Êsai 5:24 - Sơ̆p Hlabơar Nơ̆r 'Bok Kei-Dei

²⁴ Lei na nhen thoi pla ŭnh sa tơm hơnong 'ba, thoi 'nhĕt kro mơ̆t lăm pla ŭnh. Na rơh lu sư kư̆m bŭk hĕch păng pơkao plei lu sư đông thoi 'mui teh; yua kơ lu sư sơngah tŭk lê̆ khôi juăt Kră Yang Tih Hloh păng pơjăm nơ̆r Kră Yang 'Lơ̆ng Rơgoh Isơrael.

Êsai 5:24 ပူးပေါင်းရင်းမြစ်များ

II Pot 19:22

Ih pơjăm pơ'brơh kơ bu? Ih pơma re kơ bu? Tơpă, măt ih pơang lăng pơgloh kơ bu. Noh ih blah Yang 'Lơ̆ng Rơgoh, lu đe Isơrael!

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Jop 18:16

Tơ ala rơh sư jô kro, tơ kơpal dơng sư jô hŏnh.

Jop 8:17

Rơh sư chăt kuăr tăp kơ tơmo, chăt kơchâu lăm tơmo.

Horiso 50:17

Tơpă ih areh kơ tơdrong Inh bơtho pơrăm, Hŭt lê̆ tơ rŏng dôm nơ̆r Inh bơtho

Le 15:7

Hăm tơdrong pran kơtang mơsêh mơyang tih krưp Ih, pơrăm boih lu bơngai blah Ih; tơdrong Ih hil mĭl, Soh pơrăm lu sư thoi ŭnh sa hơnong ba.

Le 5:12

Đơ̆ng noh, kon pơlei năm chă hơnong jơ̆p-jang kơ dêh Êyiptơ, lu sư wă dônh akŭm tơm 'ba tơplih kơ hơnong 'ba.

Êsai 1:31

Bơngai pran jing thoi kơđoh 'long kro, tơdrong jang sư thoi lĕ pla ŭnh, đĭ kơ bre sư ŭnh gô sa pơđĭ, ưh kơ đei bu kĕ pĭt.

Êsai 1:4

Ô dêh char yoch kơnê̆ dêh, kon pơlei pơla pơm yoch kơnê̆ trăp dêh tơpă, Adrĕch adrung pơm kơnê̆ dêh, lu kon hơ'lơ̆p pơm kư̆ kă, lu sư achăng hŭt Kră Yang. Lu sư Pơjăm Kră Yang 'Lơ̆ng tơpăt Isơrael, lu sư weh tơklah ataih bơih.

Êsai 24:6

Thoi noh na tơdrong hiap luăn sa teh đak. Lu kon pơlei oei kơpal teh âu, đei pơmat-tat yua kơ tơdrong yoch lu sư kơdih. Yua kơ noh kon bơngai oei kơpal teh ŭnh sa bơih. Păng pă tŏ sĕt đĕch bơngai oei đei.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 30:12

Thoi noh na Tơ'ngla 'Lơ̆ng Rơgoh đe Isơrael pơma khan: “Yua kơ lu iĕm sơngah achăng lê̆ nơ̆r âu, gơnang kơ tơdrong pơjuă pơđep, gơnang kơ tơdrong đŏng đĕo.

Êsai 30:9

Adrĕch adrung âu jơ̆ adrĕch adrung blơ̆ blĕch, kon hơlĕnh, kon adrĕch ưh kơ wă mơ̆ng nơ̆r Kră Yang bơtho khan.

Êsai 47:14

To lu sư gô nhen thoi hơnong 'ba; ŭnh sa pơđĭ; lu sư ưh kơ gơh pơklaih kơdih lu sư đơ̆ng pla ŭnh. Ŭnh noh ưh kơ đei ngar wă nhur tơnŏ ôh, ưh pă đei tơnuh ŭnh wă ngôi nhur.

