Êsai 52:14 - Sơ̆p Hlabơar Nơ̆r 'Bok Kei-Dei

¹⁴ Đei lơ bơngai lăng tơ akâu jăn Sư hlĭch krưp ưh pă hơbŏ kơ kon bơngai, lăng akâu sư ưh pă nhen kơ kon drŏ-nglo kon bơngai.

Êsai 52:14 ပူးပေါင်းရင်းမြစ်များ

Horiso 22:15

Jơhngơ̆m pran inh kro thoi lơ̆n 'buh păng hơpiĕt inh klep tơ păk-'ngơk. Kră Yang dan inh tơ lăm 'mui teh thoi lôch.

Horiso 22:17

Inh gơh jô̆ đĭ-đăng kơting inh, Lu sư lăng pơglăn tơ inh păng hiĕk ăr kơ inh.

Horiso 71:7

Inh nhen tơmam pơm hlĭch kơ lơ bơngai, mă-lei Ih jơ̆ anih inh kơ'nơp kơjăp.

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Mathiơ 26:67

Lu đe ei chă kơsoh pơ'brơh đak hai tơ muh măt Sư, tŭr Sư, mơ'nah tap Sư,

Mathiơ 27:14

Mă-lei Yêsu 'nhŏ kơ tơl, na 'bok tih Pilat sơleng kơ đon.

Mathiơ 7:28

Hlôi Yêsu bơtho đang boih, na lu bơngai tơpôl ei mah chrêu kơ đon tơdrong Sư bơtho noh,

Markôs 10:26

Lu sư mơ̆ng rai sơleng kơ đon na jet Yêsu: “Lei bu gơh mơ̆t tơ dêh char 'Bok Kei-Dei lĕ?”

Markôs 10:32

Lu sư oei yak rok trong năm tơ Pơlei Jêrusalem. Yêsu yak hơdrol kơ đe. Lu bơngai pơhrăm păng Sư mah prưn kơ jơhngơ̆m păng lu bơngai nai kư̆m hli mơ̆n. Yêsu anhăk lu mơjĭt-'bar 'nu bơngai pơhrăm păng Sư weh ataih 'biơ̆ kơ đe thoi ki dơ̆ng. Na Sư roi tôm tơdrong pơmat Sư gô tơ'bơ̆p.

Markôs 5:42

Na adruh ei iung yak hloi. Adruh ei mơjĭt-'bar sơnăm. Lăp lu sư 'bôh thoi noh, lu sư sơleng kơ đon.

Markôs 6:51

Klaih kơ noh Yêsu tŏk thŏng-nan hơdai păng lu sư, na kial thĕng hloi jua ưh pă đei tơhlu dơ̆ng. Lu sư sơleng kơ đon.

Markôs 7:37

Lu sư kư̆m băt chrêu kơ đon păng khan: “Yêsu gơh pơm tôm tơdrong 'lơ̆ng tơpă iih? Sư pơm kơ bơngai klĭk klot gơh kơtơ̆ng, bơngai kơmlo mah gơh pơma.”

Luka 2:47

Na đĭ-đăng lu bơngai oei 'bơ̆t ei mơ̆ng Yêsu sơleng kơ đon yua kơ Yêsu tơl lu sư hơgei tơpă.

Luka 22:64

Lu sư đơ̆p muh măt Yêsu păng che na tŭr akâu Sư păng khan: “Ih mơsêh, Ih mơyang na dang ei roi lăng kơ nhôn bu tŭr Ih.”

Luka 4:36

Thoi noh na đĭ-đăng lu bơngai 'bôh Sư pơm thoi noh, lu sư sơleng kơ đon na sư tơjet dih băl khan: “Thoi yơ bơngai âu pơma thoi noh đĕch ră mă-lei yang kơnê̆ mah lĕch hloi?”

Luka 5:26

Đĭ-đăng lu bơngai oei kiơ̆ ei sơleng kơ đon tơpă na pơma ư-ang kơ 'Bok Kei-Dei. Lu sư kư̆m hli dêh na khan: “Bơ̆n 'bôh tơdrong hlĭch tơpă năr âu iih?”