Êsai 5:14 - Sơ̆p Hlabơar Nơ̆r 'Bok Kei-Dei

¹⁴ Noh bơih na jing dêh hơtâu pơih 'măng sư rai să ha 'bơ̆r wă 'maih luăn sư ưh kơ pơdơh ôh, lu bơngai đe ư-ang păng kon pơlei pơla sư đĭ-đăng lu bơngai chơt hiôk oei lăm pơlei, tă kơ huŏng tơ lăm noh ngăl.

Êsai 5:14 ပူးပေါင်းရင်းမြစ်များ

Horiso 49:14

Thoi khŭl triu, đe wă 'bŭ lăm bơsat. Tơdrong lôch gô wei lu sư: Truh pơgê lu bơngai tơpăt gô pơgơ̆r lu sư, Tơdrong 'lơ̆ng rŏ lu sư ôm răm đĭ tơ pơlei lôch, ataih đơ̆ng anih lu sư oei.

Horiso 55:15

Ăn tơdrong lôch truh tơ lu ayăt kơ inh! Tơjur lu sư oei arih tơ lăm dêh atâu. Yua kơ tơdrong kơnê̆ oei tơ lăm hnam, lăm jơhngơ̆m lu sư.

Tơdrông Pơđơk 1:12

Lu bơ̆n gô luăn lu sư oei arih thoi dêh hơtâu, Păng luăn oei akâu hơpôm thoi đe huŏng lăm sơlŭng bơsat.

Tơdrông Pơđơk 27:20

Măt kon bơngai lăng ưh kơ đei layơ bơ̆l hăl. Dêh atâu păng lôch răm ưh kơ đei layơ hrăp.

Tơdrông Pơđơk 30:16

Dêh atâu, klak lu drŏ-kăn hơwŏng, Đak ưh kơmah kơ teh, păng ŭnh kư̆m ưh kơ khan: Mah boih.

Êsai 14:11

Tơdrong pơrŏ ih păng re brŏ ih reh gô jur tơ dêh atâu, hrai gô pơm hơdŭ ih lơ̆k 'bĭch, gô pơm khăn ih su!

Êsai 14:9

Tơ dêh atâu sŭng tơdrŏ wă tơ'bơ̆p ih kơplah ih truh tơ noh, lu bơhngol bơngai lôch băl noh jơ̆ lu yŏng pơgơ̆r jơ̆p-jang kơ teh đak lu sư hơđơ̆r wă tơ'bơ̆p ih, lu pơtao rim kơ teh đak iung đơ̆ng tang-dŏ pơtao sư.

Êsai 21:4

Jơhngơ̆m inh hơwơ̆l hơwang, pơm kơ inh hli tơrơ dêh, hơdah pơgê hrôih mă inh 'maih wă đĭ tơplih jing tơdrong inh hli tơtơ̆ kơ.

Êsai 24:8

Re hơgơ̆r iĕ chơt hiôk ưh pă đei dơ̆ng, jreo 'nă hal ưh pă đei bơih, jơwa đe reh brŏ chơt hiôk kư̆m đĭ tôch.

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Êsêkiên 7:12

Jơ trŏ boih, 'năr truh boih! Bơngai răt 'nĕ kơ chơt hiôk, bơngai tĕch kư̆m 'nĕ kơ ơh sơ'ngon, yua kơ tơdrong truh kơ đĭ-đăng.

Da 5:30

Lăm măng noh hloi pơtao Belsatsar bơngai Kalđê đe pơlôch.

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.

Habakuk 2:5

Lu bơngai mă hơmui tơdrô, pơm tơdrong hơlĕnh păng ưh kơsŭk oei minh anih, pơih jơhngơ̆m ham sư thoi anih bơsat, thoi tơdrong lôch mă ưh kơ đei phĭ hrăp; sư pơpôi lu dêh char păng pơgơ̆p khŭl kon pơlei sư wă plah tơgar iŏk.”

Mathiơ 7:13

“Iĕm athei adrin mơ̆t trong 'măng iĕ mă năm tơ anih arih ling-lang. Trong 'măng tih mơ̆t 'bônh ră, mă-lei năm tơ dơnâu ŭnh 'Bok Kei-Dei phak, kư̆m lơ bơngai năm trong noh.

Luka 17:27

Hơdrol kơ đak lip sơ̆ kon bơngai kư̆m oei pơm sa et pơrŏ, thoi et pơkong, et sa tơdrong noh nai dang lĕ kơ năr oei hiôk-hian thoi krô hmă; truh tơ Nôê mơ̆t lăm duk, lu sư kư̆m ưh tam mă băt 'mơ̆i, na truh hĭ kơ đak lip, lu sư lôch đĭ.

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.