Êsai 5:15 - Sơ̆p Hlabơar Nơ̆r 'Bok Kei-Dei

¹⁵ Lu bơngai hmă gô kŭp kơ̆l, kon bơngai gô tơjur, lu bơngai pơang gô lê̆ tơ ala.

Êsai 5:15 ပူးပေါင်းရင်းမြစ်များ

II Sam 22:28

Kră Yang dŏng pơklaih lu bơngai iŏk đon ala kơ đe. Mă-lei măt Sư 'bôh lu bơngai pơang, Kră Yang gô tơjur lu sư.

Horiso 131:1

Ơ Kră Yang, jơhngơ̆m inh huay kơ pơư kơdih, măt inh kư̆m huay kơ pơang. Inh kư̆m ưh kơ chơchă tơdrong tih krưp, dah tơdrong hloh kơ ai hnang.

Horiso 62:9

Sĭt tơpă, bơngai đe ưh kơ gĭt thoi kial dui jơhngơ̆m. Bơngai đe gĭt 'biơ̆ kư̆m tơdrong kơ đei. Atŏk tơ kơpal kĭ lu sư phiơl. Đĭ lu sư hơiơch hloh kơ hơyuh kial dui jơhngơ̆m.

Le 9:17

Tơdah ih oei pơang wă pơgăn, ưh kơ ăn kon pơlei inh năm,

Tơdrông Pơđơk 30:13

Đei khŭl bơngai muh măt lu sư pơm pơrŏ, Tưk kơnur pơang dêh.

Êsai 10:12

Mă-lei mưh Kră Yang pơkeh tơdrong jang Sư kơ kông Siôn păng pơlei Jêrusalem, Sư gô phak pơtao Asiri, yua kơ jơhngơ̆m sư pơang păng măt sư lăng pơrŏ.

Êsai 10:33

'Nâu, Kră Yang Tih Hloh, gô yua tơdrong mơsêh pran kơtang krưp Sư chre dơng 'long. Lu tơm 'long tih kơjung gô kăl tơpăk đĭ; 'long kơjung gô păk tơ ala teh.

Êsai 13:11

Inh gô phak teh đak âu yua kơ tơdrong kơnê̆ lu sư, phak lu bơngai pơm kơnê̆ yua kơ tơdrong yoch lu sư, Inh gô pơtôch lê̆ lu bơngai pơang, tơjur lê̆ tơ ala tơdrong pơang kơdih akâu lu bơngai pơm chư̆ kơnê̆.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 2:12

Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.

Êsai 2:17

Lu bơngai pơang gô tơjur lê̆ tơ ala păng tơdrong kon bơngai pơrŏ kơdih akâu gô mơlâu, lăm năr 'noh kơnh pôm Kră Yang đĕch trŏ kơ bơ̆n ư-ang.

Êsai 2:9

Bơngai hmă gô mơlâu, bơngai mơng đe gô tơjur apinh Kră Yang 'nĕ kơ mơnat!

Êsai 37:23

Ih pơjăm 'bơm bu? Ih đei pơma ôr wă blah bu păng ngơk lăng muh măt pơang? Pơ̆n blah Tơ'ngla 'Lơ̆ng Rơgoh Isơrael.

Êsai 37:29

Yua kơ tơdrong ih hil iung wă blah Inh, nơ̆r ih pơma tơan kơnê̆ kơtơ̆ng truh tơ đon Inh bơih, na Inh iŏk gŏp tôt lăm muh ih păng iŏk dam pơhơ̆p 'bơ̆r ih, pơm kơ ih brŏk kiơ̆ đêl trong ih năm.

Je 5:9

Kră Yang khan: “Lei na Inh ưh kơ hil kơ lu sư yua kơ tơdrong noh hă? Hăm adrĕch adrung thoi noh na Inh wă ưh kơ pơm tơdrong tơpăt hă?

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Jêphania 3:11

Lăm năr noh, ih ưh pă đei mơlâu yua kơ đĭ tơdrong yoch ih pơm hăm Inh, noh mă dôm tơdrong yoch ih pơm hăm Inh. Yua kơ dang ei Inh wă pơdrâu iŏk đơ̆ng lu sư dôm lu chơt hiôk păng pơang sư; đơ̆ng noh lu iĕm ưh pă đei pơang tơ kơpal kông rơgoh Inh dơ̆ng.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.