Êsai 55:6 - Sơ̆p Hlabơar Nơ̆r 'Bok Kei-Dei

⁶ Chă bĕ Kră Yang kơplah bơ̆n oei gơh tơ'bơ̆p; krao khan bĕ kơplah Sư oei jê̆!

Êsai 55:6 ပူးပေါင်းရင်းမြစ်များ

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

II Ho 19:3

Mă-lei lăm ih kư̆m đei tơdrong 'lơ̆ng, ih đei pơrăm lê̆ boih lu gơ̆ng rup yang Asêra đơ̆ng lăm char ih păng ih kư̆m đei pơkă wă chă Kră Yang 'Bok Kei-Dei!”

Esơra 10:2

Sêkania kon drŏ-nglo Jêhiêl, lu kon sâu Êlam sư khan kơ Esơra thoi âu; lu nhôn đei pơm yoch hăm Kră Yang 'Bok Kei-Dei lu bơ̆n na iŏk oei boih kơ lu kon drŏ-kăn bơngai tơmoi adrĕch adrung lăm dêh 'nâu; mă khan lu nhôn đei pơm thoi noh ră, kư̆m oei đei tơdrong hơmĕng mă wă ăn kơ đe Isơrael.

Jop 8:5

Gah ih, tơdah ih chă Kră Yang 'Bok Kei-Dei, păng krao apinh Kră Yang Tih Hloh.

Horiso 14:2

Kră Yang 'Bok Kei-Dei nger lăng đơ̆ng plĕnh ti tơ kon bơngai. Wă lăng hăm đei bu gơh băt. Chơchă Kră Yang 'Bok Kei-Dei ưh?

Horiso 145:18

Kră Yang oei jê̆ lu bơngai krao chă Sư. Wă khan oei jê̆ lu đe bu mă krao chă Sư đĭ jơhngơ̆m tơpă.

Horiso 148:14

Sư đei hơtŏk boih jơhngơ̆m pran lu kon pơlei Sư thoi hơke sem bri Noh jơ̆ tơdrong hơri ư-ang đơ̆ng lu bơngai 'lơ̆ng rơgoh Sư, noh lu bơngai Isơrael. Kon pơlei pơla mă oei jê̆ Sư. Halêluya!

Horiso 27:8

Jơhngơ̆m inh khan kơ Ih, “chơchă bĕ muh măt Sư,”a Na inh khan! Inh gô chơchă muh măt Ih.

Horiso 32:6

Thoi noh lu bơngai tơpătc băt chu yom krao khan kơ Ih. Lăm jơ mă oei gơh tơ'bơ̆p hăm Ih, Mă khan đei đak lơ̆p rai tih, kư̆m ưh kơ đei lơ̆p truh tơ sư.

Horiso 34:19

Lu bơngai 'lơ̆ng tơpăt đei lơ tơdrong pơmat-tat truh. Mă-lei Kră Yang dŏng pơklaih đĭ tơdrong noh.

Horiso 75:1

Ơ Kră Yang 'Bok Kei-Dei, lu nhôn bơnê kơ Ih, Lu nhôn kơkuh bơnê kơ Ih, yua kơ Ih jê̆ lu nhôn: Lu nhôn ră roi tơdrong hlĭch chrơp đơ̆ng Ih pơm

Horiso 95:7

Yua kơ Sư boih Kră Yang 'Bok Kei-Dei bơ̆n. Lu bơ̆n jing kon pơlei oei lăm dơnih 'nhĕt Sư. Păng jing triu kiơ̆ kơ ti Sư chông anhăk. Năr âu tơdah iĕm kơtơ̆ng nơ̆r Sư,

Tơdrông Pơđơk 8:17

Inh 'mêm kơ lu bơngai 'mêm kơ Inh. Bơngai bu adrin chă Inh gô tơ'bơ̆p Inh.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 26:9

Kơmăng bơhngol inh rơhing kơ Ih, pơgê lăm jơhngơ̆m inh hơpơi wă chă Ih dêh, mưh Ih sek tơlang tơ ala teh, kon bơngai oei lăm teh đak gô băt tơdrong 'lơ̆ng tơpăt.

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Êsai 45:22

Ơ đĭ-đăng lu bơngai oei jơ̆p anih tôch kơ teh. Wih brŏk bĕ tơ Inh na lu iĕm gơh klaih! Yua kơ Inh bơih Kră Yang 'Bok Kei-Dei, ưh kơ đei yang nai ôh.

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Êsai 49:8

Kră Yang khan thoi âu: “Lăm năr trŏ lăp Inh gô tơl tơwih nơ̆r ih krao khan: Lăm năr dŏng pơklaih Inh gô tơgŭm ih. Inh gô wei-lăng ih, pơjao kơ ih pơm tơdrong pơgơ̆p 'nao hăm kon pơlei wă tơiung dơ̆ng dêh char, păng klah asong tơmam lăm bri kơdrơ̆ng.

