Êsai 49:5 - Sơ̆p Hlabơar Nơ̆r 'Bok Kei-Dei

⁵ Dang ei, Kră Yang khan: Sư Tơ'ngla pơjing inh đơ̆ng lăm klak mĕ inh, ăn kơ inh jing đĭch đam Sư wă kơ inh chông ba adrĕch Jakôp wih tơ Kră Yang, păng akŭm Isơrael brŏk tơ Kră Yang; yua kơ inh đei pơyom 'bơ̆t anăp Kră Yang, păng Kră Yang 'Bok Kei-Dei ăn kơ inh đei jơhngơ̆m pran.

Êsai 49:5 ပူးပေါင်းရင်းမြစ်များ

Ne 8:10

Nêhêmi pơma khan kơ lu sư thoi âu: Năm sa bĕ tơmam kiơ bek, huch nhă bĕ sik hơmu 'ngam păng tơgŭm lu bơngai ưh kơ đei hơmet sa tơmam kiơ; yua kơ 'năr 'nâu jơ̆ năr 'lơ̆ng rơgoh, 'măn kơ Kră Yang lu bơ̆n. 'Nĕ kơ sơ'ngon, yua kơ tơdrong hiôk chơt đơ̆ng Kră Yang pơm kơ jơhngơ̆m lu iĕm pran.

Êsai 11:12

Kră Yang gô pơdơ̆ng hla-kơ ăn kơ rim teh đak akŭm iŏk lu bơngai Isơrael mă đêl đe puh tơweh; pơpôi iŏk lu bơngai Juđa đêl lu sư tơklah tơklang đơ̆ng puăn pah mum teh đak.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 25:1

Ơ Kră Yang Ih bơih Kră Yang 'Bok Kei-Dei inh! Inh ư-ang kơ Ih, inh bơnê pôk pơư kơ anăn Ih, Ih đei pơm boih tơdrong hlĭch, tơdrong Ih pơkă lê̆ đơ̆ng sơ̆, hăm tơdrong tơpăt sĭt.

Êsai 27:12

Lăm năr noh kơnh Kră Yang preh ba đơ̆ng đak Krong Ơphrat truh tơ glung đak Êyiptơ, ơ kon pơlei Isơrael đe gô chă dônh iĕm minh 'nu, minh 'nu.

Êsai 43:4

Yua kơ iĕm bơih gĭt dêh 'bơ̆t anăp Inh; trŏ kơ Inh 'mêm kơeng, na Inh ăn đei bơngai wă tơplih iŏk iĕm păng ăn đĭ-đăng kon pơlei tơplih kơ tơdrong arih iĕm.

Êsai 44:2

Kră Yang khan thoi âu: Inh Tơ'ngla pơjing lu iĕm, man lu iĕm oei đơ̆ng lăm klak mĕ, păng gô tơgŭm lu iĕm: Ơ Jakôp đam Inh păng Jêsurun mă Inh rơih iŏk bơih 'nĕ kơ hli.

Êsai 49:1

Ơ lu bơngai oei lăm bŏl đak dơsĭ mơ̆ng Inh bĕ! Ơ lu kon pơlei oei ataih mơ̆ng bĕ, Kră Yang krao iŏk inh đơ̆ng lăm klak mĕ inh. Anăn ăn kơ inh đơ̆ng inh oei lăm klak mĕ inh.

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Êsai 52:13

Âu, đĭch đam Inh gô pơm hăm tơdrong gơh hơgei; đe gô pơư, tơiung pơyom, đe gô pôk hơtŏk.

Êsai 56:8

Kră Yang Tih Hloh, Tơ'ngla krao akŭm kon pơlei Isơrael đơ̆ng tơklah tơklang khan thoi âu: Kon pơlei mă lu sư akŭm bơih, Inh gô wă krao akŭm dơ̆ng lu kon pơlei nai brŏk hăm sư.

Je 1:5

“Inh băt kơ ih adrol kơ Inh pơjing ih lăm klak mĕ ih; adrol kơ đe tơpŭ kơ ih, Inh rơih iŏk ih, Inh wă ăn kơ ih jing bơngai khan lê̆ adrol kơ jơ̆p teh đak.”

Sa 6:13

Sư boih wă man hnam kơkuh kơ Kră Yang; păng sư boih đe gô ư-ang, oei pơgơ̆r tơ anih tang-dŏ pơtao sư păng pơm 'bok soi tơm tơ anih pơtao sư, sư kư̆m pơgơ̆p hiôk-hian kơ 'bar tơdrong noh.’

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Mathiơ 15:24

Yêsu khan: “Liơ, 'Bok Kei-Dei wơh Inh wă kơ Inh tơgŭm lu bơngai Isơrael, yua kơ lu bơngai Isơrael thoi triu jrok trong, na iĕm khan wă kơ Inh tơgŭm sư?”

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Mathiơ 23:37

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

Luka 19:42

Sư nhơ̆m hmoi rah pơma rah thoi âu: “Ơ Pơlei Jêrusalem, năr âu dah iĕm băt kơ Inh Bơngai wă pơklaih iĕm, lei iĕm hiôk dêh, ưh kơ đei tơdrong gleh truh kơ iĕm năr noh kơnh ôh. Mă-lei iĕm ưh kơ hlôh tơdrong Inh wă pơklaih iĕm dang ei.

Yo 3:35

'Bă Sư 'Bok Kei-Dei lăp đon kơ Kon Sư tơpă, na pơchĕp ăn kơ Sư gơh pơm tôm tơdrong.

Jang 10:36

'Bok Kei-Dei wơh Kon Sư Yêsu bơtho nơ̆r Sư tơ lu bơngai Isơrael. Nơ̆r noh Tơdrong 'Nao 'Lơ̆ng ăn kơ bơ̆n oei hiôk păng 'Bok Kei-Dei, yua kơ Kră Yang Yêsu Krist lôch tang bơ̆n, Sư Yŏng đĭ-đăng bơngai bơ̆n.

Rom 15:8

Yêsu Krist iŏk tơdrong pơmat-tat wă tơgŭm lu bơngai Juđê, wă kơ lu bơngai Juđê băt tơdrong 'Bok Kei-Dei pơma tơpăt pơkă kơ lu yă 'bok sư sơ̆ khan wă tơgŭm lu bơngai Juđê.

Galati 1:15

Mă-lei 'Bok Kei-Dei 'mêm mơnat kơ inh. Sư rơih iŏk inh đơ̆ng inh tam mă tơpŭ sơ̆. Sư krao inh wă kơ inh jang tơdrong Sư.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.