Êsai 51:8 - Sơ̆p Hlabơar Nơ̆r 'Bok Kei-Dei

⁸ Yua kơ mua gô reh kăp sa lu sư nhen reh ao, păng mua gô sa sư thoi sa brai sŏk triu. Mă-lei tơdrong 'lơ̆ng tơpăt Inh gô oei oei ling-lang, tơdrong dŏng pơklaih inh oei truh ning-mônh.

Êsai 51:8 ပူးပေါင်းရင်းမြစ်များ

Jop 13:28

Na lăm inh thoi akâu bơngai ôm răm, thoi ao mua reh hiah hiot bơih.

Jop 4:19

Pơma kiơ kơ kon bơngai đơ̆ng teh lơ̆n. Pơjing đơ̆ng 'mui teh, trŏ kơ pơjuă bơhlơ̆r thoi mua kơmot.

Êsai 14:11

Tơdrong pơrŏ ih păng re brŏ ih reh gô jur tơ dêh atâu, hrai gô pơm hơdŭ ih lơ̆k 'bĭch, gô pơm khăn ih su!

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Êsai 50:9

Kră Yang Tih Hloh năm tơgŭm inh. Bơngai bu jâu inh khan yoch? Lăng to đĭ-đăng lu sư gô so thoi ao, mă mua reh hiah.

Êsai 51:6

Ngơk lăng bĕ tơ kơpal plĕnh păng kŭp lăng bĕ tơ ala teh; lu plĕnh đông hiong thoi 'nhui ŭnh, teh gô so hiah nhen thoi ao, lu kon pơlei oei arih kơpal teh gô lôch thoi roi, mă-lei tơdrong dŏng pơklaih Inh oei ling-lang. Tơdrong 'lơ̆ng tơpăt Inh ưh kơ đei layơ hiong tôch ôh.

Êsai 54:9

Inh lăng tơdrong noh thoi đak lơ̆p jơhnơr Nôê sơ̆. Thoi Inh pơkă khan đak ưh kơ đei layơ wă lơ̆p pơđĭ kơpal teh đơ̆ng; na Inh kư̆m pơkă khan Inh ưh pă hil kơ iĕm dơ̆ng bơih păng kư̆m ưh kơ wă chrih phak iĕm dơ̆ng.

Êsai 66:24

Wă lu sư lĕch năm 'bôh akâu lu bơngai mă ayăt hăm Inh lôch; yua kơ hrai sa lu sư ưh kơ đei layơ lôch, ŭnh sa lu sư kư̆m ưh kơ đei layơ păt, lu sư gô jing tơdrong krưp kơnê̆ pơm ăn kơ rim kon bơngai.”

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Hôsia 5:12

Yua kơ thoi noh na Inh jing thoi kơmot kuer sa Êphraim, kư̆m thoi yŏng bŭk sa adrĕch Juđa.

Luka 1:50

Sư mơnat kơ đĭ-đăng bơngai mă lui yom kơ Sư, mă đơ̆ng sơ̆ khơ̆ ning-mônh.