Êsai 58:4 - Sơ̆p Hlabơar Nơ̆r 'Bok Kei-Dei

⁴ Tơpă lu iĕm ơ̆t kơ sŏng sa wă chă tơdrong pơjah tơhil băl, tơrôp ti pơm tơdrong kơnê̆ tơ'bet băl; Lu iĕm ưh kơ gơh ơ̆t kơ sŏng sa thoi dang ei, wă kơ nơ̆r lu iĕm ôr gô kơtơ̆ng tơ plĕnh.

Êsai 58:4 ပူးပေါင်းရင်းမြစ်များ

Tơdrông Pơđơk 21:27

Tơmam soi pơyơ̆r đơ̆ng lu bơngai pơm kơnê̆ Kră Yang areh dêh, pơma kiơ tơdah lu sư pơyơ̆r hăm jơhngơ̆m kơnê̆ tăm.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Êsai 3:14

Kră Yang sek tơlang lu bơngai kră păng lu kră pơgơ̆r kon pơlei Sư khan: “Lu iĕm luăn sa bơih pơgar hơmu. Tơtông iŏk tơmam lu bơngai dơnuh oei tơ lăm hnam lu iĕm.

Êsai 3:15

Lu iĕm tơchĕng liơ pơjuă pơđep kon pơlei Inh, juă gơhlơ̆r muh măt lu bơngai dơnuh hin?” Kră Yang Tih Hloh khan thoi noh.

Êsai 59:2

Mă-lei 'noh đơ̆ng tơdrong kơnê̆ lu iĕm, pơm pơklah iĕm hăm Kră Yang 'Bok Kei-Dei; păng tơdrong yoch lu iĕm na Kră Yang ôn muh măt sư đơ̆ng lu iĕm, dĭng mah Sư ưh pă mơ̆ng lu iĕm.

Êsai 59:6

Wai dŭng ưh kơ gơh yua pơm ao, lu sư ưh kơ gơh hrŭk hăm tơmam wai dŭng. Tơdrong jang lu sư jơ̆ tơdrong kơnê̆ tơpă, ti lu sư pơm tơdrong tơblah tơblŭng.

Jôel 2:12

Mă-lei Kră Yang khan: “Dang ei iĕm athei wih brŏk tơ Inh, hăm đĭ jơhngơ̆m lu iĕm, hăm tơdrong ơ̆t por, hăm tơdrong ơh sơ'ngon nhơ̆m hmoi.

Jôna 3:7

Đơ̆ng rŏng kơ noh pơtao roi tơbăt ăn kơ jơ̆p-jang pơlei Niniwe. 'Nâu nơ̆r pơtă đơ̆ng pơtao păng lu bơngai yŏng pơgơ̆r: Mă kon bơngai dah lu sem dơrong, rơmo dah triu, kư̆m ơ̆t ưh kơ sa kiơ. Ưh kơ ăn kơ lu sư sa, kư̆m ưh kơ nhă đak;

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Luka 20:47

Lu sư chă pơjĭp iŏk mŭk tơmam lu drŏ-kăn adro, na lu sư kư̆m pơrŏ krao khan kơ 'Bok Kei-Dei đunh wă kơ đe jô̆ kơ sư khan bơngai 'lơ̆ng. Mă-lei 'Bok Kei-Dei gô phak lu sư hloh kơ đe ning-mônh.”

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.