Êsai 58:2 - Sơ̆p Hlabơar Nơ̆r 'Bok Kei-Dei

² Rim năr lu sư chơchă Inh; păng chơt hiôk băt kơ trong Inh. Thoi kon pơlei pơm tơdrong 'lơ̆ng tơpăt, păng ưh kơ đei layơ hiơt kơ khôi juăt Kră Yang 'Bok Kei-Dei lu sư kơdih, lu sư krao apinh Inh sek tơlang ăn tơpăt jơhngơ̆m lu sư hiôk năm jê̆ Kră Yang 'Bok Kei-Dei.

Êsai 58:2 ပူးပေါင်းရင်းမြစ်များ

Horiso 119:15

Inh oei tơchĕng ling-lang kơ tơdrong juăt ih. Lăng kơchăm lăng tơ trong Ih.

Horiso 119:151

Ơ Kră Yang Ih oei jê̆; păng dôm lu nơ̆r Ih tơtă sĭt tơpă.

Horiso 119:87

Mă lu sư wă pơlôch inh đơ̆ng kơpal teh; Mă-lei inh ưh kơ đei lê̆ dôm nơ̆r Ih bơtho pơkă.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Êsai 1:28

Mă-lei lu bơngai blơ̆ blĕch păng lu bơngai yoch lu sư gô lôch hiong lu đe bu mă achăng tŭk Kră Yang lu sư gô hiong răm.

Êsai 1:4

Ô dêh char yoch kơnê̆ dêh, kon pơlei pơla pơm yoch kơnê̆ trăp dêh tơpă, Adrĕch adrung pơm kơnê̆ dêh, lu kon hơ'lơ̆p pơm kư̆ kă, lu sư achăng hŭt Kră Yang. Lu sư Pơjăm Kră Yang 'Lơ̆ng tơpăt Isơrael, lu sư weh tơklah ataih bơih.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Êsai 42:20

Iĕm 'bôh ră lơ tơdrong mă ưh kơ wă lăng hơlen, iĕm đei ră hla đon mă ưh kơ wă mơ̆ng.

Êsai 57:12

Inh gô tơ'bôh pơdah tơdrong 'lơ̆ng iĕm tơdrong iĕm jang. Păng tơdrong noh tă ưh kơ đei yua kơ iĕm ngăl.

Êsai 57:3

Mă-lei lu iĕm ơ lu kon drŏ-nglo yă pơjâu, adrĕch adrung lu bơngai ngôi pơyô kư̆ kă păng drŏ-kăn đi, năm jê̆ tơ âu bĕ.

Êsai 59:13

Lu nhôn yoch bơih, blah plơ̆ Kră Yang, păng tơwih rŏng ưh kơ wă kiơ̆ Kră Yang 'Bok Kei-Dei lu nhôn. Lu nhôn pơma tơdrong kơnê̆ blơ̆ blĕch păng blah. Tơchĕng lĕch nơ̆r pơma hơlĕnh đơ̆ng lăm jơhngơ̆m.

Je 42:2

năm apinh lung Jêrêmi: “Mơ̆ng bĕ nơ̆r lu nhôn apinh ih krao apinh Kră Yang 'Bok Kei-Dei ih tơgŭm lu nhôn, lu bơngai mă oei oei âu. Sơ̆ lu nhôn oei lơ kơdrâ̆m, dang ei oei pă tŏ sĕt, thoi ih 'bôh âu.

Je 42:20

lu iĕm pơrơ̆ng pơprơ̆n wơh inh năm krao chă Kră Yang 'Bok Kei-Dei lu iĕm, khan: Krao apinh bĕ Kră Yang bơ̆n tơgŭm nhôn păng roi ăn kơ lu nhôn băt Kră Yang bơtho khan lu nhôn liơ; lu nhôn gô pơm kiơ̆.

Je 7:10

Păng đơ̆ng noh năm dơ̆ng kơkuh kơ Inh, tơ hnam âu, anih mă đe krao Anăn Inh, păng khan: “Lu bơ̆n klaih hiôk boih.” Hiôk oei wă pơm dôm tơdrong Inh areh noh?

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Êsêkiên 20:3

“Ơ kon bơngai, khan bĕ kơ lu kră pơlei Isơrael: Kră Yang khan thoi âu: Hăm trŏ lu iĕm năm krao apinh Inh dah ưh? Kră Yang khan: Thoi Inh mă arih, Inh ưh kơ ăn lu iĕm krao apinh Inh.

Am 5:18

Răm-'băm dêh kơ lu iĕm mă chang gô năr Kră Yang! Lu iĕm chang gô năr Kră Yang wă pơm kiơ? Noh năr măng mu, ưh kơ trŏ năr hơdah ôh.

Markôs 12:14

Lu sư roi kơ Yêsu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang. Na nhôn apinh Ih khan kơ nhôn, kiơ̆ kơ tơdrong juăt bơ̆n bơngai Juđê, bơ̆n hăm gơh ăn jên thuê̆ kơ Sêsar pơtao đe Rôm dah ưh?”

Markôs 6:20

kơlih kơ pơtao Hêrôt hli kơ Yôhan. Hêrôt băt kơ Yôhan bơngai tơpăt păng bơngai đon 'lơ̆ng ling-lang. Thoi noh na sư ưh kơ ăn pơlôch, kơplah sư mơ̆ng Yôhan bơtho jơhngơ̆m sư wơ̆l wang ră mă-lei sư 'maih mơ̆ng mơ̆n.

Yo 5:35

Yôhan thoi ŭnh kơđeng nhơk hơdah. Iĕm mơ̆ng sư bơtho hiôk chơt tơpă ră, mă-lei lăp minh yuh đĕch.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.