Êsai 53:10 - Sơ̆p Hlabơar Nơ̆r 'Bok Kei-Dei

¹⁰ Mă-lei Kră Yang lăp đon ăn kơ sư đe teh pơjuă păng pơjĭ. Đang kơ sư pơyơ̆r akâu jăn sư pơm tơmam soi huai iŏk đơ̆ng yoch. Sư gô 'bôh adrĕch adrung sư; lu năr sư gô rai sot kơjung, păng jơhngơ̆m đon Kră Yang wă na gơh jing đơ̆ng Sư.

Êsai 53:10 ပူးပေါင်းရင်းမြစ်များ

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Horiso 147:11

Mă-lei Kră Yang lăp đon kơ bu mă hli yom kơ Sư, păng lu bơngai mă chang hơmĕng kơ tơdrong Sư 'mêm.

Horiso 149:4

Yua kơ Kră Yang hiôk lăp đon kơ kon pơlei pơla Sư; Sư iŏk tơdrong dŏng pơklaih pơhrôp ăn kơ lu bơngai iŏk đon ala.

Horiso 21:4

Sư apinh Ih tơdrong arih, Ih ăn hloi kơ sư Ih ăn kơ sư năr đunh sot ling-lang hlŏng hloi.

Horiso 22:30

Minh adrĕch adrung gô bơ̆jang kơ Sư; Đe gô roi tơdrong Kră Yang kơ adrĕch adrung đơ̆ng rŏng.

Horiso 22:31

Adrĕch adrung noh gô ră roi gah tơdrong tơpăt Kră Yang, Roi tơbăt kơ adrĕch adrung đơ̆ng rŏng khan. Kră Yang boih pơm tơdrong noh.

Horiso 69:26

Yua kơ lu sư pơmat lu bơngai mă Kră Yang teh boih, Păng lu sư chă roi tơdrong pơmat-tat lu bơngai mă Ih ăn đei rơka.

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

Horiso 72:7

Lăm kơplah pơtao oei pơgơ̆r ăn kơ bơngai tơpăt hiôk jơnap. Ăn tơdrong rơnŭk rơnua dĭng măt khei pă đei.

Horiso 89:29

Inh gô ăn kơ adrĕch adrung sư kơjăp ling-lang. Păng tang-dŏ pơtao sư oei sot jơnoi thoi năr tơ plĕnh.

Horiso 89:36

Adrĕch adrung sư oei oei ling-lang, Tang-dŏ pơtao sư gô sot thoi măt 'năr 'bơ̆t anăp Inh.

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Êsai 46:10

Inh roi bơih tơdrong năr tuch-luch đơ̆ng blŭng-a sơ̆. Inh roi tơbăt bơih đơ̆ng chăl adrol sơ̆ dôm tơdrong mă ưh tam đei truh. Inh pơma khan: Tơdrong Inh, kơnhăm wă gô dơ̆ng kơjăp, Inh gô pơm dôm tơdrong mă Inh lăp đon.

Êsai 49:4

Mă-lei inh khan: “Inh jang gleh lap hŭt đĕch. Inh huach jơhngơ̆m ưh kơ yua păng tơdrong kơ đei. Mă-lei tơpă tơdrong tơpăt inh tơ lăm Kră Yang, tơdrong apah bơnê inh tơ lăm Kră Yang 'Bok Kei-Dei inh.”

Êsai 53:12

Lei na Inh gô jô̆ sư hơtŏ hăm bơngai yŏng tih. Păng Kră Yang gô jô̆ sư lei-lăi hăm lu bơngai nuih pran, yua kơ sư tuh jao tơdrong arih sư kơdih truh kơ lôch, đe jô̆ lăm khŭl bơngai kơnê̆; mă tơpă sư pŭ iŏk tơdrong yoch kơ lơ bơngai păng krao khan ăn kơ lu bơngai yoch.

Êsai 54:3

Yua kơ iĕm gô rai lơ năm tơ gah 'ma păng gah 'ngiĕo; adrĕch adrung iĕm gô đei iŏk lu teh đak, păng gô oei tơ lu pơlei mă đĭ lê̆ bri juơ boih.

Êsai 61:9

Adrĕch adrung lu sư đe gô ư-hơ-nhang ang-hơ-nhăk lăm rim kơ teh đak. Anăn kon sâu lu sư đe gô ang lăm lu kon pơlei, bơngai bu 'bôh gô băt kơ lu sư jơ̆ minh adrĕch adrung đơ̆ng Kră Yang tuh ăn tơdrong pŭn hiôk.

