Êsai 55:12 - Sơ̆p Hlabơar Nơ̆r 'Bok Kei-Dei

¹² Bĕ lu iĕm gô lĕch năm hiôk chơt păng ba lăm tơdrong hiôk-hian. Kông kơjung păng groi kơđeh gô đei nơ̆r hơri 'bơ̆t anăp lu iĕm. Rim kơ 'long tơ bri brah gô tơtap ti.

Êsai 55:12 ပူးပေါင်းရင်းမြစ်များ

Horiso 105:43

Sư chông ba kon pơlei Sư lĕch năm hiôk-hian; lu bơngai Kră Yang rơih. Lu sư lĕch năm hăm nơ̆r hơri chơt hiôk.

Horiso 47:1

Ơ kon pơlei pơla, tap ti bĕ, iŏk nơ̆r jei tih na jreo chhôk kơ Kră Yang 'Bok Kei-Dei.

Horiso 65:12

Lu tơmăn 'nhĕt lăm char glă bluh 'lơ̆ng, Păng lu kông groi đei chơt hiôk.

Horiso 65:13

Anih 'nhĕt hơdrih 'bĕnh kơ sem dơrong. Dôm lu thŭng 'bĕnh kơ hơ'bo 'ba pia tôl: Jơ̆p-jang anih noh chơt hiôk păng hơri 'nă hal.

Horiso 69:34

Ơ plĕnh, teh, đak dơsĭ păng kon sem brem lăm noh, đĭ-đăng bơnê bĕ kơ Sư.

Êsai 14:8

'Long hơngo hla iĕ, 'long hơngo lăm dêh Liban kư̆m hiôk yua păng khan: “Đơ̆ng năr kăl ih păk noh, ưh kơ đei bu năm kăl nhôn dơ̆ng.”

Êsai 35:10

Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Êsai 48:20

Lĕch bĕ đơ̆ng Babilôn! Kơdâu weh bĕ đơ̆ng bơngai Kalđê! Athei jreo ôr hiôk chơt na khan roi tơbăt bĕ tơdrong 'nâu. Ră roi dĭng jơ̆p truh tôch kơ lăm teh đak! Athei khan: “Kră Yang dŏng pơklaih adrĕch Jakôp bơih, đĭch đam Sư.”

Êsai 49:13

Ơ plĕnh, hơri bĕ! Ơ teh, hiôk chơt bĕ! Ơ lu kông pơret nơ̆r hơri bĕ! Yua kơ Kră Yang đei pơlung bơih kon pơlei Sư păng mơnat kơ lu bơngai pơmat-tat.

Êsai 51:11

Kon pơlei mă Kră Yang huai iŏk bơih gô brŏk, Năm mơ̆t tơ Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, tơdrong ơh sơ'ngon chhŭr nuih gô hiong đĭ.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 54:10

Mă đơ̆ng kông hiŏng tơ nai, mă đơ̆ng groi rĭ tơplih, mă-lei jơhngơ̆m đon Inh 'mêm mơnat hăm iĕm ưh kơ đei tơplih. Nơ̆r pơgơ̆p hiôk-hian Inh ưh kơ đei tơplih Kră Yang, jơ̆ Tơ'ngla 'mêm mơnat kơ iĕm pơma thoi noh.

Êsai 54:13

Đĭ-đăng kon ih gô đei Kră Yang bơtho tơ'bôh, păng tơdrong hiôk-hian kon hơ'lơ̆p ih gô tih tơpă.

Je 29:11

Kră Yang khan: “Yua kơ Inh băt tơdrong kiơ Inh pơkă wă pơm kơ lu iĕm. Inh đei pơkă ăn tơdrong hiôk-hian phĭ jơnap ưh kơ trŏ tơdrong kơnê̆ răm ôh, wă kơ lu iĕm đei tơdrong gơnang hơmĕng.

Je 30:19

Gô đei nơ̆r hơri bơnê păng chơt hiôk đơ̆ng 'bơ̆r lu sư. Inh gô ăn kơ lu sư rai lơ, ưh pă tŏ sĕt thoi sơ̆. Inh kư̆m ăn kơ đe ư-ang kơ lu sư; ưh pă pơjăm boih.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Je 33:6

“Inh gô ăn kơ lu sư pran kơtang păng ăn kơ lu sư klaih rơngơp; Inh gô pơklaih pơlei âu, Inh gô ăn kơ lu sư hiôk-hian chơt 'nă hal tơpă.

Êsêkiên 17:24

Đĭ-đăng lu 'long tơ bri brah gô băt kơ Inh boih Kră Yang, tơjur lê̆ 'long kơjung na hơtŏk lu 'long kơđeh, pơm kơ 'long hơdrih jing kro, 'long kro jing hơdrih 'lơ̆ng. Inh boih Kră Yang đei khan păng gô pơm tơdrong noh.’ ”

Luka 15:10

Kư̆m thoi noh mơ̆n lu linh jang 'lơ̆ng 'Bok Kei-Dei hiôk tơpă mă 'bôh minh 'nu bơngai yoch băt băi tơbral kơdih tơdrong yoch.”

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

Rom 5:1

Bơ̆n lui păng gơnang kơ 'Bok Kei-Dei thoi noh, na Sư jô̆ bơ̆n jing 'lơ̆ng tơpăt; yua kơ Kră Yang bơ̆n Yêsu Krist na bơ̆n gơh oei hiôk hăm 'Bok Kei-Dei.

Rom 5:11

Thoi noh na dang ei bơ̆n chơt hiôk hăm 'Bok Kei-Dei boih, yua kơ Yêsu pơm 'long sơlam kơ bơ̆n hăm 'Bok Kei-Dei; yua kơ Yêsu na bơ̆n gơh hiôk hăm 'Bok Kei-Dei.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Kôlôsê 1:11

Na nhôn apinh tơdrong mơsêh mơyang 'Bok Kei-Dei ăn kơ iĕm jơhngơ̆m pran adrin kiơ̆ tôm tơdrong Sư, wă kơ iĕm huay kơ achăng lê̆ Sư, mă đe pơm pơmat kơ iĕm dang yơ, ăn kơ iĕm oei hiôk oei kơjăp lăm tơdrong lui khŏm khŏm.