Êsai 51:18 - Sơ̆p Hlabơar Nơ̆r 'Bok Kei-Dei

¹⁸ Lăm đĭ-đăng lu kon drŏ-nglo mă Jêrusalem pơjing, ưh kơ đei minh 'nu bu mă gơh wei sư. Lăm đĭ-đăng lu kon drŏ-nglo mă Jêrusalem wei rong, ưh kơ đei minh 'nu bu mă rôp ti dui sư.

Êsai 51:18 ပူးပေါင်းရင်းမြစ်များ

Jop 8:20

“Mă-lei Kră Yang 'Bok Kei-Dei ưh kơ achăng lê̆ ôh lu bơngai 'lơ̆ng tơpăt. Kŭm ưh kơ wă tơgŭm lu bơngai pơm kơnê̆.

Horiso 142:4

Ih lăng gah 'ma kơ inh 'bôh ưh kơ đei bu băt 'blŏk kơ inh; Inh kư̆m pă đei anih ayơ wă ôn kơ'nơp. Ưh kơ đei bu hiơ̆k tơdrong arih inh.

Horiso 88:18

Ih pơm kơ lu buăl juăt bơngai inh 'mêm weh achăng lê̆ inh. Anih măng mu pơm buăl juăt jê̆ inh anih măng mu.

Êsai 41:13

Yua kơ Inh bơih Kră Yang 'Bok Kei-Dei lu iĕm: Tơ'ngla rôp ti 'ma lu iĕm, păng khan kơ lu iĕm, 'nĕ kơ hli ôh Inh gô tơgŭm lu iĕm;

Êsai 45:1

Kră Yang khan kơ Sirus bơngai Sư rơih tuh đak pơgang 'bâu phu. Inh rôp ti 'ma sư bơih wă pơm kơ lu dêh char chu kơ sư, na Inh iŏk lê̆ tơmam tơblah lu pơtao, wă pơih 'măng Jang pơlei, 'bơ̆t anăp sư, na đe ưh kơ gơh tang dơ̆ng!

Êsai 49:21

Kơplah 'noh ih gô pơma lăm jơhngơ̆m khan: Bu pơjing bơih kơ inh lu kon hơ'lơ̆p 'nâu? Inh hiong đĭ-đăng bơih kon hơ'lơ̆p; kơplah inh thông hoang weh jăk păng tơklah tơklang? Na lei bơngai bu gô wei rong lu kon hơ'lơ̆p 'nâu? 'Nâu inh gô oei uăi minh 'nu, adro po, pơsĕl pơsŏ lu kon hơ'lơ̆p 'nâu lu sư truh đơ̆ng yơ?”

Êsai 54:11

Ơ lu bơngai oei pơmat-tat, đơ̆ng kial hơbŭt huơ̆r ưh kơ đei bu pơlung. 'Nâu Inh gô man ih hăm tơmo gĭt, lơ̆k hơnă ih păng tơmo gĭt Saphir.

Je 10:20

Bơsŭn inh răm đĭ boih, Tơlei chô̆ bơsŭn kơtĕch đĭ boih; Lu đe kon inh weh boih đơ̆ng inh, ưh pă đei 'bôh lu sư boih, Ưh pă đei bu boih tơgŭm pơdơ̆ng ming bơsŭn inh. Kŭm ưh pă đei pĕng che anih inh oei.

Je 31:32

Nơ̆r pơgơ̆p 'nâu ưh kơ trŏ thoi nơ̆r pơgơ̆p Inh hăm lu 'bok yă lu sư lăm năr mă Inh rôp ti dui tơlĕch lu sư đơ̆ng char Êyiptơ sơ̆, yua kơ lu sư pơrăm lê̆ boih tơdrong pơgơ̆p Inh, mă Inh thoi klo lu sư ră.” Noh Kră Yang khan.

Êsêkiên 34:6

Lu triu Inh tơklah jơ̆p kơ kông kŏ păng groi kơjung. Lu triu Inh tơklah tơklang jơ̆p-jang kơ lăm teh đak, ưh kơ đei bu 'moi ưh kơ đei bu chơchă.

Am 5:2

Ơ bơngai adruh hơlai Isơrael pơ̆k huŏng boih, ưh pă kĕ iung dơ̆ng, sư noh đe klơ̆m lê̆ boih tơ teh, ưh kơ đei bu tơiung sư.

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Mathiơ 9:36

Yêsu 'bôh lu bơngai tơpôl noh Sư mơnat dêh, lu sư oei hli sơ'ngon đon ưh kơ băt pơm thoi yơ, dang lĕ kơ triu ưh kơ đei tơ'ngla wei-lăng.

Markôs 8:23

Na Yêsu rôp ti sư chông ba tơ jih pơlei. Yêsu kơsoh đak hai kơ măt sư păng dan ti tơ măt sư na jet: “Ih hăm 'bôh kiơ kiơ ưh?”

Jang 13:11

Na dang ei 'Bok Kei-Dei gô phak e. E gô tol măt minh yuh, ưh kơ 'bôh hơdah.” Na bơngai pơjâu ei tol măt hloi. Sư hơwơi chă hơbơ̆ đe wă kơ đe tơgŭm dui ba sư.

Jang 9:8

Klaih kơ noh Sôl iung hloi. Lăp sư lar măt, măt sư bơbul, ưh kơ 'bôh hơdah. Na bôl sư rôp ti chông ba sư truh tơ Pơlei Đamas.

Hêbrơ 8:9

Tơdrong pơgơ̆p 'nao ei ưh pă thoi tơdrong pơgơ̆p mă Inh pơjing ăn kơ lu yă 'bok iĕm kơplah mă Inh chông ba lu sư jăk đơ̆ng dêh Êyiptơ sơ̆ ôh. Tơdrong pơgơ̆p noh sơ̆ lu sư kuă kơ kiơ̆. Thoi noh na Inh achăng lê̆ lu sư, Kră Yang khan.