Êsai 7:9

Kơ̆l kơ char Êphraim jơ̆ pơlei Samari, kơ̆l kơ pơlei Samari jơ̆ kon drŏ-nglo Rêmalia. Tơdah lu iĕm ưh kơ lui ngeh lei iĕm dơ̆ng ưh kơjăp ôh.”

Êsai 8:6

“Yua kơ kon pơlei âu sơngah kơ krong đak Silôa ro 'lơ̆ng rơnang, mă-lei hiôk kơ Rêsin hăm kon drŏ-nglo Rêmalia.

Êsai 9:18

Ŭnh sa teh lu sư, yua kơ Kră Yang Tih Hloh hil, kon pơlei jing thoi tơmam ăn kơ ŭnh sa, ưh kơ đei bu 'mêm mơnat kơ 'nhŏng oh sư kơdih.

Êsai 9:19

Lu sư tơgar iŏk sa gah 'ma mă-lei oei pơngot, lu sư iŏk sa gah 'ngiĕo mă-lei ưh kơ phĭ, đĭ-đăng lu sư sa kon sâu kơdih.

Je 6:19

Mơ̆ng bĕ ơ đĭ-đăng teh đak. Âu Inh ba tơdrong răm truh kơ lu kon pơlei pơla âu, noh boih lĕch đơ̆ng tơdrong lu sư đei pơm boih, Yua kơ lu sư ưh kơ wă pơgling đon mơ̆ng nơ̆r Inh, păng sơngah boih kơ khôi juăt Inh.

Je 8:9

Lu bơngai hơgei gô mơlâu, hli tơrơ păng đe gô rôp lu sư; 'Nâu, lu sư sơngah boih kơ nơ̆r Kră Yang, lei lu sư wă đei hơgei liơ dơ̆ng?

Êsêkiên 15:6

Na Kră Yang Tih Hloh khan: Thoi Inh đei iŏk 'long hơmu đơ̆ng lăm bri pơm 'long ŭnh tơkuh, Inh kư̆m gô pơm kơ kon pơlei Jêrusalem thoi noh.

Hôsia 11:9

Inh pơgơ̆t jơhngơ̆m tơtŏ Inh, păng Inh ưh kơ wă pơlôch pơrăm boih Êphraim, Yua kơ Inh jơ̆ Kră Yang 'Bok Kei-Dei, ưh kơ trŏ kon bơngai ôh. Inh Tơ'ngla rơgoh 'lơ̆ng 'bơ̆t anăp lu iĕm, ưh kơ wă hil pơrăm lu iĕm ôh.

Hôsia 5:12

Yua kơ thoi noh na Inh jing thoi kơmot kuer sa Êphraim, kư̆m thoi yŏng bŭk sa adrĕch Juđa.

Hôsia 9:16

Inh ăn kơ rơh Êphraim, kro boih, lu sư ưh pă đei plei dơ̆ng boih, mă khan lu sư pơjing kon hơ'lơ̆p, Inh gô pơlôch lê̆ đĭ kon lu sư mă 'mêm kơeng đơ̆ng blu pôih.

Jôel 2:5

Lu sư pơplŏng truh tơ wĕch kông, thoi noh kơtơ̆ng thoi re gre aseh, kơtơ̆ng thoi pla ŭnh sa hơnong 'ba; noh thoi minh khŭl linh tih pran kơtang, săp pơrĕng wă năm tơblah.

Am 2:4

Kră Yang khan: Yua kơ đơ̆ng kon pơlei Juđa rai pơm yoch hloh kơ adrol, na inh ưh kơ lê̆ ôh wă phak lu sư; Yua kơ lu sư achăng lê̆ boih khôi juăt Kră Yang păng ưh pă pơm kiơ̆ dôm nơ̆r Sư tơtă, dôm lu yang hơlĕnh pơdăr mă đơ̆ng 'bok yă lu sư kiơ̆, pơm kơ lu sư wơ̆l jrok.

