Êsai 58:7 - Sơ̆p Hlabơar Nơ̆r 'Bok Kei-Dei

⁷ Hăm trŏ kơ ih athei asong tơmam sa kơ lu bơngai pơngot rơwĕt, chông ba lu bơngai dơnuh hin ưh kơ đei hnam wih tơ lăm hnam iĕm kơdih, lăp iĕm 'bôh bơngai akâu hoh athei pơhrŭk ăn, păng 'nĕ kơ weh muh măt ưh kơ lăng lu 'nhŏng oh minh sĕch akar lu iĕm kơdih, dah kiơ?

Êsai 58:7 ပူးပေါင်းရင်းမြစ်များ

Bl 19:14

Na Lot lĕch roi hloi kơ ŏng wă jê̆ oei kơ bre kon sư thoi âu: “Iung bĕ, lĕch đơ̆ng anih âu, yua kơ Kră Yang wă pơrăm boih pơlei âu.” Mă-lei bre kon ŏnga sư ngeh kơ Lot pơma hơnul.

Bl 19:2

Sư khan: “Kơkuh kơ măr iĕm, ơ kơdră, apinh năm ngôi tơ hnam inh đĭch đam măr iĕm păng 'bĭch ngôi hloi măng 'nâu. Âu đak măr iĕm ôp jơ̆ng, na pơgê dơning măr iĕm yak năm.” 'Bar 'nu linh jang 'lơ̆ng khan. “Ưh măng âu nhi 'bĭch 'bơ̆t 'măng jang pơlei.”

II Ho 28:15

Lu bơngai drŏ-nglo mă đei anăn lu sư adrol hei iung chông lu bơnă lĕch păng iŏk hơbĕn ao đơ̆ng blah iŏk noh pơhrŭk ăn kơ lu bơnă yua kơ đei lu mơ'nah akâu hoh păng tơ'bot ăn kơ lu sư chơkhŏ, ăn sŏng sa păng pik ăn pơgang păng chơ ba lu bơngai rơmơ̆n pă kĕ yak hăm aseh iĕ, đơ̆ng noh ba lu sư wih brŏk tơ 'nhŏng oh lu sư tơ pơlei Jêrikô, pơlei 'long gol; đơ̆ng noh lu sư wih brŏk tơ pơlei Samari.

Ne 5:5

Akâu akar lu nhôn kư̆m nhen akâu akar lu 'nhŏng oh lu nhôn mơ̆n, kon tơdăm lu nhôn kư̆m nhen kon tơdăm lu sư mơ̆n; na dang ei lu nhôn rôp kon tơdăm păng kon adruh lu nhôn pơm đĭch hă păng kư̆m đei boih kon adruh lu nhôn pơm đĭch boih, mă tơpă lu nhôn pă đei gơh wă huai iŏk dơ̆ng; yua kơ chŭn mir păng pơgar hơmu lu nhôn đĭ tơ lu đe nai iŏk boih.

Jop 22:7

Ih ưh kơ ăn đak nhă kơ bơngai lap, Ưh kơ ăn kơ bơngai pơngot tơmam sa.

Horiso 112:9

Sư hơmrah asong ăn tơmam kơ lu dơnuh hin. Tơdrong tơpăt sư oei oei ling-lang. Đe gô ư-ang kơ tơdrong jei sư

Tơdrông Pơđơk 11:17

Bơngai iơ̆m dim thim hiôk kơ bơhngol sư; Mă-lei lu bơngai pơm kơnê̆ gô pơrăm sĕch akar sư.

Tơdrông Pơđơk 22:9

Bơngai bu đei măt lăng mơnat sư gô đei pŭn hiôk. Yua kơ sư đei tơgŭm tơmam sa kơ lu bơngai dơnuh hin.

Tơdrông Pơđơk 24:11

Dŏng pơklaih bĕ lu bơngai wă năm lăm trong lôch. Păng dŏng pơklaih bĕ lu bơngai mă đe ba wă pơlôch.