Êsai 58:9

Kơplah noh ih krao apinh Kră Yang gô tơl tơwih; ih krao Sư dŏng tơgŭm Sư khan: Đei Inh tơ âu! “Dah ih hŭt lê̆ tơdrong pơjuă pơđep păng ưh kơ đei dơhlâu ti pơma kư̆ kă.

Êsai 65:10

Kon pơlei Inh, lu bơngai mă krao chă Inh gô đei tơmăn glă Sarôn pơm anih tơmăn 'nhĕt wei rong triu păng thŭng Akô pơm tơmăn 'nhĕt ăn kơ rơmo bun pơdơh.

Êsai 65:24

Adrol kơ lu sư krao apinh; Inh gô tơl tơwih nơ̆r lu sư To lu sư oei pơma, Inh kơtơ̆ng bơih.

Je 25:5

Lu sư khan: ‘Rim 'nu kơ lu iĕm athei weh đơ̆ng tơdrong kơnê̆, achăng lê̆ bĕ tơdrong pơm yoch kơnê̆, na lu iĕm gô oei lăm teh đak Kră Yang ăn boih kơ lu iĕm păng lu 'bok yă iĕm sơ̆ khơ̆ ning-mônh hlŏng hloi.

Je 33:3

Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”

Êsêkiên 14:6

Thoi noh, khan bĕ kơ adrĕch Isơrael: ‘'Nâu nơ̆r Kră Yang Tih Hloh khan: Wih brŏk tơbral bĕ! Lê̆ rup yang lu iĕm, tơbral weh đơ̆ng dôm tơdrong kơnê̆ krưp 'bơ̆t anăp lu iĕm.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Êsêkiên 8:6

Na Sư khan kơ inh dơ̆ng: “Ơ kon bơngai, ih hăm 'bôh dôm tơdrong lu sư oei pơm, lu tơdrong krưp kơnê̆ 'mê̆-'mach tih dêh mă adrĕch Isơrael pơm wă puh Inh ataih đơ̆ng anih rơgoh Inh? Tơpă ih gô 'bôh lơ tơdrong krưp kơnê̆ tih hloh dơ̆ng.”

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Hôsia 10:12

Rei bĕ lu iĕm kơdih hăm tơdrong 'lơ̆ng tơpăt, yuă iŏk bĕ plei đơ̆ng tơdrong 'mêm sĭt, choh bĕ teh lu iĕm mă lê̆ bri! Truh boih jơ chă Kră Yang, dĭng truh tơ Sư ăn jur tơdrong tơpăt thoi đak 'mi tơ lu iĕm.

Am 5:6

Chơchă bĕ Kră Yang, na lu iĕm gô arih; tơdah ưh Kră Yang gô phak adrĕch Jôsep păng pơlei Bethel, thoi ŭnh sa ưh kơ đei bu kĕ pĭt.

Jôna 3:8

mă-lei kon bơngai păng kon sem dơrong athei su 'bi. Rim 'nu athei adrin đĭ jơhngơ̆m krao apinh Kră Yang 'Bok Kei-Dei. Trŏ tơpă, rim 'nu athei achăng lê̆ trong kơnê̆, dah tơdrong kiơ mă pơm kơnê̆.

Mathiơ 5:25

“Dah đe năm apinh tơmam đêl iĕm hre kơ đe, na iĕm jah pơđang tơdrong hre noh hloi, 'nĕ kơ gô sư anhăk iĕm tơ 'bok sek tơlang, hli kơ đe gô rôp tah iĕm tơ hnam phak.

Luka 13:25

Pơtih gia Inh mă 'Bok tơ'ngla hnam gô tang lê̆ 'măng, na lăp iĕm dơ̆ng dơdŭ 'măng 'bơ̆t 'ngoaih khan: ‘Ơ 'Bok, pơih ăn kơ nhôn 'măng,’ na Inh khan: ‘Inh ưh kơ băt iĕm đơ̆ng yơ.’

Yo 8:21

Yêsu bơtho dơ̆ng lu sư thoi âu: “Inh gô jăk tơ nai, na iĕm gô chă Inh mă-lei ưh kơ 'bôh. Păng iĕm gô lôch yua kơ tơdrong yoch iĕm. Iĕm ưh kơ gơh truh tơ anih Inh ôh.”

Êphêsô 3:13

Thoi noh na inh apinh iĕm 'nĕ kơ sơ'ngon kơ tơdrong inh pơmat yua kơ iĕm. Inh oei tơ lăm hnam phak kư̆m bưh mơ̆n yua kơ inh wă adrin bơtho tơgŭm iĕm; na iĕm athei hiôk bĕ.

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.

Both 4:7

Ưh kơ đei adrĕch tih ayơ mă đei yang jê̆ lu sư thoi Kră Yang 'Bok Kei-Dei oei jê̆ lu bơ̆n ling-lang na mơ̆ng rim nơ̆r krao khan thoi bơ̆n:

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.

Hêbrơ 3:13

Kơplah ahrei brei drâu oei tam mơ̆n, na rim năr iĕm athei pơlung dih băl, wă kơ đĭ-đăng kơ iĕm huay kơ lui kơ đe pơhlŭ pơlung iĕm pơm yoch jing arăng kơ̆l.