Êsai 66:22

Kră Yang khan: “Nhen thoi plĕnh 'nao teh 'nao mă inh pơjing gô oei kơjăp ling-lang 'bơ̆t anăp Inh thoi noh mơ̆n lu kon sâu iĕm păng anăn lu iĕm kư̆m oei kơjăp.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Je 32:41

Na jơhngơ̆m Inh hiôk ăn kơ lu sư pŭn hiôk, hăm đĭ tơdrong tơpăt lăm jơhngơ̆m Inh wă pơtăm lu sư lăm teh đak âu.”

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Êsêkiên 37:25

Lu sư gô oei arih sa lăm char mă Inh ăn kơ Jakôp đĭch đam Inh char mă 'bok yă lu sư oei sơ̆. Lu sư, kon sâu lu sư, gô oei tơ noh ling-lang; đĭch đam Inh Đawit jing pơtao lu sư hlŏng hloi.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Jo 7:15

minh pôm kon rơmo dăm, minh pôm kon triu tơno, minh pôm triu tơno, truh minh sơnăm wă pơm tơmam soi 'buh;

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

Luka 1:33

Sư gô pơgơ̆r adrĕch adrung kon sâu Jakôp ling-lang ưh kơ đei layơ tôch.”

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Yo 12:24

Inh khan kơ iĕm tơpă, dah bơ̆n 'măn lê̆ adrĕch 'ba lăm kŭ ling-lang, sư ưh kơ chăt đei plei dơ̆ng ôh. Mă-lei dah bơ̆n rei sư tơ teh, bơ̆n lăng nhen lôch hiong, mă-lei găr lăm to sư gô chăt păng gô đei plei trem.

Yo 13:32

Kơlih kơ đe ư-ang kơ 'Bok Kei-Dei ăn Inh lôch tang kon bơngai, na 'Bok Kei-Dei wă ăn kơ đe ư-ang Inh Kon Bơngai. Sư wă ăn kơ đe ư-ang Inh dang ei boih.

Rom 6:9

Bơ̆n băt 'Bok Kei-Dei tơiung arih Yêsu đơ̆ng lôch, Yêsu ưh pă layơ wă lôch dơ̆ng, Sư rơngei đơ̆ng tơdrong lôch boih.

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

Rom 8:8

Bơngai bu gơnang kơ akâu sư kơdih, bơngai noh sư ưh kơ gơh pơm kiơ̆ thoi 'Bok Kei-Dei wă.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Êphêsô 1:5

Sư 'mêm kơ bơ̆n đơ̆ng blŭng-a sơ̆ boih, Sư khan lu bơ̆n gô jing kon Sư yua kơ Sư ăn Yêsu lôch tang bơ̆n tơ 'long pơglang.

Êphêsô 1:9

tôm tơdrong Sư tam mă tơbăt ăn kơ đe đơ̆ng sơ̆. Tơdrong noh Sư wă ăn Yêsu Krist pơgơ̆r tôm tơdrong tơ plĕnh hăm tơ ala teh âu mă gô trŏ kơ năr Sư pơkă ei sơ̆.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

II Tes 1:11

Kơlih kơ thoi noh nhôn krao khan kơ Kră Yang 'Bok Kei-Dei apinh Sư ăn kơ iĕm lui kơjăp khŏm khŏm trŏ thoi Sư wă. Sư boih krao iŏk lu iĕm wă kơ iĕm jing kon Sư. Nhôn apinh Sư ăn kơ iĕm jơhngơ̆m pran wă kơ iĕm gơh răk đon 'lơ̆ng tơpăt, kư̆m thoi iĕm tơchĕng wă mơ̆n. Nhôn apinh Sư ăn kơ iĕm lui kơjăp wă kơ iĕm jang tơdrong Sư pran kơtang.

Hêbrơ 2:13

Sư khan dơ̆ng thoi âu: “Inh gơnang kơ Ih tơpă.” Sư kư̆m khan dơ̆ng thoi âu: “Inh oei hơdai hăm lu kon Inh mă đơ̆ng Ih pơjao.”

Hêbrơ 7:27

Lu 'bok soi nai, rim năr lu sư soi kơ 'Bok Kei-Dei. Lu sư soi pơ'lơ̆ng gah tơdrong yoch lu sư kơdih 'mơ̆i, na soi kơ lu kon pơlei pơla. Mă-lei gah Yêsu ưh ôh, Sư soi akâu Sư kơ 'Bok Kei-Dei minh 'măng tơ 'long pơglang tôm boih.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.