Tơdrông Pơđơk 25:21

Tơdah bơngai ayăt kơ ih pơngot ăn kơ sư sŏng sa. Tơdah rơhing kơ đak, ăn kơ sư nhă;

Tơdrông Pơđơk 28:27

Bơngai bu asong ăn kơ bơngai dơnuh hin ưh kơ kơ'bah ôh. Mă-lei bơngai bu ưh kơ băt mơnat gô đei đe blei hiap.

Êsai 58:10

Tơdah iĕm đĭ jơhngơ̆m rong lu bơngai pơmat-tat păng asong ăn sa phĭ kơ lu bơngai pơngot, lei tơdrong hơdah ih gô pơchrang lăm măng mu, kơplah noh măng ih thoi lĕ kơ 'năr dơ̆ng.

Je 22:3

'Nâu nơ̆r Kră Yang khan: Pơm bĕ dôm tơdrong tơpăt hơnơ̆ng tơdrong trŏ; pơklaih bĕ lu bơngai mă đe rôp đơ̆ng ti lu bơngai pơjuă pơđep. Lê̆ kơ rôp pơgŏ păng kư̆m 'nĕ pơm kơnê̆ kơ lu bơngai tơmoi, lu kon mơti 'bă păng lu yă adro 'Nĕ kơ pơlôch tuh pham kơ lu bơngai ưh kơ yoch tơ anih âu.

Êsêkiên 18:16

Ưh kơ pơjuă pơđep đe, ưh kơ pơdrâu tơmam đe đêl hre păng ưh kơ tơtông tơmam đe, ăn tơmam sa kơ lu bơngai pơngot, ăn ao hrŭk kơ lu bơngai koh hoh;

Êsêkiên 18:7

Ưh kơ pơjuă pơđep bu, pơdrâu tơmam kơ lu bơngai đêl iŏk hre, ưh kơ tơtông tơmam đe, ăn 'bĕng sa kơ lu bơngai pơngot, ăn ao hrŭk kơ lu bơngai koh hoh.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Luka 11:41

Iĕm athei asong ăn kơ lu bơngai dơnuh hin tơmam sa iĕm lăm pơnhan noh na 'Bok Kei-Dei kư̆m lăng tôm tơdrong iĕm rơgoh 'lơ̆ng ngăl.

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

Luka 3:11

Na Yôhan khan dơ̆ng: “Dah bơngai bu đei 'bar blah ao lei sư athei asong minh blah ao sư kơ lu bơngai mă hoh kơ đei. Dah bơngai bu đei tơmam sa rơkah, lei sư athei chă asong kơ đe lei-lăi mơ̆n.”

Jang 16:15

Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.

Jang 16:34

Sư atŏk bre Pôl păng Silas tơ hnam sư, ăn tơmam sŏng sa kơ bre sư. Jơhngơ̆m sư păng hnam dơnŏ sư chơt hiôk yua kơ lui kơ 'Bok Kei-Dei boih.

Rom 12:13

Tơduă bơ̆n bơngai lui 'nĕ kơ kret băl tơmam, tơmoi truh athei băt kơ sơng iŏk tơ hnam.

Both 22:1

Tơdah iĕm 'bôh rơmo dah triu lu 'nhŏng oh bơ̆n jrok, 'nĕ kơ lăng đĕch athei dui ba puh sư brŏk ăn kơ 'nhŏng oh iĕm.

Phil 1:7

Inh chơt hiôk tơpă kơlih kơ ih gơh 'mêm mơnat kơ 'nhŏng oh bơngai lui pơm kơ jơhngơ̆m lu sư hiôk hơiă hăm ih.

Lu 9:2

Iĕm athei apinh lăng đĭ lu bơngai pơgơ̆r pơlei Sichem, na khan: Hơyơ tơdrong mă 'lơ̆ng hloh kơ iĕm: Tơpơh mơjĭt 'nu kon drŏ-nglo Jêrup Baal pơgơ̆r lu iĕm dah iŏk lăp minh 'nu đĕch pơm pơtao lu iĕm? Kŭm athei 'blŏk inh âu adrĕch akâu akar lu iĕm.