Êsai 56:10 - Sơ̆p Hlabơar Nơ̆r 'Bok Kei-Dei

¹⁰ Lu bơngai Isơrael gak tă kơ măt tol, ưh kơ băt tơdrong kiơ. Đĭ-đăng lu sư thoi kŏ kơmlo, ưh kơ băt kơ kuăl, 'maih 'bĭch ling-lang păng tep blêk apo kư̆ kă đĕch;

Êsai 56:10 ပူးပေါင်းရင်းမြစ်များ

II Pot 12:6

Mă-lei truh sơnăm mă 'bar-jĭt pêng, chăl Jôas pơgơ̆r, lu 'bok soi ưh kơ hơmet ming Hnam kư̆m dơ̆ng.

Êsai 29:10

Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 29:9

Kơdrăt bĕ, hli tơrơ bĕ, măt iĕm tol păng pă 'bôh! Suai bĕ, mă-lei ưh kơ suai đơ̆ng tơdrô hơmu, nơnăm we-wo 'ma 'ngiĕo ưh kơ sĭ đơ̆ng huch tơdrô 'lơ̆ng ôh.

Êsai 52:8

Mơ̆ng bĕ nơ̆r lu bơngai gak! Lu sư hơri hiôk chơt hơdai; yua kơ măt lu sư 'bôh kơplah Kră Yang chông ba bơnă wih brŏk tơ Siôn.

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Nhom 4:14

Lu sư yak rok trong thoi bơngai măt tol; đơ̆ng pham đe mă lu sư pơm kơnê̆. Dĭng mah pă đei bu pơ̆n pel ao tai lu sư.

Êsêkiên 13:16

Noh lu 'bok khan lê̆ adrol Isơrael đei khan lê̆ adrol kơ pơlei Jêrusalem 'bôh tơdrong tơ'bôh hiôk-hian, mă ưh kơ đei hiôk-hian kiơ, Kră Yang Tih Hloh đei khan thoi noh.’ ”

Êsêkiên 33:6

Tơdah bơngai gak 'bôh đao hơlă truh blah mă ưh kơ hlôm keng, kon pơlei ưh kơ băt kơchăng, na đao hơlă noh blah đei minh 'nu bơngai lôch yua kơ tơdrong yoch sư kơdih, mă-lei Inh gô tơpŭ pham noh tơ tơpang ti bơngai gak.

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Na 3:18

Ơ pơtao Asiri, lu bơngai wei triu ih tep đĭ. Lu bơngai hơgei pơm yŏng lu sư pơdơh hiôk đĭ boih; kon pơlei ih kơdâu tơklah tơklang tơ jơ̆p kông ưh kơ đei bu krao akŭm lu sư dơ̆ng.

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Philip 3:2

Iĕm kơchăng hli kơ lu bơngai kăt tơdra akar, lu sư pơgŏ iĕm kăt kiơ̆ thoi lu sư. Tơdrong noh ưh kơ sĭ lu sư kăt kiơ̆ kơ tơdrong 'Bok Kei-Dei pơkă tơpă ôh. Lu sư kăt dang wă pơjĭ akâu đĕch. Lu sư dang kŏ, jang tơdrong kư̆ kă mơ̆ng kơ jơhngơ̆m hưch.