Êsai 50:11 - Sơ̆p Hlabơar Nơ̆r 'Bok Kei-Dei

¹¹ 'Nâu, đĭ-đăng lu iĕm bơngai tơkuh ŭnh păng tơ̆k ŭnh hơchô̆ hơpaih. Năm rok bĕ gah hơdah ŭnh hơchô̆ hơpaih mă iĕm tơ̆k, Tơdrong 'nâu lu iĕm gô pŭ iŏk đơ̆ng ti Inh, lu iĕm gô 'bĭch lăm tơdrong pơmat-tat!

Êsai 50:11 ပူးပေါင်းရင်းမြစ်များ

Horiso 16:4

Tơdrong ơh sơ'ngon lu bơngai pơyơ̆r kiơ̆ yang nai gô rai dêh. Inh ưh kơ pơyơ̆r ôh, pham tơmam soi kơ lu sư.

Horiso 32:10

Lu bơngai yoch đei tơdrong pơmat-tat. Mă-lei bơngai bu băt gơnang kơ Kră Yang, tơdrong 'mêm mơnat war tăp kơ bơngai noh.

Tơdrông Pơđơk 26:18

Thoi bơngai wơnh prah ngar ŭnh ngŭr, 'Brơ̆m păng tơdrong lôch.

Êsai 55:2

Liơ lu iĕm pơhuach jên wă răt tơmam mă ưh kơ trŏ kơ tơmam sŏng sa ôh. Ăn jơhngơ̆m gleh lap tơplih iŏk tơmam ưh kơ phĭ? Adrin mơ̆ng bĕ Inh athei sa tơmam mă 'lơ̆ng. Na jơhngơ̆m lu iĕm hiôk kơ tơmam sa bek 'lơ̆ng.

Êsai 8:22

Đơ̆ng noh kŭp kơ̆l lăng tơ teh 'bôh tơdrong pơmat-tat măng mu, 'bôh tơdrong ơh sơ'ngon tơhuŏng lê̆ lu sư kơdih tơ anih măng mu gueo.

Êsai 9:18

Ŭnh sa teh lu sư, yua kơ Kră Yang Tih Hloh hil, kon pơlei jing thoi tơmam ăn kơ ŭnh sa, ưh kơ đei bu 'mêm mơnat kơ 'nhŏng oh sư kơdih.

Je 17:4

Lu iĕm gô hiong mŭk tơmam mă đơ̆ng Inh ăn noh. Inh gô jao iĕm jang kơ lu bơngai ayăt kơ iĕm, tăm minh pôm teh đak mă lu iĕm tam lah băt; yua kơ lu iĕm pơgơ̆p ŭnh tơdrong Inh hil rai dêh, ŭnh gô sa khơ̆ng ling-lang ưh kơ păt.

Êsêkiên 20:39

Gah lu iĕm, ơ adrĕch Isơrael, Kră Yang khan thoi âu: Rim 'nu kơ lu iĕm năm kơkuh bĕ kơ rup yang! Mă-lei đơ̆ng rŏng kơ noh, lu iĕm gô mơ̆ng kiơ̆ Inh, ưh pă pơ'mê̆ kơ anăn Inh dơ̆ng hăm tơmam soi kơkuh kơ rup yang.

Am 4:10

Inh đei ăn boih tơdrong jĭ hơpoh truh tơ lu iĕm, kư̆m thoi inh ăn tơ lăm dêh Êyiptơ. Inh đei yua đao gưm pơlôch lu kon tơdăm iĕm boih păng lu aseh iĕm inh kư̆m puh pơđĭ. Inh đei ăn boih 'bâu ôm đơ̆ng lăm kơđông lu iĕm păr đông tơ muh lu iĕm. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Am 4:9

Inh yua boih kial tŏ păng hơdrông sa 'ba wă bơtho lu iĕm. Đei lơ mir pơgar 'nhot, pơgar hơmu, 'long hơra, 'long ôliwơ lu iĕm đĭ kơ lep sa pơgoh. Mă-lei lu iĕm kư̆m ưh kơ wă wih brŏk tơ Inh 'mơ̆i Kră Yang khan thoi noh.

Jôna 2:8

Lu bơngai chă kơkuh kơ rup yang ưh kơ yua kiơ. Na achăng lê̆ tơdrong Kră Yang 'mêm kơ sư.

Habakuk 2:13

Lăng, noh hăm trŏ đơ̆ng Kră Yang mă tih hloh? Mă kon pơlei jang gô ăn đĕch kơ ŭnh sa păng mă lu dêh char gleh hrat jing tơdrong ưh kơ đei.

Mathiơ 22:13

Na 'bok pơtao athei lu bơngai jang kơ sư chô̆ jơ̆ng ti bơngai noh tơlơ̆ tŭk tơ anih măng mu lê̆ sư nhơ̆m hmoi tơkăp sơnĕnh tơ noh.”

Mathiơ 8:12

Lu bơngai Juđê 'Bok Kei-Dei 'mêm kơeng kơ adrĕch adrung lu sư ră, mă-lei lu sư ưh kơ wă lui, na ning-mônh 'Bok Kei-Dei gô tơlơ̆ tŭk lu sư tơ lăm anih măng mu, lê̆ lu sư nhơ̆m hmoi tơkăp sơnĕnh tơ noh.”

Yo 8:24

Kơlih kơ thoi noh na Inh khan kơ iĕm boih, iĕm gô lôch yua kơ tơdrong yoch iĕm. Dah iĕm ưh kơ lui kơ Inh đơ̆ng plĕnh ti iĕm gô lôch yua kơ tơdrong yoch iĕm tơpă.”

Yo 9:39

Yêsu khan: “Inh jur tơ ala teh âu wă sek tơlang kon bơngai wă kơ dôm lu bơngai ưh kơ hlôh tơdrong 'Bok Kei-Dei, lu sư dang măt tol, gô hlôh; păng dôm lu bơngai khan sư hlôh mă-lei ưh kơ lui kơ Inh, na ăn lu sư jing ưh kơ hlôh dơ̆ng. Lu bơngai ei boih dang măt tol tơpă.”

Rom 10:3

Lu sư ưh kơ băt kơ 'Bok Kei-Dei ăn kơ lu sư Yêsu, athei gơnang kơ Yêsu na gơh jing bơngai 'lơ̆ng hăm 'Bok Kei-Dei. Na 'nâu lu sư gơnang kơ akâu lu sư kiơ̆ tơdrong juăt 'Bok Kei-Dei pơkă, lu sư ưh kơ gơh klaih ôh.

Ya 3:6

'Bơ̆r kon bơngai bơ̆n kư̆m thoi ŭnh, pơma kơ đe mrĕp, gơh pơma tôm tơdrong kơnê̆; pơm kơ akâu bơ̆n kơdih kư̆m jing răm kơnê̆ 'mê̆-'mach; pơrăm akâu akar, pơrăm tơdrong arih jing hiong hiach. Ŭnh 'noh apoh iŏk đơ̆ng ŭnh khŭl sơmăt.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Tơdrông Tơ'bôh 20:15

Bơngai bu ưh kơ đei anăn đe chih tơ lăm sơ̆p hla bơar tơdrong arih, bơngai noh kư̆m trŏ kơ đe tơlơ̆ sư tơ lăm dơnâu ŭnh mơ̆n.