Êsai 59:5 - Sơ̆p Hlabơar Nơ̆r 'Bok Kei-Dei

⁵ Lu sư pơ'nơ̆m kơtăp 'bih, tanh hăm wai dŭng; bơngai bu sa lu kơtăp 'noh gô lôch. Tơdah kơtăp noh pơchah sư gô cheh jing 'bih đei bih hơkăm.

Êsai 59:5 ပူးပေါင်းရင်းမြစ်များ

Jop 8:14

Tơdrong kiơ mă lu sư lui gơnang kơtĕch boih, nhen thoi lu sư gơnang kơ wai dŭng.

Tơdrông Pơđơk 23:32

Đơ̆ng rŏng sư jŏng choh thoi 'bih kăp jĭ thoi hơguăt.

Êsai 14:29

Ơ bơngai Philistin, iĕm 'nĕ kơ chhôk 'nă ôh yua kơ sơnguĕt teh iĕm tơgơ̆ bơih, Đơ̆ng tơm rơh adrĕch 'bih gô jing đei 'bih hơkăm, plei đơ̆ng 'bih hơkăm gô jing 'bih ŭnh gơh păr.

Êsai 34:15

Sem bơrơ̆m gô pơm tơpu kơtăp tơ noh, 'nơ̆m cheh kon păng krôm lu kon sư tơ lăm pơnăr. Tơ noh lu, grơ̆ akŭm băl, tơmông păng akăn.

Mathiơ 12:34

Iĕm âu bơngai dang 'bih, iĕm ưh kơ layơ wă pơma 'lơ̆ng 'biơ̆ tŏ sĕt, yua kơ iĕm bơngai kơnê̆ dêh. Lăm to iĕm tơchĕng thoi yơ, 'bơ̆r iĕm pơma kiơ̆ thoi noh mơ̆n.

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?