Êsai 52:9 - Sơ̆p Hlabơar Nơ̆r 'Bok Kei-Dei

⁹ Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 52:9 ပူးပေါင်းရင်းမြစ်များ

Horiso 102:22

Kơplah lu kon pơlei, lu dêh char pơtao akŭm băl wă kơkuh kơ Kră Yang.

Horiso 98:4

Ơ đĭ-đăng teh đak, ôr chơt 'nă hal bĕ kơ Kră Yang. Hơri chơt hiôk bĕ păng hơri tơ'nguơ̆ bơnê kơkuh bĕ kơ sư,

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 14:7

Jơ̆p-jang kơ teh đak oei pơdơh hiôk-hian, lu sư hơri chơt hiôk.

Êsai 40:1

Kră Yang 'Bok Kei-Dei lu iĕm khan: Pơlung bĕ, pơlung bĕ kon pơlei Inh.

Êsai 43:1

Dang ei Kră Yang khan thoi âu: Ơ Jakôp Sư Tơ'ngla pơjing iĕm, ơ Isơrael! Sư bơih Tơ'ngla pơjing iĕm, 'nĕ kơ hli yua kơ Inh huai iŏk iĕm bơih. Inh bơih krao iĕm hăm anăn iĕm păng iĕm gah Inh.

Êsai 44:22

Inh sŭt lê̆ bơih tơdrong lu iĕm pơm yoch nhen thoi sŭt lê̆ hơmơ̆l, tơdrong yoch lu iĕm nhen thoi tŭk. Wơ̆t brŏk bĕ tơ Inh, yua kơ Inh huai iŏk lu iĕm bơih.”

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Êsai 44:26

Kră Yang pơsĭt nơ̆r lu đĭch đam sư pơma, păng pơsĭt trŏ hloi dôm nơ̆r lu bơngai pơtruh nơ̆r Sư; pơma gah pơlei Jêrusalem khan: “Gô đei bơngai oei lăm noh” păng pơma gah lu pơlei Juđa khan: “Gô pơjing ming,” Inh gô tơiung ming dơ̆ng lu anih đĭ juơ.

Êsai 48:20

Lĕch bĕ đơ̆ng Babilôn! Kơdâu weh bĕ đơ̆ng bơngai Kalđê! Athei jreo ôr hiôk chơt na khan roi tơbăt bĕ tơdrong 'nâu. Ră roi dĭng jơ̆p truh tôch kơ lăm teh đak! Athei khan: “Kră Yang dŏng pơklaih adrĕch Jakôp bơih, đĭch đam Sư.”

Êsai 49:13

Ơ plĕnh, hơri bĕ! Ơ teh, hiôk chơt bĕ! Ơ lu kông pơret nơ̆r hơri bĕ! Yua kơ Kră Yang đei pơlung bơih kon pơlei Sư păng mơnat kơ lu bơngai pơmat-tat.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Êsai 55:12

Bĕ lu iĕm gô lĕch năm hiôk chơt păng ba lăm tơdrong hiôk-hian. Kông kơjung păng groi kơđeh gô đei nơ̆r hơri 'bơ̆t anăp lu iĕm. Rim kơ 'long tơ bri brah gô tơtap ti.

Êsai 61:4

Lu sư gô pơdơ̆ng ming đêl lu anih pơchah răm sơ̆. Tơiung dơ̆ng lu anih đĭ juơ so sơ̆. Lu sư gô hơmet tơiung lu pơlei mă pơchah răm, lu anih mă đĭ jing bri juơ đunh jơhnơr bơih.

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Mi 4:10

Ơ lu drŏ-kăn Siôn, jĭ pơmat gleh hrat thoi drŏ-kăn tơpŭ wă kơ đei hơ'lơ̆p! Yua kơ lu iĕm đe gô tơlĕch weh đơ̆ng lăm pơlei păng lu iĕm gô oei tơ lăm chŭn păng gô năm oei tơ char Babilôn. Oei tơ noh lu iĕm gô đei tơdrong dŏng pơklaih đơ̆ng noh, tơ noh Kră Yang gô huai iŏk iĕm tơlĕch iĕm đơ̆ng ti lu bơngai ayăt kơ iĕm.

Galati 4:27

Lăm sơ̆p hla bơar 'Bok Kei-Dei khan kơ Pơlei Jêrusalem tơ kơpal plĕnh ti thoi âu: “Ơ bơngai hơwŏng, mă kơ biơh jĭ anăp, mă-lei ih gô chơt tơpă. Klo ih achăng lê̆ ih boih, mă-lei ning-mônh ih gô đei kon lơ hloh kơ bơngai mă đei klo dang ei.”