Êsai 59:13 - Sơ̆p Hlabơar Nơ̆r 'Bok Kei-Dei

¹³ Lu nhôn yoch bơih, blah plơ̆ Kră Yang, păng tơwih rŏng ưh kơ wă kiơ̆ Kră Yang 'Bok Kei-Dei lu nhôn. Lu nhôn pơma tơdrong kơnê̆ blơ̆ blĕch păng blah. Tơchĕng lĕch nơ̆r pơma hơlĕnh đơ̆ng lăm jơhngơ̆m.

Êsai 59:13 ပူးပေါင်းရင်းမြစ်များ

Jop 31:28

tơdrong 'noh minh tơdrong yoch kơnê̆ trŏ kơ sek pơlôch, Yua kơ inh sơngah kơ Kră Yang 'Bok Kei-Dei tơ kơpal ti.

Horiso 18:21

Yua kơ inh wei răk kiơ̆ trong Kră Yang, Ưh kơ đei pơm kơnê̆ achăng lê̆ Kră Yang 'Bok Kei-Dei inh.

Horiso 78:36

Mă-lei lu sư chă pơma 'bơ̆r đĕch hăm Kră Yang. Yua hơpiĕt lu sư pơma hơlĕnh kơ Sư.

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.

Êsai 10:1

Răm-'băm tơpă kơ lu bơngai pơm khôi juăt glăi păng lu bơngai chih khôi juăt pơjuă pơđep,

Êsai 30:12

Thoi noh na Tơ'ngla 'Lơ̆ng Rơgoh đe Isơrael pơma khan: “Yua kơ lu iĕm sơngah achăng lê̆ nơ̆r âu, gơnang kơ tơdrong pơjuă pơđep, gơnang kơ tơdrong đŏng đĕo.

Êsai 31:6

Ơ kon pơlei pơla Isơrael, wơ̆t brŏk bĕ tơ Tơ'ngla mă đêl iĕm pơm kơnê̆ plơ̆ Sư lơ dêh.

Êsai 32:6

Na lu bơngai kơwao sư pơma lu nơ̆r kơtul kơwao; jơhngơ̆m đon sư pơm tơdrong yoch, 'maih pơm lu tơdrong kơnê̆, pơma tơdrong glăi gah Kră Yang, pơm kơ bơngai pơngot klak hoh, ưh kơ ăn đak nhă kơ lu bơngai rơhing.

Êsai 48:8

Iĕm tam mă kơtơ̆ng, tam mă băt. Đơ̆ng sơ̆ đon iĕm tam mă pơih; yua kơ Inh băt kơ iĕm hơlĕnh ling-lang, đơ̆ng năr mĕ iĕm tơpŭ kơ iĕm krao iĕm bơngai blơ̆ blĕch.

Êsai 5:7

Pơgar hơmu Kră Yang Tih Hloh noh jơ̆ adrĕch Isơrael, păng lu bơngai Juđa noh bơih tơm 'long pơtăm mă sư lăp đon. Hơmĕng wă kơ sư 'lơ̆ng tơpăt mă tă kơ pham lĕch sĕch huŏng, hơmĕng kơ sư tơpăt hơnơ̆ng mă tă đei tơdrong ôr krao.

Êsai 57:11

Gơneh gơnơm kơ bu iĕm hli yom kơ bu, na iĕm mah pơma hơlĕnh kơ Inh. Ưh pă 'blŏk kơ Inh. Ưh pă 'măn Inh lăm jơhngơ̆m iĕm, hăm trŏ yua kơ Inh oei ngăn đunh dêh, na iĕm ưh kơ hli kơ Inh?

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Êsai 58:2

Rim năr lu sư chơchă Inh; păng chơt hiôk băt kơ trong Inh. Thoi kon pơlei pơm tơdrong 'lơ̆ng tơpăt, păng ưh kơ đei layơ hiơt kơ khôi juăt Kră Yang 'Bok Kei-Dei lu sư kơdih, lu sư krao apinh Inh sek tơlang ăn tơpăt jơhngơ̆m lu sư hiôk năm jê̆ Kră Yang 'Bok Kei-Dei.

Êsai 58:9

Kơplah noh ih krao apinh Kră Yang gô tơl tơwih; ih krao Sư dŏng tơgŭm Sư khan: Đei Inh tơ âu! “Dah ih hŭt lê̆ tơdrong pơjuă pơđep păng ưh kơ đei dơhlâu ti pơma kư̆ kă.

Je 12:8

Kon pơlei Inh pơm kơ Inh, thoi dăm-brang lăm bri. Sư hơrum wă pơm kơ Inh, thoi noh Inh areh achăng lê̆ lu sư.

Je 17:13

Ơ Kră Yang, Ih boih anih hơmĕng tơm kơ bơngai Isơrael, lu bơngai bu achăng lê̆ Ih gô mơlâu! Bơngai bu weh đơ̆ng Inh, chih jô̆ anăn lu sư gah anih lôch, yua kơ lu sư achăng lê̆ Kră Yang mă tu đak glung arih ling-lang.

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Je 2:16

Kŭm đei lu bơngai Memphis păng Tahpanhes mă pơm kơ kơ̆l 'ngok iĕm pơchah boih.

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Je 3:10

Mă-lei, đơ̆ng tơdrong noh, oh sư bơngai Juđa pơm kơnê̆, sư kư̆m ưh kơ wih brŏk tơ Inh đĭ jơhngơ̆m, chă hơlĕnh đĕch, Kră Yang khan.

