Êsai 57:7 - Sơ̆p Hlabơar Nơ̆r 'Bok Kei-Dei

⁷ Tơ kơpal kông kơjung lu iĕm dan giơng tep, păng tŏk tơ noh wă pơyơ̆r tơmam soi.

Êsai 57:7 ပူးပေါင်းရင်းမြစ်များ

Êsai 57:3

Mă-lei lu iĕm ơ lu kon drŏ-nglo yă pơjâu, adrĕch adrung lu bơngai ngôi pơyô kư̆ kă păng drŏ-kăn đi, năm jê̆ tơ âu bĕ.

Êsai 65:7

Tơdrong yoch kơnê̆ lu sư hăm tơdrong kơnê̆ yă 'bok lu sư.” Kră Yang khan: “Yua kơ lu sư soh bơih 'long 'bâu phu kơpal lu kông, păng pơma kơnê̆, blei hiap Inh kơpal lu groi na Inh gô phak jô̆ akŭm đĭ dôm tơdrong yoch đêl lu sư pơm bơih đơ̆ng adrol sơ̆.

Je 2:20

“Sơ̆ đunh boih iĕm gơ̆ lê̆ 'long ăt păng hrĕch lê̆ tơlei đơ̆ng chô̆ iĕm, Iĕm khan: ‘Nhôn ưh kơ wă chu kiơ̆ Ih.’ Tơpă, tơ rim groi kơjung, tơ ala tơm 'long iĕm drap kơkuh kơ rup yang thoi ngôi pơyô kư̆ kă.

Je 3:2

“Ngơk lăng bĕ tơ kơpal groi, hăm đei anih ayơ mă lu iĕm ưh kơ đei pơm pơyô? Iĕm ngôi cheng trong wă răp gô lu pơyô iĕm, thoi bơngai Arâpa chă răp lăm char glă; Iĕm đei pơm pơ'mê̆ boih kơ teh âu hăm tơdrong pơm pơyô krưp dêh.

Je 3:6

Kră Yang khan kơ inh, lăm chăl Jôsia pơm pơtao: “Ih hăm 'bôh dôm tơdrong bơngai Isơrael đei pơm boih, lu sư chă tŏk tơ jơ̆p kơ groi păng jơ̆p kơ yơ̆p tơm 'long hla hơmŭl; na pơm pơyô kư̆ kă tơ noh.

Êsêkiên 16:16

Ih iŏk ao tai wă pơrŏ pơm anih kơjung kơdih wă kơkuh pơyom, pơm pơyô kư̆ kă tơ noh. Tơdrong noh ưh kơ đei layơ trŏ lăp, ưh kơ layơ wă đei.

Êsêkiên 16:24

Ih kư̆m đei man pơjing kơ ih kơdih anih kơjung, pơdơ̆ng kơ ih anih kơjung lăm rim anih pơlei akŭm pơđâu.

Êsêkiên 16:25

Tơ rim kơ̆l trong tih ih đei pơjing anih kơjung kơ ih, hăm lăng ưh kơ gĭt tơdrong 'lơ̆ng hơbŏ ih, tĕch mơdro akâu ih tơ noh, pơyơ̆r akâu kơ lu bơngai yak brih găn pơm kư̆ kă.

Êsêkiên 23:17

Lu bơngai Babilôn truh 'bĭch hơdai sư. Pơm kơ sư jing 'mê̆-'mach yua kơ pơm đi kơnê̆ hăm lu sư, sư kư̆m pơm pơ'mê̆ akâu kơdih, bơ̆l hăl boih sư weh tơ nai.

Êsêkiên 23:41

Ih ngôi kơpal giơng 'lơ̆ng rŏ, dan minh tŏ gơ'bang 'bơ̆t anăp đei đak pơgang 'bâu phu Inh noh.

Êsêkiên 6:13

Đĭ lu iĕm gô băt, Inh boih Kră Yang, kơplah lu bơngai lăm lu iĕm lôch tơ'bĭch 'bơ̆t hơdai rup yang lu iĕm, jum dăr kơ chơnang soi, tơ kơpal kông groi, kơpal kơ̆l kông, ala hơmŭl 'long hơdrih păng lăm rơ̆m 'long kôih, jơ̆p kơ anih mă lu sư pơyơ̆r pơgang 'bâu phu 'bơ̆t anih kơkuh kơ lu rup yang lu sư.