Êsai 57:13 - Sơ̆p Hlabơar Nơ̆r 'Bok Kei-Dei

¹³ Mưh iĕm krao ôr wă kơ dŏng, gô lê̆ kơ lu rup yang 'noh dŏng pơklaih iĕm. Lăp minh hơyuh kial gô dơhlu pơđông lu rup yang iĕm 'noh. Lăm minh 'măng hơyuh kial tơthu đĕch gô hiong đĭ-đăng, mă-lei bơngai bu kơ'nơp lăm Inh, gô đei yua teh 'nâu păng đei iŏk kông rơgoh Inh.

Êsai 57:13 ပူးပေါင်းရင်းမြစ်များ

II Pot 3:13

Êlisê khan kơ pơtao Isơrael: “Ih hăm inh đei tơdrong kiơ? Ih athei jet apinh bĕ bơngai khan lê̆ adrol mă mĕ 'bă ih yua sư noh:” Mă-lei pơtao Isơrael tơl: “Ưh ôh, yua kơ Kră Yang krao bơih pêng 'nu nhôn pơtao 'nâu wă jao lê̆ lăm ti lu bơngai Môap đĕch.”

Jop 21:18

Lu sư thoi hơnong 'ba anăp kial hơbŭt thoi hơkam 'ba kial hơbŭt pơđông?

Horiso 1:4

Lu bơngai kơnê̆ ưh kơ đei thoi noh; Lu sư thoi hơnong 'ba kial pơđông.

Horiso 118:8

Gơnang kơ Kră Yang đĕch hloh kơ gơnang kơ kon bơngai.

Horiso 125:1

Lu bơngai gơnang kơ Kră Yang. Thoi kông Siôn ưh kơ đei pơpơ̆, mă-lei oei oei ling-lang.

Horiso 37:11

Mă-lei lu bơngai 'lơ̆ng tơpăt gô đei teh jang sa. Păng 'nă hal lăm tơdrong rơnŭk rơnua tih.

Horiso 37:22

Yua kơ lu bơngai mă Kră Yang ăn pŭn hiôk gô đei iŏk teh jang sa; Gah lu bơngai mă Sư hiap pơtê̆ gô lôch răm đĭ.

Horiso 37:29

Lu bơngai tơpăt gô đei teh, Păng oei hloi tơ noh ling-lang.

Horiso 37:3

Gơnang bĕ kơ Kră Yang păng pơm 'lơ̆ng. Oei bĕ lăm dêh char păng oei arih lăm tơdrong 'lơ̆ng tơpăt Sư.

Horiso 37:34

Chang gô bĕ Kră Yang păng wei kiơ̆ trong Sư, Sư gô hơtŏk ih wă kơ đei teh! Mưh lu kơnê̆ răm đĭ, Ih gô 'bôh tơdrong noh.

Horiso 37:9

Yua kơ lu bơngai kơnê̆ gô răm đĭ; Mă-lei gah lu bơngai chang gô Kră Yang gô đei teh jang sa.

Horiso 58:9

Adrol kơ pla ŭnh truh tơ gŏ lu iĕm. Kră Yang 'Bok Kei-Dei ăn kial hơbŭt tih pơđông lê̆ hơpaih. Mă oei hơdrih dah ŭnh oei sa.

Horiso 84:12

Ơ Kră Yang 'Bok Kei-Dei Tih Hloh, pŭn dêh kơ bơngai bu mă gơnang kơ Ih!

Tơdrông Pơđơk 28:25

Bơngai bu đei jơhngơ̆m ham chă sơlam pơdrŭt đe tơhil băl. Mă-lei bơngai bu băt gơnang kơ Kră Yang gô phĭ jơnap.

Êsai 11:9

Lu sư ưh kơ gơh pơm kơnê̆ păng pơrăm băl ôh, jơ̆p kơ anih lăm kông 'lơ̆ng rơgoh Inh, yua kơ jơ̆p-jang kơ teh đak 'bĕnh blai tơdrong hlôh băt kơ Kră Yang bơih, thoi đak ro 'bĕnh dơsĭ.

Êsai 14:32

Wă tơl tơwih liơ kơ bơngai pơtruh nơ̆r đơ̆ng minh pôm teh đak? Tơl tơwih khan: “Kră Yang pơjing kơjăp bơih Siôn păng lu kon pơlei Sư mă ơh sơ'ngon pơmat-tat gô kơ'nơp lăm noh.”

Êsai 25:4

Ih boih Kră Yang jing anih kơjăp lu bơngai dơnuh gơnang. Pơlei hơđơ̆ng ăn kơ lu bơngai hoh kơđei kơplah năr pơmat-tat, pơm anih kơ'nơp năr kial hơbŭt, pơm yơ̆p wă huay kơ tŏ, kơplah lu bơngai pơm kơnê̆ khĕnh lu sư lĕch thoi hơyuh kial hơbŭt tơthu bah tơ dur pơlei.

Êsai 40:24

Lu sư thoi 'nao pơtăm, 'nao rei, 'long 'nao chăt rơh lăm teh, Kră Yang tơthu na sư jô kro; kial phŭt huơ̆r bơbơ̆t đĭ lu sư thoi hơkam 'ba.

Êsai 41:16

Lu iĕm gô um sư na gô tơthu pơđông lu sư, phŭt gô huơ̆r lu sư tơklah hiong đĭ, mă-lei gah lu iĕm gô chơt hiôk lăm Kră Yang gô ư-ang kơ Tơ'ngla 'Lơ̆ng Rơgoh Isơrael.