Am 2:9

Mă-lei ră, inh pơrăm boih bơngai Amôrit 'bơ̆t anăp lu sư, khŭl bơngai mă tih kơjung dang 'long Sêđar păng pran thoi tơm 'long kôih. Inh pơrăm boih lu plei sư kơpal păng rơh lu sư tơ ala sŭng.

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Mathiơ 3:12

'Bok ei sek tơlang kon bơngai thoi lĕ kơ Sư chĕp minh hlak kơđum wă um tŭk đĭ dôm lu 'ba bo. Na Sư iŏk lu 'ba liĕng wă tah lê̆ lăm kŭ 'ba Sư. Na dôm lu 'ba bo noh Sư wă soh tŭk đĭ tơ ŭnh mă ưh kơ layơ păt.”

Luka 10:16

Yêsu khan dơ̆ng kơ lu bơngai pơhrăm păng Sư: “Bơngai bu mơ̆ng iĕm, sư 'noh dang mơ̆ng Inh mơ̆n. Bơngai bu ưh kơ wă mơ̆ng iĕm, sư 'noh kư̆m ưh kơ wă mơ̆ng Inh mơ̆n. Bơngai bu ưh kơ wă mơ̆ng Inh, sư 'noh kư̆m dang ưh kơ wă mơ̆ng 'Bok Kei-Dei mă wơh Inh mơ̆n.”

Luka 3:17

'Bok ei sek tơlang kon bơngai thoi lĕ kơ Sư chĕp minh hlak kơđum wă um tŭk đĭ dôm lu 'ba bo. Na Sư iŏk lu 'ba liĕng wă tah lê̆ lăm kŭ 'ba Sư. Na dôm lu 'ba bo noh Sư wă soh tŭk đĭ tơ ŭnh mă ưh kơ layơ păt.”

Luka 7:30

Mă-lei lu bơngai Pharisi păng lu 'bok thây bơtho tơdrong juăt đe Juđê ưh kơ wă kiơ̆ thoi 'Bok Kei-Dei bơtho, na lu sư kuă kơ iŏk 'batem ôh.

Yo 12:48

Bơngai bu ưh kơ lui kơ Inh, 'Bok Kei-Dei gô phak sư năr tôch ning-mônh, yua kơ sư ưh kơ răk dôm nơ̆r Inh bơtho.

Jang 13:41

'Bok Kei-Dei khan: ‘Ơ lu iĕm bơngai che bơle kơ Inh, iĕm lăng, iĕm gô sơleng kơ đon, pă tam băt kơnh iĕm lôch. Inh pơm tơdrong mơsêh mơyang lăm chăl iĕm arih, đe gô roi kơ iĕm tơdrong noh, mă-lei iĕm ưh kơ wă lui.’ ”

Both 28:24

Tơplih kơ đak 'mi, Kră Yang ăn 'mi lăm char jing 'mui chuơh đơ̆ng kơpal plĕnh jruh tơ teh đak dĭng truh pơrăm đĭ lu iĕm lôch.

I Tes 4:8

Thoi noh boih na bơngai bu mă ưh kơ chu iŏk nơ̆r nhôn bơtho âu, bơngai 'noh sư ưh kơ chu nơ̆r 'Bok Kei-Dei, yua kơ nhôn bơtho nơ̆r 'Bok Kei-Dei tơpă. 'Bok Kei-Dei ăn kơ iĕm Yang Bơhngol 'Lơ̆ng Sư, na iĕm athei pơm 'lơ̆ng tơpăt.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.

I Sam 15:26

Samuel khan hăm Sôl: Inh ưh pă wih tơ jê̆ ih dơ̆ng; yua kơ ih achăng lê̆ nơ̆r Kră Yang, na Kră Yang kư̆m achăng lê̆ ih, ưh kơ pă wă ih pơm pơtao lu bơngai Isơrael dơ̆ng.