Êsai 51:19 - Sơ̆p Hlabơar Nơ̆r 'Bok Kei-Dei

¹⁹ 'Bar tơdrong gleh 'nâu truh bơih kơ ih. Bu gô nhơ̆m hmoi kơ ih tơdrong pơrăm, pơngot rơwĕt păng đao gưm truh kơ ih, Bơngai bu gô pơlung ih.

Êsai 51:19 ပူးပေါင်းရင်းမြစ်များ

Jop 2:11

Pêng 'nu buăl Jop kơtơ̆ng sư đei dôm tơdrong pơmat-tat noh lu sư pơđâu băl rim 'nu đơ̆ng tơring sư kơdih wă năm ngôi wang sơ'ngon păng wă pơlung Jop. Pêng 'nu noh anăn sư Êliphas đơ̆ng pơlei Têman, Bildat đơ̆ng char Sua păng Sôphar đơ̆ng tơring pơlei Naama.

Jop 42:11

Đĭ-đăng lu 'nhŏng, mŏ oh sư păng lu bơngai juăt băt kơ Jop đơ̆ng adrol sơ̆, năm ngôi hơpong păng sŏng sa hăm sư tơ lăm hnam sư. Lu sư ngôi hơpong păng pơlung sư gah lu tơdrong truh pơmat mă Kră Yang pơm kơ sư. Rim 'nu kơ lu sư ăn kơ Jop minh kơtuăl jên hub păng minh pôm tơkhiĕn maih.

Horiso 69:20

Inh pơmat-tat dêh, jơhngơ̆m inh pơchah yua kơ tơdrong mơlâu. Inh oei chang bơngai mơnat kơ inh, mă-lei ưh kơ đei bu; Inh chang đei bơngai pơlung, mă-lei ưh đei 'bôh bu.

Bôk Bơthô 4:1

Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!

Êsai 14:30

Kơplah 'nei kơnh lu bơngai dơnuh gô đei tơmam sa, bơngai kơ'bah hoh kơđei gô phĭ hiôk, mă-lei Inh gô pơm kơ yă 'bok tơm rơh adrĕch adrung ih lôch kơ pơngot, păng lu bơngai oei arih Inh gô pơlôch.

Êsai 22:4

Thoi noh na inh khan: “Iĕm 'nĕ lăng tơ inh, lê̆ inh nhơ̆m ơh ol, 'nĕ chă pơlung inh yua kơ tơdrong pơrăm lu kon pơlei inh!

Êsai 47:9

Kŭm lăm minh năr. Ih gô đei 'bar tơdrong âu truh kơ ih. Tơdrong hiong kon hơ'lơ̆p păng jing yă adro. Gô truh tôm tơdrong 'noh. Mă khan ih pơjâu pơm lơ tơdrong tơwir dah đei hĭ nơ̆r yang mơsêh pơma hơlĕnh!

Êsai 54:11

Ơ lu bơngai oei pơmat-tat, đơ̆ng kial hơbŭt huơ̆r ưh kơ đei bu pơlung. 'Nâu Inh gô man ih hăm tơmo gĭt, lơ̆k hơnă ih păng tơmo gĭt Saphir.

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Êsai 61:2

Wă roi tơbăt sơnăm Kră Yang mơnat, păng năr Kră Yang 'Bok Kei-Dei lu bơ̆n pơm tơwih; wă pơlung đĭ-đăng lu bơngai ơh sơ'ngon.

Êsai 8:21

Lu sư gô thông huang jơ̆p kơ lăm dêh char, pơmat-tat, đei pơngot rơwĕt, dah đei pơngot lu sư gô hil mĭl ngơk muh măt tơ kơpal hiap pơtao păng Kră Yang 'Bok Kei-Dei lu sư kơdih.

Êsai 9:20

Manase blah Êphraim, Êphraim blah Manase păng 'bar pah măr sư tơblah hăm Juđa; Mă đơ̆ng thoi noh ră, Kră Yang oei mĭl hil kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Je 15:5

Bu gô mơnat kơ ih, ơ pơlei Jêrusalem? Bu gô hmoi kơ ih? Bu chă wơ̆t weh ngôi jet ih?”

Je 24:10

Inh gô ăn kơ lu sư lôch kơ đao gưm, lôch kơ pơngot rơwĕt, lôch hơbuh, pơrăm pơlôch pơgoh lu sư đơ̆ng lăm teh mă Inh đei ăn kơ lu sư păng lu 'bok yă lu sư sơ̆.”

Nhom 1:12

Ơ lu bơngai chă yak drong găn, bơ̆n hăm pă tơ'bưh hah? Lăng bĕ hăm tơdrong kiơ ơh sơ'ngon; Hli kơ thoi inh đei ơh sơ'ngon. Mă? Kră Yang đei pơm pơmat inh boih; Lăm năr Sư hil.

Nhom 1:9

Hơbĕn ao lu sư mơgrĭ; sư ưh pă đei tơchĕng boih năr tôch wă truh kơ sư! Tơdrong rơdu sư phara, ưh pă đei bu pơlung sư! Ơ Kră Yang apinh Ih lăng tơdrong pơmat-tat inh, yua kơ lu ayăt pôk pơang lu sư kơdih pơm tih.

Nhom 3:47

Lu nhôn đei hloi tơdrong hli tơrơ, Hơlŭng tơdrong pơlôch păng hư răm.

Êsêkiên 14:15

Dah Inh ăn lu sem bri năm pơrăm char noh, pơlôch lu bơngai; păng char noh jing juơ, ưh pă đei bu yak rok noh dơ̆ng, yua kơ lu sem bri oei tơ noh.

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Am 7:2

Đơ̆ng rŏng kơ lep sa đĭ 'nhĕt lăm teh boih, inh khan: Ơ Kră Yang, inh apinh Ih mơnat ăn! Liơ Jakôp gơh kĕ arih? Yua kơ sư tŏ sĕt păng tơrăn dêh.

Na 3:7

Truh tơ đe lăng 'bôh ih na weh tơ nai păng khan: Niniwe đĭ juơ. Bu wă đei jơhngơ̆m mơnat kơ Sư? Inh chă bơngai đơ̆ng yơ wă kơ pơlung ih?

II Kor 7:13

Thoi noh na dang ei inh hiôk tơpă, kơtơ̆ng tôm tơdrong iĕm pơm 'lơ̆ng boih păng pơthim kơ nhôn 'bôh Tĭt sư hiôk wih đơ̆ng iĕm 'bôh pơm trŏ boih.