Êsai 45:20

Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Êsai 49:8

Kră Yang khan thoi âu: “Lăm năr trŏ lăp Inh gô tơl tơwih nơ̆r ih krao khan: Lăm năr dŏng pơklaih Inh gô tơgŭm ih. Inh gô wei-lăng ih, pơjao kơ ih pơm tơdrong pơgơ̆p 'nao hăm kon pơlei wă tơiung dơ̆ng dêh char, păng klah asong tơmam lăm bri kơdrơ̆ng.

Êsai 56:7

Na Inh gô anhăk lu sư tŏk tơ kơpal kông rơgoh Inh ngăl, Ăn kơ lu sư hiôk chơt lăm hnam Inh krao khan. Tơmam soi 'buh păng tơmam soi nai lu sư pơyơ̆r, tơ kơpal chơnang soi Inh gô sơng iŏk; yua kơ hnam Inh gô krao hnam krao khan ăn kơ đĭ-đăng adrĕch adrung kon pơlei.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 65:11

Mă-lei lu iĕm, achăng hŭt lê̆ Kră Yang bơih. Hiơt kơ kông rơgoh Inh, Lu iĕm bơngai mă hơmet gơ'bang et sa ăn kơ yang Gata păng hling 'bĕnh kơ pơnhan sik hơmu ăn bơih kơ yang Mêni.b

Êsai 65:25

Kŏ-so hăm triu kon gô sa hơdai, dăm-brang sa hơnong 'ba thoi rơmo, 'bih gô sa 'mui teh. Gô ưh pă đei bu wă pơm kơnê̆, dah wă pơrăm lăm jơ̆p-jang kông rơgoh Inh,” Kră Yang khan thoi noh.

Êsai 65:9

Inh gô ăn đei kon sâu lĕch đơ̆ng Jakôp, păng minh 'nu đơ̆ng Juđa gơh đei iŏk lu kông Inh; Lu bơngai mă Inh rơih iŏk gô đei dêh char noh, lu đĭch đam Inh gô oei tơ noh.

Êsai 66:20

Kră Yang khan: “Lu sư gô chông ba đĭ-đăng 'nhŏng oh lu iĕm đơ̆ng jơ̆p-jang kơ dêh char thoi tơmam pơyơ̆r soi sơmah kơ Kră Yang ba lu sư hăm aseh, gre aseh, gre tŭn hơnhŭn hơbang, aseh iĕ, aseh lăk-đa truh tơ kông rơgoh Inh tơ pơlei Jêrusalem.” Lu sư chông ba lu sư hăm gre tŭn, gre aseh, aseh, aseh iĕ lăk-đa: ‘Kŭm thoi kon pơlei Isơrael chĕp tơmam soi phe 'ba lăm ge mong tơmam rơgoh lăm hnam akŭm Kră Yang.

Je 2:28

Thoi noh na tơ yơ yang mă lu iĕm đei pơm kơdih noh? Lê̆ lu yang noh năm pơklaih iĕm bĕ, kơplah iĕm đei tơdrong gleh, yua kơ lu yang iĕm lơ kư̆m dang dôm pơlei iĕm, ơ Juđa.

Je 22:20

Tŏk năm bĕ tơ char Liban păng krao ôr, nhơ̆m hmoi ôr mă re tơ groi Basan krao ôr mă re kơtang dơ̆ng kông Abarim. Yua kơ đĭ-đăng bơngai mă pơgơ̆p hăm ih lôch đĭ boih.

Je 22:22

Kial gô puh pơđông lê̆ đĭ-đăng lu bơngai wei triu ih, păng lu bơngai mă pơgơ̆p hăm ih gô jing bơnă, kơplah noh ih gô mơlâu păng hlơ̆l lĕm, yua kơ tơdrong kơnê̆ đêl ih pơm boih.

Je 30:14

Bơngai mă pơgơ̆p hăm iĕm hiơt kơ iĕm boih, lu sư ưh pă hiơ̆k kơ iĕm boih, Inh teh iĕm rơka thoi lu ayăt teh. Inh teh phak lu iĕm kư̆m thoi lu bơngai kơnê̆ phak, Yua kơ tơdrong kơnê̆ iĕm trăp tơpă, tơdrong yoch iĕm lơ dêh.

Êsêkiên 20:40

Kră Yang khan: Tơ kơpal kông rơgoh Inh, tơ kơpal kông Isơrael, tơ noh đĭ adrĕch Isơrael, đĭ-đăng kơ lu sư lăm dêh char gô awih awăn kơ Inh. Tơ noh Inh gô sơng iŏk lu sư; Inh gô iŏk tơmam pơyơ̆r păng tơmam pơyơ̆r plei blŭng-a, hăm tơmam soi 'lơ̆ng rơgoh lu sư.

Hôsia 13:3

Thoi noh lu sư nhen thoi tŭk pơgê hrôih kư̆m thoi iĕ kơ đak ngom pơgê 'bônh kơ hrĕng, kư̆m thoi hơkam ba kial bơbơ̆t đơ̆ng anih juă 'ba, thoi 'nhui lĕch đơ̆ng 'măng-'mŏk.

Jôel 3:17

Kơplah noh na lu iĕm gô băt Inh boih Kră Yang 'Bok Kei-Dei lu iĕm, oei tơ kông Siôn, noh kông rơgoh Inh. Pơlei Jêrusalem jing 'lơ̆ng rơgoh, păng lu bơngai tơmoi ưh pă năm yak trong noh dơ̆ng.

Sa 7:13

Đei tơdrong truh thoi kơplah Inh krao, lu sư ưh kơ chu mơ̆ng, na kơplah lu sư krao Inh kư̆m ưh kơ wă mơ̆ng, Kră Yang Tih Hloh khan thoi noh.

Lu 10:14

Năm krao chă bĕ lu yang mă iĕm rơih iŏk boih; lê̆ lu sư dŏng pơklaih lu iĕm mưh lu iĕm đei gleh pơmat-tat?