Êsai 59:21 - Sơ̆p Hlabơar Nơ̆r 'Bok Kei-Dei

²¹ Kră Yang khan: “Gah Inh 'nâu, noh boih tơdrong Inh pơgơ̆p hăm lu sư. Yang bơhngol Inh oei tơ lăm iĕm păng lu nơ̆r Inh tah bơih lăm 'bơ̆r iĕm, gô ưh kơ weh đơ̆ng 'bơ̆r iĕm păng 'bơ̆r adrĕch adrung kon sâu iĕm đơ̆ng dang ei ling-lang truh kơ ning-mônh,” Kră Yang khan thoi noh.

Êsai 59:21 ပူးပေါင်းရင်းမြစ်များ

Horiso 119:43

Apinh Ih 'nĕ kơ iŏk lê̆ dôm nơ̆r tơpăt đơ̆ng 'bơ̆r inh, Yua kơ inh gơnang hơmĕng kơ nơ̆r tơtă Ih.

Le 4:15

Lei na ih pơma hăm sư păng hơmet lê̆ dôm nơ̆r wă pơma lăm 'bơ̆r sư, kơplah măr iĕm pơma. Inh gô oei hơdai lăm 'bơ̆r ih păng 'bơ̆r 'nhŏng ih, bơtho iĕm dôm tơdrong kiơ wă pơm.

Tơdrông Pơđơk 7:3

Chô̆ sư tơ hơnglâu ti ih, chih sư tơ lăm jơhngơ̆m ih.

Êsai 32:15

Dĭng truh kơ Yang bơhngol đơ̆ng kơpal plĕnh jur tơ lu bơ̆n, char glă gô jing chŭn mir teh mơ̆r 'lơ̆ng, chŭn mir teh mơ̆r 'lơ̆ng noh chăt jing dang lĕ kơ bri brah.

Êsai 40:8

'Nhĕt kro, pơkao hơlŭng: Mă-lei nơ̆r Kră Yang 'Bok Kei-Dei lu bơ̆n oei kơjăp ling-lang!”

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Êsai 44:3

Inh gô tuh ăn đak tơ tơring char rơhing. Ăn đak glung ro tơ anih hrĕng kro, Inh gô tuh Yang Bơhngol Inh tơ adrĕch adrung lu iĕm, Inh gô ăn pŭn hiôk kơ lu kon sâu iĕm.

Êsai 49:8

Kră Yang khan thoi âu: “Lăm năr trŏ lăp Inh gô tơl tơwih nơ̆r ih krao khan: Lăm năr dŏng pơklaih Inh gô tơgŭm ih. Inh gô wei-lăng ih, pơjao kơ ih pơm tơdrong pơgơ̆p 'nao hăm kon pơlei wă tơiung dơ̆ng dêh char, păng klah asong tơmam lăm bri kơdrơ̆ng.

Êsai 51:16

Inh dan bơih nơ̆r pơma Inh lăm 'bơ̆r iĕm, ôn iĕm lăm yơ̆p tơpang ti Inh. Inh bơlang lu tăl plĕnh păng pơjing plei teh, păng pơma hăm Siôn khan: Iĕm jơ̆ kon pơlei Inh!”

Êsai 54:10

Mă đơ̆ng kông hiŏng tơ nai, mă đơ̆ng groi rĭ tơplih, mă-lei jơhngơ̆m đon Inh 'mêm mơnat hăm iĕm ưh kơ đei tơplih. Nơ̆r pơgơ̆p hiôk-hian Inh ưh kơ đei tơplih Kră Yang, jơ̆ Tơ'ngla 'mêm mơnat kơ iĕm pơma thoi noh.