Je 3:20

Mă-lei, ơ adrĕch Isơrael, lu iĕm thoi minh 'nu drŏ-kăn pơm kơnê̆ achăng lê̆ klo sư, lu iĕm pơm kơnê̆ hăm Inh boih,” Kră Yang khan thoi noh.

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Je 42:20

lu iĕm pơrơ̆ng pơprơ̆n wơh inh năm krao chă Kră Yang 'Bok Kei-Dei lu iĕm, khan: Krao apinh bĕ Kră Yang bơ̆n tơgŭm nhôn păng roi ăn kơ lu nhôn băt Kră Yang bơtho khan lu nhôn liơ; lu nhôn gô pơm kiơ̆.

Je 5:23

Mă-lei kon pơlei âu arăng kơ̆l păng đei jơhngơ̆m 'maih tơblah; lu sư tơklah trong pha, na weh kiơ̆ kơdih.

Êsêkiên 18:25

Mă-lei lu iĕm khan: ‘Trong Kră Yang pơm ưh kơ tơpăt!’ Ơ lu adrĕch Isơrael, mơ̆ng bĕ! Trong Inh ưh kơ tơpăt dah trong lu iĕm ưh kơ tơpăt?

Êsêkiên 6:9

Lu bơngai lăm lu sư mă đei klaih noh oei tơ lăm teh đak mă lu sư oei, đe rôp pơm bơnă. Lu sư 'blŏk kơ jơhngơ̆m Inh đei pơchah, chhŭr nuih bơih, yua kơ tơdrong lu sư, pơm kư̆ kă weh đơ̆ng Inh păng măt lu sư pơm pơyô kư̆ kă kiơ̆ kơ lu yang kơnê̆. Kơplah noh lu sư kơdih gô lăng krưp areh kơ tơdrong kơnê̆, yua kơ tôm tơdrong kơnê̆ lu sư đei pơm krưp tơpă.

Hôsia 1:2

Kơplah Kră Yang pơtơm khan kơ Hôsia, Kră Yang khan kơ sư: Năm bĕ, iŏk oei kơ akăn luĕl 'blal păng pơjing kon pơm kư̆ kă yua kơ lăm dêh char âu pơm pơyô kư̆ kă kơnê̆ dêh, đei achăng lê̆ Kră Yang.

Hôsia 11:12

Lu bơngai Êphraim hơlĕnh kơ Inh lu kon pơlei Isơrael pơm plơ̆ plĕch. Mă-lei lu bơngai Juđa oei kiơ̆ Kră Yang 'Bok Kei-Dei, oei kiơ̆ Tơ'ngla 'lơ̆ng rơgoh tơpă sĭt.

Hôsia 6:7

Mă-lei thoi Ađam,a lu sư pơm glăi boih kơ đêl nơ̆r pơkă pơgơ̆p, thoi noh lu sư pă tơpăt boih kơ Inh.

Hôsia 7:1

Layơ Inh wă pơklaih lu bơngai Isơrael, tơdrong yoch kơnê̆ lu bơngai Êphraim, păng tơdrong kơnê̆ lu bơngai Samari pơdah boih; lu sư hơlĕnh pơdăr, lu bơngai tơtông tơ lăm, lu bơngai rôp tơgar iŏk tơ rok trong.

Hôsia 7:13

Răm-'băm dêh kơ lu sư yua kơ lu sư tơklah ataih đơ̆ng Inh; Inh gô pơrăm lu sư yua kơ lu sư pơm yoch boih hăm Inh. Mă khan Inh wă dêh ră pơklaih lu sư, mă-lei lu sư pơma hơlĕnh kơ Inh.

Am 6:12

Iĕm hăm lah ăn kơ aseh kơdâu kơpal tơmo tih? Đe hăm choh rơmo tơ kơpal tơmo? Mă-lei lu iĕm tơplih tơdrong tơpăt jing tơdrong chhŭr nuih păng tơplih plei 'lơ̆ng tơpăt jing plei tăng.

Mathiơ 10:33

Bu hli kơ đe, mơlâu kơ đe na sư khan sư ưh kơ lui kơ Inh, Inh kư̆m roi kơ 'Bă Inh tơ plĕnh ti thoi noh mơ̆n.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.

Ya 1:15

jing pơm yoch. Tơdrong yoch bơ̆n rai tih rai lơ boih, na bơ̆n gô truh kơ tơdrong lôch.

Ya 3:6

'Bơ̆r kon bơngai bơ̆n kư̆m thoi ŭnh, pơma kơ đe mrĕp, gơh pơma tôm tơdrong kơnê̆; pơm kơ akâu bơ̆n kơdih kư̆m jing răm kơnê̆ 'mê̆-'mach; pơrăm akâu akar, pơrăm tơdrong arih jing hiong hiach. Ŭnh 'noh apoh iŏk đơ̆ng ŭnh khŭl sơmăt.

Jôsuê 24:27

Na Jôsuê pơma khan hăm đĭ-đăng kon pơlei: To, tơmo âu wă yua pơm kơdranh kơ lu bơ̆n; yua kơ sư đei kơtơ̆ng boih dôm nơ̆r Kră Yang đei khan kơ lu bơ̆n, sư gô pơm kơdranh plơ̆ ăn kơ lu iĕm, dah lu iĕm hơlĕnh ưh kơ chu Kră Yang 'Bok Kei-Dei lu iĕm.