Êsai 51:4 - Sơ̆p Hlabơar Nơ̆r 'Bok Kei-Dei

⁴ Ơ kon pơlei Inh, mơ̆ng bĕ Inh ơ teh đak Inh; pơgling đon iĕm mơ̆ng bĕ Inh. Gô đei tơdrong juăt lĕch đơ̆ng Inh, păng tơdrong tơpăt hơnơ̆ng Inh jing hơdah pơchrang ăn kơ đĭ-đăng kon pơlei.

Êsai 51:4 ပူးပေါင်းရင်းမြစ်များ

Horiso 106:5

Wă kơ inh 'bôh tơdrong pŭn hiôk lu bơngai mă Ih đei rơih. Wă kơ wang chơt hiôk thoi lăm teh đak Ih, Păng hơri bơnê hơdai hăm kon pơlei Ih.

Horiso 147:20

Sư ưh kơ đei pơm thoi noh ôh kơ adrĕch adrung nai; Lu sư ưh kơ băt hlôh ôh nơ̆r tơtă đơ̆ng Kră Yang. Halêluya!

Horiso 33:12

Pŭn dêh char ayơ đei Kră Yang pơm 'Bok Kei-Dei sư. Adrĕch adrung ayơ mă Sư rơih pơm thoi tơmam Sư!

Horiso 50:7

“Ơ kon pơlei inh, mơ̆ng bĕ, inh gô pơma. Ơ Isơrael, mơ̆ng bĕ, Inh gô pơm kơdranh plơ̆ hăm iĕm. Inh boih Kră Yang 'Bok Kei-Dei, Kră Yang Kră Yang 'Bok Kei-Dei iĕm.

Horiso 78:1

Ơ kon pơlei pơla Inh, pơgling đon mơ̆ng bĕ nơ̆r Inh bơtho. Pơgrê đon mơ̆ng bĕ đơ̆ng 'bơ̆r inh pơma.

Le 19:6

Gah lu iĕm jing teh đak 'bok soi păng adrĕch adrung kon pơlei 'lơ̆ng rơgoh Inh, noh boih nơ̆r ih gô pơma hăm kon pơlei Isơrael.

Le 33:13

Thoi noh dang ei inh krao apinh Ih, tơdah inh đei bơih pŭn hiôk 'bơ̆t anăp Ih, lei inh apinh Ih tơ'bôh ăn kơ inh bĕ trong Ih, wă kơ inh băt kơnăl kơ Ih păng inh đei tơdrong mơnat 'bơ̆t anăp Ih, apinh Ih kư̆m 'blŏk kơ lu adrĕch adrung âu kon pơlei pơla Ih mơ̆n!

Tơdrông Pơđơk 6:23

Yua kơ nơ̆r tơtă thoi ŭnh kơđeng; Tơdrong bơtho tơ'bôh thoi hơdah, Păng tơdrong chrih wă bơtho pơhrăm noh trong tơdrong arih.

Êsai 1:27

Kră Yang gô sek tơlang nhôn hăm tơdrong tơpăt, na huai iŏk lu bơngai lăm pơlei tơbral hăm tơdrong 'lơ̆ng tơpăt Sư.

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Êsai 26:2

Pơih bĕ lu 'măng jang. Ăn kơ dêh char tơpăt đei đon lui tơpă mơ̆t tơ noh,

Êsai 26:8

Ơ Kră Yang, mă Ih sek tơlang kơ nhôn lu nhôn oei chang gô lăm trong Ih sek tơlang tơpăt, bơhngol lu nhôn hơpơi kơ anăn Ih păng 'blŏk hơdơ̆r.

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Êsai 42:21

Kơ tơdrong 'lơ̆ng tơpăt Sư kơdih Kră Yang lăp đon, Sư gô pơm kơ khôi juăt Sư hơdah păng ư-ang.

Êsai 42:6

Inh Kră Yang krao ih wă tơ'bôh tơdrong 'lơ̆ng tơpăt Inh, Inh gô rôp kơjăp ti ih păng wei-lăng ih, Inh gô jao ăn kơ ih pơm tơdrong pơgơ̆p Inh hăm kon pơlei ih tơm tơdrong hơdah ăn kơ lu teh đak.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Êsai 63:8

Kră Yang đei khan: “Tơpă lu sư jơ̆ kon pơlei Inh lu kon mă ưh kơ đei pơma hơlĕnh ôh.” Păng Kră Yang boih Tơ'ngla dŏng pơklaih lu sư.

Mi 4:2

păng gô đei đơ̆ng lơ teh đak năm tơ noh păng khan: Năm bĕ lu bơ̆n năm truh tơ kông Kră Yang, anih hnam 'Bok Kei-Dei Jakôp! Sư gô bơtho tơ'bôh kơ lu bơ̆n trong Sư păng lu bơ̆n gô yak kiơ̆ trong Sư, yua kơ khôi juăt gô lĕch đơ̆ng Siôn, nơ̆r Kră Yang gô lĕch đơ̆ng Jêrusalem.

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

I Kor 9:21

Inh kư̆m đei năm chă bơtho lu bơngai mă ưh kơ kiơ̆ tơdrong juăt Môis, inh kư̆m pơm thoi lu sư mơ̆n wă kơ gơh pơlung lu sư lui kiơ̆ Yêsu Krist, mă-lei inh kư̆m ưh kơ hŭt lê̆ dôm tơdrong 'Bok Kei-Dei pơkă ôh, inh oei kiơ̆ khŏm khŏm đĕch yua kơ tơdrong noh đơ̆ng Yêsu Krist pơkă ăn kơ bơ̆n boih.

Both 18:18

Inh gô rơih pôk ăn minh 'nu bơngai khan lê̆ adrol thoi ih đơ̆ng, lăm 'nhŏng oh lu sư. Inh gô ăn nơ̆r Inh pơma lăm 'bơ̆r sư, na sư gô pơma ăn kơ lu sư dôm tơdrong Inh tơtă kơ lu sư.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.