Êsai 6:13 - Sơ̆p Hlabơar Nơ̆r 'Bok Kei-Dei

¹³ Mă khan minh lăm mơjĭt 'nu kon pơlei oei đei tơ noh, lu sư đe kư̆m gô pơrăm đĭ, thoi đe kăl 'long hơngo, 'long kôih, sư kư̆m oei đei tơm, na gô đei adrĕch rơgoh 'lơ̆ng tơpăt thoi tơm lăm teh đak noh.

Êsai 6:13 ပူးပေါင်းရင်းမြစ်များ

Bl 22:18

Yua kơ ih chu yom kơ nơ̆r Inh athei, na kon pơlei pơla lăm teh âu yua kơ đơ̆ng ih gô đei pŭn hiôk.”

Esơra 9:2

Yua kơ lu sư rôp oei kơ lu drŏ-kăn bơngai tơmoi păng kư̆m rôp ăn kon drŏ-nglo lu sư oei na lu adrĕch 'lơ̆ng rơgoh jing hrâu hre hăm adrĕch lăm dêh âu; tơpă lu đe kơdră păng 'bok kuan wei-lăng kon pơlei pơm yoch adrol hloh.

Esơra 9:8

Mă-lei dang ei lăm minh kơchon kơđeh đĕch Kră Yang 'Bok Kei-Dei lu nhôn đei pơdah boih tơdrong mơnat wă tơgŭm lu nhôn bơngai oei oăi arih brŏk tơ dêh 'lơ̆ng rơgoh păng ăn kơ lu nhôn minh anih kơjăp lăm anih 'lơ̆ng rơgoh Sư; wă kơ Kră Yang 'Bok Kei-Dei lu nhôn pơchrang ăn kơ măt lu nhôn păng ăn kơ lu nhôn hơdah oei arih 'biơ̆ tŏ sĕt kơplah lu nhôn jing đĭch đam đe.

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

Êsai 11:1

Đei minh pôm tơ'biĕng gô chăt đơ̆ng tơm Jese, đei minh pôm dơng chăt đơ̆ng rơh sư gô đei plei.

Êsai 4:3

Lu bơngai oei arih lăm pơlei Siôn, lu bơngai oei oei arih lăm pơlei Jêrusalem gô krao lu sư bơngai rơgoh wă khan đĭ-đăng lu bơngai đei chih jô̆ oei arih lăm Jêrusalem.

Êsêkiên 6:8

Mă-lei, kơplah lu iĕm tơklah tơklang jơ̆p kơ teh đak, Inh oei đei ăn mơ'nah oei arih, klaih đơ̆ng đao hơlă lu teh đak blah iĕm.

Am 5:3

Yua kơ Kră Yang khan: Pơlei ayơ năm minh-rơbâu 'nu linh, oei pă minh-hrĕng 'nu, pơlei ayơ năm minh-hrĕng 'nu, oei pă mơjĭt 'nu lăm adrĕch Isơrael klaih.

Mi 5:6

Gah lu bơngai khŭl Jakôp mă oei oei gô oei tŏk-bŏk lăm adrĕch adrung thoi tŭk kiơ̆ pơgê jur đơ̆ng Kră Yang thoi 'mi hngach tuh kơpal 'nhĕt ưh kơ gô đơ̆ng kon bơngai păng kư̆m ưh kơ chang hơmĕng đơ̆ng kon bơngai.

Jêphania 3:12

Inh gô 'măn lê̆ tơ tŏk-bŏk ih oei đei minh adrĕch kon bơngai pơmat-tat, dơnuh hin, lu sư gô băt gơnang kơ Kră Yang.

Sa 13:8

Kră Yang khan thoi âu: “Gô đei tơdrong truh jơ̆p kơ teh đak. Đei 'bar khŭl lăm pêng khŭl noh gô pơlôch đĭ, oei pă minh khŭl lăm pêng noh oei oei.

Malachi 2:15

Đơ̆ng noh, mă khan tơdrong arih Kră Yang 'Bok Kei-Dei đei lơ rơkah rơkai ră, mă-lei Sư pơjing ăn kơ ih lăp minh 'nu drŏ-kăn đĕch. Mă-lei yua kơ kiơ Sư pơjing ăn kơ ih lăp minh 'nu bơngai drŏ-kăn đĕch? Noh yua kơ wă chă adrĕch adrung 'lơ̆ng rơgoh, thoi noh lu iĕm athei mă kơchăng lăm jơhngơ̆m bơ̆n kơdih, 'nĕ kơ oei sa hơlĕnh pơdăr hăm akăn bơ̆n kơdih mă iŏk oei đơ̆ng 'lơ̆p.

Mathiơ 24:22

Dah 'Bok Kei-Dei ưh kơ achơ̆t lê̆ tơdrong tơblah tih noh, ưh kơ đei bu arih ôh. Mă-lei 'Bok Kei-Dei achơ̆t lê̆, yua kơ Sư mơnat kơ lu bơngai mă Sư rơih boih.

Markôs 13:20

Dah 'Bok Kei-Dei ưh kơ achơ̆t lê̆ tơdrong tơblah tih noh, ưh kơ đei bu arih ôh. Mă-lei 'Bok Kei-Dei achơ̆t lê̆, yua kơ Sư mơnat kơ lu bơngai mă Sư rơih boih.

Rom 9:5

Lu yă 'bok lu sư sơ̆ lui kơ 'Bok Kei-Dei hơdrol kơ đĭ-đăng lu bơngai nai. Na 'Bok Krist mă 'Bok Kei-Dei wơh dŏng pơklaih kon bơngai Sư kư̆m bơngai Isơrael mơ̆n tơ̆ng kiơ̆ kơ mĕ Sư tơpŭ. 'Bok Krist boih Yang tih hloh gơh pơgơ̆r tôm tơdrong, trŏ kơ kon bơngai ư-ang kơ Sư ling-lang tơpă. A-men.

Both 28:62

Kon bơngai iĕm lơ thoi sơnglŏng kơpal plĕnh mă-lei oei pă tŏ sĕt, yua kơ iĕm ưh kơ wă mơ̆ng nơ̆r Kră Yang 'Bok Kei-Dei iĕm.

Both 7:6

Yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Sư rơih iŏk iĕm đơ̆ng lu adrĕch kơpal teh đak âu. Wă kơ iĕm jing kon pơlei pơla Sư.