Êsai 58:13 - Sơ̆p Hlabơar Nơ̆r 'Bok Kei-Dei

¹³ “Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Êsai 58:13 ပူးပေါင်းရင်းမြစ်များ

Horiso 122:1

Inh hiôk dêh mưh đe khan kơ inh thoi âu: “Bĕ bơ̆n năm tơ hnam Kră Yang.”

Horiso 27:4

Inh đei apinh boih Kră Yang minh tơdrong, Tơdrong mă inh chơchă, Noh inh wă kơ đĭ chăl arih inh oei lăm hnam Kră Yang. Wă kơ lăng dôm tơdrong 'lơ̆ng tơpăt Kră Yang păng wă chă Sư tơ lăm Hnam Sư.

Horiso 42:4

Âu inh 'blŏk kơ tơdrong âu, năr bơhngol inh sơ'ngon. Sơ̆ inh năm hăm tơpôl lơ, ba lu sư truh tơ hnam Kră Yang 'Bok Kei-Dei, Đei nơ̆r jreo chơt păng kơkuh bơnê minh tơpôl lơlap pơm giĕng.

Horiso 84:10

Minh năr lăm cham hnam akŭm Ih gĭt hloh kơ minh-rơbâu năr tơ anih nai. Lê̆ inh jing bơngai wei 'măng dur lăm hnam Ih, Hloh kơ oei lăm hnam lu bơngai pơm kơnê̆.

Horiso 84:2

Bơhngol inh 'maih dêh năm tơ cham hnam Kră Yang, Inh ôr krao Kră Yang 'Bok Kei-Dei mă arih ling-lang hăm đĭ jơhngơ̆m sĕch akar inh.

Le 35:2

Iĕm athei bơ̆jang lăm tơdrâu năr, mă-lei truh năr mă tơpơh năr noh năr Sa'bat 'lơ̆ng rơgoh 'măn pơdơh kơ Kră Yang. Bơngai bu jang minh tơdrong kiơ̆ lăm năr noh, đe gô pơlôch sư.

Le 35:3

Lăm năr Sa'bat rim hnam dơnŏ iĕm mă tơ yơ yơ 'nĕ pơm ŭnh ôh:

Êsai 55:8

Kră Yang khan: “Đon tơchĕng Inh phara kơ đon tơchĕng lu iĕm, trong lu iĕm phara kơ trong Inh.”

Êsai 59:13

Lu nhôn yoch bơih, blah plơ̆ Kră Yang, păng tơwih rŏng ưh kơ wă kiơ̆ Kră Yang 'Bok Kei-Dei lu nhôn. Lu nhôn pơma tơdrong kơnê̆ blơ̆ blĕch păng blah. Tơchĕng lĕch nơ̆r pơma hơlĕnh đơ̆ng lăm jơhngơ̆m.

Êsêkiên 44:24

Tơdah đei tơdrong kiơ truh tơhil pơma băl lu sư gô sek tơlang kiơ̆ thoi Inh tơtă. Lu sư gô wei răk khôi juăt păng lu tơdrong juăt lăm tôm tơdrong kơ̆m giĕng Inh păng wei năr Sa'bat jing năr 'lơ̆ng rơgoh.

Lêwi 19:3

Rim 'nu lu iĕm athei lui yom kơ mĕ 'bă păng răk năr Sa'bat Inh, Inh boih Kră Yang 'Bok Kei-Dei lu iĕm.

Tơdrông Tơ'bôh 1:10

Đei minh năr, mă năr giĕng kơkuh kơ Kră Yang, na Yang Bơhngol 'Lơ̆ng tơ'bôh kơ inh tơdrong hlĭch. Inh kơtơ̆ng tơ rŏng inh nhen đei nơ̆r pơma re jơwa thoi đe hlôm keng