Êsai 54:3 - Sơ̆p Hlabơar Nơ̆r 'Bok Kei-Dei

³ Yua kơ iĕm gô rai lơ năm tơ gah 'ma păng gah 'ngiĕo; adrĕch adrung iĕm gô đei iŏk lu teh đak, păng gô oei tơ lu pơlei mă đĭ lê̆ bri juơ boih.

Êsai 54:3 ပူးပေါင်းရင်းမြစ်များ

Bl 26:22

Đơ̆ng noh lu sư lê̆ sơlŭng noh na sir sơlŭng plơ̆ng, gah sơlŭng âu, lu sư ưh pă pơjah băl boih, na sư krao anăn Rêhôbôtc păng khan thoi âu: Dang ei Kră Yang lê̆ ăn kơ lu nhôn să rơhơi păng lu bơ̆n gô đei 'bôh păng mơdrŏng lăm char 'nâu.

Bl 28:14

Adrĕch adrung ih gô lơ kơdrâ̆m thoi chuơh tơ lăm teh âu, lanh truh tơ bơmơ̆t hơlĕch, gơal yă-nơ̆m păng lu khŭl kon bơngai a gô đei pŭn hiôk đơ̆ng ih păng đơ̆ng lu adrĕch adrung ih.

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Êsai 14:2

Lu kon pơlei teh đak tơmoi gô năm ba lu đe Isơrael brŏk tơ dêh lu sư kơdih; adrĕch Isơrael gô iŏk lu sư, pơm đam drŏ-nglo drŏ-kăn lăm teh đak Kră Yang. Lu sư gô rôp lu bơngai đêl rôp lu sư pơm bơnă, păng pơgơ̆r lu bơngai mă đêl pơgŏ pơđep lu sư.

Êsai 26:15

Ơ Kră Yang Ih đei ăn kon bơngai dêh char âu rai lơ, Ih thim ăn kon bơngai dêh char âu rai lơ, Ih bơih đei tơdrong ư-ang, ih pơih ăn kơ hơdral teh đak nhôn rai să.

Êsai 45:14

Kră Yang khan thoi âu: “Lu iĕm gô iŏk đĭ Tơmam teh đak Êyiptơ, mŭk tơmam teh đak Kus păng bơngai Sabê, lu bơngai tih kơjung, lu sư gô năm tơ iĕm păng kiơ̆ gah lu iĕm. Lu sư gô yak kiơ̆ rŏng lu iĕm, lu sư gô năm tơ iĕm hăm glang oei chô̆ lu sư truh bon kơkuh 'bơ̆t anăp lu iĕm, lu sư adrĭ apinh khan: ‘Tơpă Kră Yang 'Bok Kei-Dei oei hơdai lu iĕm, ưh kơ đei yang nai ôh, ưh kơ đei Yang nai dơ̆ng.’ ”

Êsai 48:19

Kon sâu iĕm thoi pơlao chuơh adrĕch adrung iĕm thoi găr chuơh, anăn lu sư ưh kơ đei sut ưh kơ lôch hiong đơ̆ng anăp Inh.

Êsai 49:12

Lăng to lu sư gô truh đơ̆ng ataih; mơ'nah gô truh đơ̆ng gah yă-nơ̆m, lu mơ'nah gô truh đơ̆ng gah bơmơ̆t păng lu bơngai nai dơ̆ng đơ̆ng dêh char Sinim.a

Êsai 49:8

Kră Yang khan thoi âu: “Lăm năr trŏ lăp Inh gô tơl tơwih nơ̆r ih krao khan: Lăm năr dŏng pơklaih Inh gô tơgŭm ih. Inh gô wei-lăng ih, pơjao kơ ih pơm tơdrong pơgơ̆p 'nao hăm kon pơlei wă tơiung dơ̆ng dêh char, păng klah asong tơmam lăm bri kơdrơ̆ng.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 53:10

Mă-lei Kră Yang lăp đon ăn kơ sư đe teh pơjuă păng pơjĭ. Đang kơ sư pơyơ̆r akâu jăn sư pơm tơmam soi huai iŏk đơ̆ng yoch. Sư gô 'bôh adrĕch adrung sư; lu năr sư gô rai sot kơjung, păng jơhngơ̆m đon Kră Yang wă na gơh jing đơ̆ng Sư.

Êsai 55:5

Na iĕm gô krao pơtơm teh đak mă iĕm ưh tam mă băt. Teh đak ưh tam mă băt kơ iĕm gô kơdâu năm tơ iĕm. Yua kơ đơ̆ng Kră Yang 'Bok Kei-Dei iĕm păng Tơ'ngla 'Lơ̆ng Rơgoh Isơrael, jơ̆ Tơ'ngla pôk ư-ang kơ iĕm.”

Da 7:27

Đơ̆ng noh tơdrong gơh kĕ pơgơ̆r dêh char pơtao, kơkuh pơyom jao ăn teh đak oei ala plĕnh, gô jao ăn kơ 'Bok 'lơ̆ng rơgoh Tih hloh. Dêh char pơtao Sư jing dêh char pơtao ling-lang, lu bơngai pơgơ̆r, bơ̆jang kơ Sư păng chu yom kiơ̆ nơ̆r Sư,

Rom 10:18

Inh wă jet iĕm, bơngai Isơrael tam kơtơ̆ng tơdrong 'Bok Kei-Dei? Lu sư kơtơ̆ng boih, lăm hla bơar 'Bok Kei-Dei kư̆m roi thoi noh: “Đe năm bơtho tơdrong Kră Yang jơ̆p-jang kơ teh đak, đơ̆ng hơlĕch truh tơ bơmơ̆t, đơ̆ng yă-nơ̆m truh tơ gơal.”

Rom 11:12

Yua kơ lu bơngai Isơrael yoch na lu bơngai nai jơ̆p kơ teh đak jing hiôk jơnap. Lu bơngai Isơrael ning-mônh gô lui kơ 'Bok Kei-Dei đĭ. Đĭ-đăng kơ bơ̆n jing hiôk jơnap hloh kơ chăl arih lu bơ̆n sơ̆.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.