Êsai 6:3 - Sơ̆p Hlabơar Nơ̆r 'Bok Kei-Dei

³ Lu Sêraphim ôr krao tơduă lu sư khan: “'Lơ̆ng rơgoh dêh, 'lơ̆ng rơgoh dêh, 'lơ̆ng rơgoh dêh Kră Yang Tih Hloh; jơ̆p kơ teh đak 'bĕnh-'bang kơ tơdrong ư-ang Sư!”

Êsai 6:3 ပူးပေါင်းရင်းမြစ်များ

Esơra 3:11

Lu sư hơri bơyong dih băl na bơnê ư-ang kơ Kră Yang khan: Trŏ kơ bơnê ư-ang kơ Kră Yang, yua kơ Sư 'lơ̆ng rŏ, sư 'mêm kơ bơngai Isơrael ling-lang khŏm khŏm! Đĭ-đăng kon pơlei ôr jreo re, bơnê ư-ang kơ Kră Yang, yua kơ đe man hơnă hnam akŭm Kră Yang boih.

Horiso 57:11

Ơ Kră Yang 'Bok Kei-Dei ăn kơ anăn Ih kơkuh pơyom hloh tơ kơpal plĕnh. Ăn kơ tơdrong ư-ang Ih tơ jơ̆p kơ teh đak.

Horiso 66:2

Hơri ư-ang kơ anăn Sư păng pôk bơnê kơ Sư bĕ.

Horiso 72:19

Trŏ hơri bơnê ư-ang anăn Sư ling-lang truh ning-mônh. Ăn tơdrong ư-ang Sư 'bĕnh-'bang jơ̆p kơ teh đak! A-men! A-men!

Horiso 8:2

Đơ̆ng 'bơ̆r lu hơ'lơ̆p iĕ lu oei mŏm, Ih pơjing pơlei kơjăp, yua kơ lu ayăt. Wă pơm kơ lu bơngai ayăt păng lu iung kơting jing hreh.

Horiso 90:16

Apinh Ih tơ'bôh ăn kơ lu đĭch đam Ih tơdrong jang Ih. Păng tơdrong mơsêh ư-ang Ih pơchrang tơ kon sâu lu sư.

Horiso 97:6

Tơ jơ̆p kơ plĕnh roi tơdrong tơpăt Sư, păng đĭ-đăng kon pơlei 'bôh boih tơdrong ư-ang Sư.

Horiso 99:3

Ăn kơ lu sư hơri kơkuh kơ anăn Ih mă tih hloh trŏ kơ hli; Sư boih 'lơ̆ng rơgoh;

Horiso 99:9

Athei pôk pơư bĕ kơ Kră Yang 'Bok Kei-Dei lu bơ̆n, Păng drap kơkuh tơ kơpal kông rơgoh Sư. Yua kơ Kră Yang 'Bok Kei-Dei bơ̆n 'lơ̆ng rơgoh!

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Êsai 24:16

Lu bơ̆n kơtơ̆ng bơih đơ̆ng tôch kơ teh đak hơri: “Ư-ang kơ Tơ'ngla 'lơ̆ng tơpăt.” Mă-lei inh khan: “Inh hiong bơih! Inh hiong răm-'băm dêh kơ inh! Lu bơngai blơ̆ blĕch hơlĕnh pơdăr, lu bơngai blơ̆ blĕch hơlĕnh pơdăr rai dêh.

Êsai 40:5

Kơplah noh tơdrong ư-ang Kră Yang gô pơdah păng đĭ-đăng kon bơngai gô lăng 'bôh; yua kơ 'bơ̆r Kră Yang pơma bơih thoi noh.

Êsai 54:5

Yua kơ Tơ'ngla pơjing iĕm noh klo iĕm. Anăn Sư Kră Yang Tih Hloh. Tơ'ngla huai iŏk iĕm noh mă Tơ'ngla Rơgoh Isơrael; Sư noh boih Kră Yang 'Bok Kei-Dei kơ đĭ plĕnh teh.

Êsêkiên 43:2

Inh 'bôh tơdrong ư-ang rang mơnhal Kră Yang 'Bok Kei-Dei Isơrael năm đơ̆ng gah hơlĕch đei jơwa nhen thoi đak ro tih, hơdah rang mơnhal ư-ang Kră Yang jơ̆p kơ teh.

Êsêkiên 44:4

Đơ̆ng noh sư chông ba inh mơ̆t 'măng gah yă-nơ̆m tơ cham gah lăm 'bơ̆t anăp hnam akŭm. Inh lăng âu bơih, tơdrong ư-ang rang mơnhal Kră Yang 'bĕnh jơ̆p kơ hnam akŭm Kră Yang; na inh drap kŭp kơ̆l kơkuh.

Habakuk 2:14

Yua kơ gô băt hlôh tơdrong ư-ang Kră Yang 'bĕnh jơ̆p kơ teh thoi đak 'bĕnh kơ dơsĭ.

Sa 14:9

Kră Yang gô pơm Pơtao jơ̆p kơ teh đak; lăm năr noh, Kră Yang gô jing minh đĕch.

Jo 14:21

Mă-lei Inh Kră Yang oei arih na pơkă, tơdrong ư-ang Kră Yang gô 'bĕnh-'bang jơ̆p-jang kơ teh đak,

Êphêsô 1:18

Inh apinh Sư pơih jơhngơ̆m đon iĕm, wă kơ iĕm hlôh băt tôm tơdrong hiôk 'lơ̆ng, thoi Sư pơkă khan wă ăn kơ bơ̆n bơngai mă Sư krao ăn jing kon Sư.