Êsai 54:8 - Sơ̆p Hlabơar Nơ̆r 'Bok Kei-Dei

⁸ Lăm jơhngơ̆m Inh oei hil mĭl dêh. Inh ôn muh măt Inh ưh kơ đei lăng iĕm minh rơwưh minh bruh minh 'biơ̆. Mă-lei yua kơ jơhngơ̆m đon 'mêm mơnat tih ling-lang. Inh gô mơnat kơ iĕm.” Kră Yang, Tơ'ngla dŏng pơklaih iĕm khan thoi noh.

Êsai 54:8 ပူးပေါင်းရင်းမြစ်များ

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Horiso 103:4

Sư dŏng pơklaih tơdrong arih ih đơ̆ng sơlŭng jrŭ. Iŏk tơdrong 'mêm păng tơdrong mơnat na pơm môk pơtao pơyơ̆l ăn kơ ih.

Horiso 13:1

Ơ Kră Yang, Ih gô hiơt kơ inh dĭng dang yơ? Wă hiơt hlŏng hloi hă? Dĭng dang yơ Ih ôn muh măt Ih kơ inh?

Horiso 27:9

Ơ Kră Yang 'Bok Kei-Dei mă dŏng pơklaih inh, Apinh 'nĕ ôn muh măt Ih kơ inh. 'Nĕ kơ pơpuh lu đĭch đam Ih Kơplah Ih hil blĕk. Ih jơ̆ Kră Yang tơgŭm dŏng inh, 'nĕ kơ lê̆ inh, 'nĕ kơ achăng inh.

Horiso 30:5

Yua kơ tơdrong sư hil lăp tŏ sĕt, Gah tơdrong Sư mơnat đei đĭ chăl arih hloi: Tơdrong nhơ̆m hmoi lăp kiơ̆ kơmăng đĕch, Mă-lei truh pơgê hrôih đei chơt hiôk.

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Êsai 26:20

Ơ kon pơlei pơla Inh mơ̆t bĕ tơ anih ih păng tang bĕ 'măng gah rŏng ih, ôn bĕ akâu iĕm hơya tŏ sĕt năr, Dĭng truh kơ layơ tơdrong Kră Yang hil hlôi đĭ.

Êsai 40:27

Ơ adrĕch Jakôp lơliơ iĕm khan: Ơ bơngai Isơrael lơliơ iĕm pơma tơtok: “Trong inh đĭ ôn pĕng lê̆ bơih đơ̆ng Kră Yang; 'Bok Kei-Dei inh ưh pă gan lăng inh bơih?

Êsai 45:15

Sĭt tơpă Ih Kră Yang 'Bok Kei-Dei ôn akâu Ih, Ơ Kră Yang 'Bok Kei-Dei Ih, jơ̆ Kră Yang dŏng pơklaih đe Isơrael.

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Êsai 48:17

Kră Yang Tơ'ngla dŏng pơklaih iĕm Tơ'ngla 'Lơ̆ng Rơgoh Isơrael khan: “Inh bơih Kră Yang, 'Bok Kei-Dei iĕm, Tơ'ngla bơtho iĕm mă đei tơdrong 'lơ̆ng kơ iĕm păng dui ba iĕm lăm trong iĕm gô năm.

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Êsai 49:13

Ơ plĕnh, hơri bĕ! Ơ teh, hiôk chơt bĕ! Ơ lu kông pơret nơ̆r hơri bĕ! Yua kơ Kră Yang đei pơlung bơih kon pơlei Sư păng mơnat kơ lu bơngai pơmat-tat.

Êsai 49:26

Inh gô pơm kơ lu bơngai pơjuă pơđep iĕm lu sư gô pơlôch dih băl, lu sư jing suai yua kơ đơ̆ng hil blĕk, thoi lĕ suai sik; Đĭ-đăng kon bơngai gô băt kơ Inh, Kră Yang Tơ'ngla dŏng pơklaih iĕm, Tơ'ngla huai iŏk iĕm păng Tơ'ngla mơsêh adrĕch Jakôp.”

Êsai 54:10

Mă đơ̆ng kông hiŏng tơ nai, mă đơ̆ng groi rĭ tơplih, mă-lei jơhngơ̆m đon Inh 'mêm mơnat hăm iĕm ưh kơ đei tơplih. Nơ̆r pơgơ̆p hiôk-hian Inh ưh kơ đei tơplih Kră Yang, jơ̆ Tơ'ngla 'mêm mơnat kơ iĕm pơma thoi noh.