Êsai 55:11

Na kư̆m lei-lăi thoi noh, nơ̆r Inh pơma, lĕch đơ̆ng 'bơ̆r inh bơih, ưh kơ đei tôch đĕch ôh; sĭt gô pơm tơdrong Inh wă. Păng pơkeh tơdrong jang Inh wơh sư.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Êsai 57:19

wă khan: Ăn nơ̆r hơri bơnê tơ 'bơ̆r lu bơngai nhơ̆m hmoi lăm lu bơngai Isơrael. Kră Yang khan: Hiôk-hian, hiôk-hian bĕ kơ bơngai oei ataih păng lu bơngai oei jê̆, Inh gô pơklaih lu sư.

Êsai 66:22

Kră Yang khan: “Nhen thoi plĕnh 'nao teh 'nao mă inh pơjing gô oei kơjăp ling-lang 'bơ̆t anăp Inh thoi noh mơ̆n lu kon sâu iĕm păng anăn lu iĕm kư̆m oei kơjăp.

Je 1:9

Kră Yang yơ̆r ti Sư pel 'bơ̆r inh, Kră Yang khan kơ inh: “Âu, Inh dan boih nơ̆r Inh lăm 'bơ̆r ih.”

Yo 1:33

Hơdrol kơ 'noh ki inh kư̆m tam mă băt kơ Sư mơ̆n, sơmă 'Bok Kei-Dei wơh inh pơm kơ đe 'batem păng đak păng Sư đei khan kơ inh thoi âu: ‘Ih gô 'bôh Yang Bơhngol 'Lơ̆ng jur oei kơpal minh 'nu bơngai, bơngai 'noh boih pơm kơ đe 'batem phara yua kơ Sư ăn Yang Bơhngol 'Lơ̆ng oei hơdai păng kon bơngai.’

Yo 17:8

Inh bơtho ăn kơ lu sư tôm tơdrong mă Ih pơkă ăn kơ Inh. Tôm lu tơdrong 'noh lu sư răk kơdih kơdih boih. Lu sư băt kơ Inh jur đơ̆ng Ih tơpă păng lu sư băt kơ Ih wơh Inh.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Yo 7:39

Sư khan thoi noh dang khan kơ lu bơngai lui kơ Sư gô đei Yang Bơhngol 'Lơ̆ng đơ̆ng 'Bok Kei-Dei ăn jur oei păng lu sư. Mă-lei kơplah noh 'Bok Kei-Dei tam mă ăn Yang Bơhngol 'Lơ̆ng ôh, kơlih Yêsu tam mă lôch iung arih tŏk tơ plĕnh.

Yo 8:38

Inh roi kơ iĕm tơdrong mă Inh 'bôh kơplah Inh oei hơdai păng 'Bă Inh. Na iĕm pơm kiơ̆ iĕm kơtơ̆ng đơ̆ng 'bă iĕm.”

Rom 11:27

Na Inh gô pơklaih tơdrong yoch lu sư 'blep thoi Inh pơkă kơ lu sư sơ̆.”

Rom 8:9

Mă-lei gah iĕm, iĕm ưh kơ gơnang kơ akâu iĕm kơdih ôh, iĕm gơnang kơ Yang Bơhngol 'Lơ̆ng, yua kơ Yang Bơhngol 'Lơ̆ng 'Bok Kei-Dei oei hăm iĕm. Yua kơ Yêsu Krist ăn noh, Sư ăn kơ rim 'nu bơngai bu mă lui kơ Sư. Bơngai mă ưh kơ đei Yang Bơhngol 'Lơ̆ng, bơngai noh ưh kơ lui kơ Yêsu ôh.

II Kor 3:8

Na bĭ tơdrong Yang Bơhngol 'Lơ̆ng tơgŭm bơ̆n dang ei ưh kơ 'lơ̆ng rŏ tih krưp hloh kơ noh ôh hă?

Hêbrơ 10:16

“Ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm jơhngơ̆m lu sư, Inh wă chih tơ'băk tơdrong juăt Inh tơ lăm đon tơchĕng lu sư. Tơdrong noh boih Kră Yang khan.”