Êsai 56:1 - Sơ̆p Hlabơar Nơ̆r 'Bok Kei-Dei

¹ Kră Yang khan thoi âu: Athei wei bĕ tơdrong 'lơ̆ng tơpăt. Păng pơm bĕ tơdrong trŏ 'lơ̆ng; yua kơ tơdrong dŏng pơklaih Inh wă jê̆ truh păng tơdrong 'lơ̆ng tơpăt Inh wă jê̆ pơdah bơih.

Êsai 56:1 ပူးပေါင်းရင်းမြစ်များ

Horiso 106:3

Pŭn dêh kơ bu wei răk tơdrong tơpăt hơnơ̆ng pơm tơdrong 'lơ̆ng tơpăt ling-lang!

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Horiso 85:9

Tơpă tơdrong sư dŏng pơklaih oei jê̆ tơ lu đe bu mă hli yom kơ sư. Wă kơ tơdrong ư-ang đei oei lăm char bơ̆n.

Êsai 33:5

Kră Yang đei pơyom hloh, yua kơ Sư oei tơ anih kơpal ti, Sư pơm ăn kơ Siôn 'bĕnh blai kơ tơdrong 'lơ̆ng tơpăt păng trŏ hơnơ̆ng.

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Êsai 51:5

Tơdrong 'lơ̆ng tơpăt Inh wă jê̆ truh; tơdrong dŏng pơklaih Inh truh bơih. Tơpang ti Inh gô wei pơgơ̆r đĭ-đăng kon pơlei. Lu bơngai oei lăm bŏl dơsĭ chang gô Inh păng lu sư hơmĕng gơnang kơ tơpang ti Inh.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Êsai 61:8

Inh bơih Kră Yang Inh lăp kơ tơdrong tơpăt, areh kơ tơdrong tơtông klĕ păng tơdrong pơm ưh kơ tơpăt, kiơ̆ kơ jơhngơ̆m tơpăt Inh. Inh gô apah lu sư, păng pơjing tơdrong pơgơ̆p hăm lu sư ling-lang.

Êsai 64:5

Ih sơng iŏk lu bơngai jơhngơ̆m hiôk pơm tơdrong tơpăt, păng lu bơngai 'blŏk kơ Ih năm kiơ̆ trong Ih. Ih hil bơih yua kơ lu nhôn pơm yoch. Đunh bơih lu nhôn oei lăm yoch noh, na wă gơh klaih liơ?

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Hôsia 12:7

Lu bơngai Isơrael thoi bơngai mơdro chĕp 'long kŏng hơlĕnh lăm ti sư, sư 'maih chă sa pơgâm đe.

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Mi 7:9

Inh pŭ iŏk tơdrong Kră Yang hil yua kơ inh đei pơm yoch boih hăm sư, dĭng truh tơ Sư tơgŭm inh dơ̆ng, sek tơlang tơdrong tơpăt inh, Sư gô chông ba inh truh tơ tơdrong hơdah păng inh gô 'bôh tơdrong tơpăt Sư.

Malachi 4:4

“Lei lu iĕm athei 'blŏk bĕ kơ khôi juăt Môis, đĭch đam Inh, mă Inh khan tơbăt ăn kơ sư tơ kông Hôrêp, wă khan dôm tơdrong juăt păng nơ̆r tơtă ăn kơ đĭ-đăng bơngai Isơrael.

Mathiơ 3:2

Sư bơtho đe thoi âu: “Iĕm athei tơbral kơdih tơdrong yoch, yua kơ 'Bok Kei-Dei wă pơgơ̆r iĕm boih.”

Mathiơ 4:17

Đơ̆ng năr noh boih Yêsu pơtơm jang tơdrong Sư, Sư bơtho đe thoi âu: “Iĕm athei tơbral kơdih tôm tơdrong yoch, yua kơ 'Bok Kei-Dei wă pơgơ̆r iĕm boih.”

Markôs 1:15

Sư khan: “Năr âu trŏ kơ năr 'Bok Kei-Dei wă pơgơ̆r iĕm boih. Iĕm athei tơbral kơdih tôm tơdrong yoch iĕm, na lui kiơ̆ tơdrong 'nao 'lơ̆ng Sư.”

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

Rom 1:17

Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”