Êsai 54:5

Yua kơ Tơ'ngla pơjing iĕm noh klo iĕm. Anăn Sư Kră Yang Tih Hloh. Tơ'ngla huai iŏk iĕm noh mă Tơ'ngla Rơgoh Isơrael; Sư noh boih Kră Yang 'Bok Kei-Dei kơ đĭ plĕnh teh.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Êsai 60:10

Lu bơngai tơmoi gô man pơdơ̆ng ming dur ih păng pơtao lu sư gô bơ̆jang kơ ih kơplah Inh hil mĭl đei teh tôn mă-lei 'bơ̆t Inh mơnat, Inh pơm 'lơ̆ng kơ ih dơ̆ng.

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Êsai 8:17

Inh gô gơnang kơ Kră Yang păng chang gô Sư, jơ̆ Kră Yang mă ôn muh măt Sư đơ̆ng adrĕch Jakôp.

Je 31:3

Sơ̆ Kră Yang tơ'bôh boih kơ bơ̆n khan: “Inh 'mêm mơnat kơ iĕm hăm tơdrong 'mêm ling-lang hlŏng hloi, Thoi noh na Inh oei wei kơjăp 'mêm kơ iĕm.

Je 33:26

Lei Inh gô achăng lê̆ adrĕch adrung Jakôp păng Đawit, đĭch đam Inh, na Inh ưh kơ đei rơih bu lăm kon sâu drŏ-nglo sư wă pơgơ̆r kon sâu Abraham, Isăk păng Jakôp. Tơpă Inh gô ăn kơ lu sư đei pŭn hiôk jơnap păng Inh gô 'mêm mơnat kơ lu sư.”

Je 51:5

Yua kơ Kră Yang 'Bok Kei-Dei Tih Hloh ưh kơ achăng lê̆ ôh lu bơngai Isơrael hăm lu bơngai Juđa. Mă-lei char Babilônb 'bĕnh hăm tơdrong yoch blah plơ̆ Tơ'ngla 'Lơ̆ng Rơgoh Isơrael.

Êsêkiên 39:29

Inh ưh pă ôn muh măt Inh kơ lu sư dơ̆ng, yua kơ Inh gô ăn Yang Bơhngol 'Lơ̆ng Inh kơ adrĕch Isơrael, Kră Yang khan thoi noh.”

Habakuk 3:2

Ơ Kră Yang! Inh kơtơ̆ng boih đe roi gah anăn Ih păng tơdrong Ih pơm na inh hli tơrơ. Ơ Kră Yang! Apinh Ih ăn tơdrong jang Ih oei hơnơ̆ng rim khei rim sơnăm lăm teh đak. Apinh Ih bơtho tơ'bôh ăn kơ rim 'nu băt nhen! Kơplah Ih oei hil, apinh Ih 'nĕ kơ hiơt tơdrong mơnat!

Sa 1:15

Păng Inh ưh kơ lăp jơhngơ̆m đon kơ adrĕch adrung mă oei hiôk. Sơ̆ Inh hli kơ kon pơlei pơla Inh lăp ai đĕch, mă-lei lu adrĕch adrung sư thim tơdrong pơmat kơ lu sư.’

Sa 1:16

Thoi noh Kră Yang khan thoi âu: ‘Inh iŏk jơhngơ̆m 'mêm mơnat dơ̆ng kơ Jêrusalem; Inh gô man pơdơ̆ng hnam Inh dơ̆ng tơ lăm sư, tơlei đak mơ̆k pơtŏ gô dăng tơ pơlei Jêrusalem.’ Kră Yang khan thoi noh.

Sa 10:6

Inh gô ăn kơ hnam Juđa jing pran păng dŏng pơklaih hnam Jôsep. Inh chông tơwih lu sư brŏk, yua kơ 'mêm mơnat kơ lu sư, lăng lu sư thoi Inh ưh tam layơ achăng lê̆ lu sư, yua kơ Inh Kră Yang lu sư, Inh gô tơl tơwih nơ̆r lu sư krao apinh.

II Tes 2:16

Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.

I Tim 1:16

Mă-lei 'Bok Kei-Dei oei mơnat kơ inh na pơklaih inh yua kơ Kră Yang Yêsu Krist wă tơbăt kơ kon bơngai Sư mơnat tơpă kơ inh mă pơm yoch lơ hloh kơ đĭ-đăng bơngai nai. Na lu bơngai nai gô 'bôh tơdrong Sư mơnat kơ inh, sư băt 'Bok Kei-Dei mơnat tơpă kơ đĭ-đăng bơngai, na lu sư gô lui kơ Kră Yang Yêsu Krist hăm arih ling-lang.