Êsai 52:10 - Sơ̆p Hlabơar Nơ̆r 'Bok Kei-Dei

¹⁰ Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Êsai 52:10 ပူးပေါင်းရင်းမြစ်များ

Jop 40:9

Ih hăm đei kơkŏng ti pran kơtang thoi Kră Yang 'Bok Kei-Dei ưh? Ih hăm gơh tơlĕch nơ̆r grơ̆m re thoi Inh ưh?

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

Horiso 67:2

Wă kơ trong Ih đe gơh băt tơ kơpal teh. Păng tơdrong dŏng pơklaih Ih gơh băt tơ jơ̆p lăm lu dêh char.

Êsai 11:9

Lu sư ưh kơ gơh pơm kơnê̆ păng pơrăm băl ôh, jơ̆p kơ anih lăm kông 'lơ̆ng rơgoh Inh, yua kơ jơ̆p-jang kơ teh đak 'bĕnh blai tơdrong hlôh băt kơ Kră Yang bơih, thoi đak ro 'bĕnh dơsĭ.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 30:30

Kră Yang gô pơm ăn kơ đe kơtơ̆ng jơwa nơ̆r rŏ krưp Sư, Sư gô tơ'bôh kơ đe kơkŏng ti Sư tơjur, lăm tơdrong Sư hil mĭl, thoi kơ ŭnh dơhlông sa, thoi kial hơbŭt, thoi 'mi prĕl.

Êsai 33:13

Ơ lu bơngai oei tơ ataih mơ̆ng bĕ, tơdrong Inh pơm bơih; păng lu iĕm bơngai mă ei jê̆, hlôh băt bĕ kơ tơdrong mơsêh Inh.

Êsai 40:5

Kơplah noh tơdrong ư-ang Kră Yang gô pơdah păng đĭ-đăng kon bơngai gô lăng 'bôh; yua kơ 'bơ̆r Kră Yang pơma bơih thoi noh.

Êsai 45:22

Ơ đĭ-đăng lu bơngai oei jơ̆p anih tôch kơ teh. Wih brŏk bĕ tơ Inh na lu iĕm gơh klaih! Yua kơ Inh bơih Kră Yang 'Bok Kei-Dei, ưh kơ đei yang nai ôh.

Êsai 48:20

Lĕch bĕ đơ̆ng Babilôn! Kơdâu weh bĕ đơ̆ng bơngai Kalđê! Athei jreo ôr hiôk chơt na khan roi tơbăt bĕ tơdrong 'nâu. Ră roi dĭng jơ̆p truh tôch kơ lăm teh đak! Athei khan: “Kră Yang dŏng pơklaih adrĕch Jakôp bơih, đĭch đam Sư.”

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Êsai 53:1

Bơngai bu lui tơdrong lu nhôn roi tơbăt bơih, păng ti Kră Yang đei pơdah ăn kơ bu bơih?

Êsai 59:16

Sư 'bôh ưh pă đei bu tơgŭm păng Sư lăng hlĭch ưh pă đei bu krao, chă tơgŭm băl Na Kră Yang yua hloi ti Sư kơdih dŏng pơklaih; păng iŏk tơdrong 'lơ̆ng tơpăt Sư kơdih na tơiung tơgŭm.

Êsai 62:1

Yua kơ Siôn na inh ưh kơ đei ngăn hreh ôh, yua kơ Jêrusalem na Inh ưh kơ đei pơdơh hiôk ôh. Dĭng truh tơ layơ tơdrong 'lơ̆ng tơpăt sư pơchrang thoi hơdah 'mơ̆i păng tơdrong dŏng pơklaih sư khơ̆ng thoi lĕ pla ŭnh hơchô̆ hơpaih.

Êsai 63:5

Inh chă lăng mă-lei ưh kơ đei bu tơgŭm. Inh lăng hlĭch yua kơ ưh kơ đei bu dŏng. Na Inh yua kơkŏng ti Inh wă dŏng jei gah Inh. Păng tơdrong Inh hil mĭl dŏng tơgŭm Inh.

Mi 5:4

Noh Sư boih gô pơm kơ bơ̆n rơnŭk rơnua. Tơdah lu bơngai Asiri wă truh tơ lăm teh đak lu bơ̆n păng pơjuă hnam yang bơ̆n, na lu bơ̆n gô iung tơpơh 'nu bơngai wei-lăng păng tơhngam 'nu kuan pơgơ̆r lu kon pơlei na iung blah plơ̆ lu sư.

Luka 2:30

na dang ei inh 'bôh boih bơngai mă Ih wơh wă dŏng pơklaih đĭ-đăng kơ khŭl kon bơngai nhôn.

Luka 3:6

Na đĭ-đăng kon bơngai gô 'bôh tơdrong 'Bok Kei-Dei wă pơklaih bơ̆n đơ̆ng tơdrong yoch tơpă.’ ”

Jang 13:47

Yua kơ Kră Yang pơkă kơ nhôn sơ̆ thoi âu: ‘Inh rơih ih pơm ŭnh pơchrang hơdah kơ đĭ-đăng khŭl bơngai, wă kơ đĭ-đăng khŭl bơngai jơ̆p kơ teh đak gơh klaih đơ̆ng tơdrong yoch.’ ”

Jôsuê 4:24

Kră Yang pơm thoi noh wă kơ đĭ-đăng adrĕch adrung lăm ala teh, băt kơ Kră Yang mơsêh pran kơtang, wă kơ rim 'nu lu iĕm chu kiơ̆ Kră Yang 'Bok Kei-Dei lu iĕm ling-lang.

Tơdrông Tơ'bôh 14:6

Klaih kơ noh inh 'bôh linh jang 'lơ̆ng nai dơ̆ng, sư păr asơ̆ng tŏk-bŏk rơwơ̆ng, ră roi kơ đe tơdrong 'nao 'lơ̆ng wă kơ đe gơh arih ling-lang. Sư ră roi tơdrong noh kơ đĭ-đăng bơngai rim kơ dêh char, rim kơ teh đak, rim kơ adrĕch adrung, rim kơ nơ̆r pơma kon bơngai.

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”