'Bok Kei-Dei gô pơklaih đĭ dôm tơdrong yoch sư.’ ”

Luka 8:10

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Inh bơtho lu bơngai nai tơdrong noh Inh yua nơ̆r pơjuang ngăl, wă kơ sư lăng khŏm khŏm ră mă-lei ưh kơ 'bôh tơdrong kiơ, wă kơ sư mơ̆ng khŏm khŏm ră mă-lei ưh kơ hlôh.”

Yo 12:40

“Inh Kră Yang ăn măt lu sư jing tol, păng ăn kơ lu sư arăng kơ̆l, wă kơ măt lu sư ưh kơ gơh 'bôh, păng đon lu sư ưh kơ hlôh. Kơlih kơ thoi noh na lu sư ưh kơ wă wih tơ Inh, wă kơ Inh pơklaih tơdrong yoch lu sư.”

Rom 11:8

Tơdrong noh thoi tơdrong đe chih roi tơ lăm sơ̆p hla bơar 'Bok Kei-Dei sơ̆ thoi âu: “'Bok Kei-Dei ăn kơ lu sư jing bơngai kơtul. Lu sư đei ră măt ưh kơ gơh 'bôh, đei ră đon ưh kơ kơtơ̆ng truh tơ dang ei hloi.”

Both 29:4

Mă-lei truh tơ dang ei Kră Yang ưh tam ăn kơ lăm jơhngơ̆m lu iĕm hlôh băt, măt iĕm 'bôh păng đon iĕm kơtơ̆ng.