Êsai 54:16 - Sơ̆p Hlabơar Nơ̆r 'Bok Kei-Dei

¹⁶ 'Nâu, Inh bơih pơjing bơngai hơjơ̆m dơhlu ŭnh soh ngar păng hơjơ̆m tơmam tơblah wă yua; păng kư̆m đơ̆ng Inh bơih pơjing lu bơngai chă pơrăm. Wă chă pơm tơdrong pơrăm.

Êsai 54:16 ပူးပေါင်းရင်းမြစ်များ

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Tơdrông Pơđơk 16:4

Kră Yang pơjing boih dôm tơmam kiơ̆ kơ Sư wă yua. Mă lu bơngai kơnê̆ Kră Yang 'măn lê̆ boih kơ năr wă pơmat.

Êsai 10:15

Hăm trŏ kơ sung tưk sư kơdih hloh kơ tơ'ngla chĕp sư? Dah hơnuă pơrŏ ot plơ̆ kơ bơngai chĕp sư? Dah thoi sơnguĕt hiŏng bơngai chĕp sư? Dah thoi 'long jra tưk ti bơngai chĕp Sư.

Êsai 37:26

Ih ưh tam kơtơ̆ng ôh hă, Inh wă pơm tơdrong noh đơ̆ng sơ̆ đunh bơih? Inh đei pơkă bơih đơ̆ng chăl sơ̆ dang ei Inh ăn tơdrong noh truh jing, noh wă kơ ih pơrăm lu pơlei tih kơjăp pơm kơ lu pơlei tih jing anih pơchah hĕch hoch đĭ.

Êsai 46:11

Inh gô krao sem klang đơ̆ng gah hơlĕch; păng krao bơngai đơ̆ng dêh ataih pơm tơdrong inh wă. Tơdrong Inh pơma bơih, Inh gô pơm keh, dôm tơdrong Inh pơkă bơih, Inh gô pơm.

Êsai 54:15

Tơdah đe chă đon wă pơrăm ih, noh ưh kơ trŏ đơ̆ng Inh. Bơngai bu chă đon wă pơrăm ih sư gô pơ̆k huŏng yua kơ đơ̆ng ih.

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Sa 1:20

Đơ̆ng noh, Kră Yang tơ'bôh ăn kơ inh lăng puăn 'nu bơngai thơ̆ hơjơ̆m.

Sa 2:1

Inh ngơk lăng dơ̆ng; 'bôh đei minh 'nu bơngai tơ ti sư chĕp tơlei pơtŏ.

Sa 2:4

Păng khan kơ sư thoi âu: “Kơdâu năm roi kơ bơngai tơdăm noh bĕ: ‘Jêrusalem gô đei kon pơlei oei păng kư̆m nhen pơlei ưh kơ đei dur war, yua kơ đei lơ kon pơlei păng lu sem dơrong oei tơ lăm noh.’

Yo 19:11

Yêsu khan: “Dah 'Bok Kei-Dei ưh kơ ăn ih pơm thoi noh, ih ưh kơ gơh pơm kơ Inh ôh. Yua kơ 'noh bơngai mă pơjao lê̆ Inh kơ ih, sư yoch hloh kơ ih.”

I Sam 13:19

Kơplah noh lăm đĭ dêh char Isơrael ưh kơ đei bơngai hơjơ̆m, yua kơ đe Philistin khan bơih: Athei 'nĕ ăn kơ bơngai Hêbrơ hơjơ̆m đao păng hơlă.