Êsai 49:23 - Sơ̆p Hlabơar Nơ̆r 'Bok Kei-Dei

²³ Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsai 49:23 ပူးပေါင်းရင်းမြစ်များ

Bl 27:29

Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

Bl 43:26

Wă Jôsep brŏk truh tơ hnam lu sư pơyơ̆r ăn kơ Jôsep tơmam mă đơ̆ng lu sư chĕp ba đơ̆ng hnam, na lu sư drap bon tơ teh kơkuh 'bơ̆t anăp Jôsep.

Horiso 138:4

Ơ Kră Yang, ăn đĭ kơ lu pơtao lăm teh đak kơkuh bơnê kơ Ih. Mưh lu sư kơtơ̆ng nơ̆r đơ̆ng 'bơ̆r Ih.

Horiso 25:3

Tơpă, dôm lu bơngai gơnang kơ Ih. Ưh kơ đei mơlâu, Ăn bĕ kơ lu bơngai ưh kơ chu lui gô mơlâu.

Horiso 34:22

Kră Yang huai iŏk bơhngol lu đĭch đam sư. Bu mă gơneh gơnơm lăm Sư, huay pă pŭ tơdrong phak boih.

Horiso 68:31

Lu bơngai tơpăt gô lĕch đơ̆ng char Êyiptơ. Bơngai Êthiôpi gô hăt hot yơ̆r ti krao apinh Kră Yang 'Bok Kei-Dei.

Horiso 69:6

Ơ Kră Yang Tih Hloh 'nĕ ăn kơ lu bơngai chang gô Ih đei mơlâu yua kơ inh. Ơ Kră Yang 'Bok Kei-Dei lu bơngai Isơrael! 'Nĕ ăn kơ lu bơngai mă chă Ih đe pơ'brơh yua kơ inh.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Êsai 14:2

Lu kon pơlei teh đak tơmoi gô năm ba lu đe Isơrael brŏk tơ dêh lu sư kơdih; adrĕch Isơrael gô iŏk lu sư, pơm đam drŏ-nglo drŏ-kăn lăm teh đak Kră Yang. Lu sư gô rôp lu bơngai đêl rôp lu sư pơm bơnă, păng pơgơ̆r lu bơngai mă đêl pơgŏ pơđep lu sư.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 26:8

Ơ Kră Yang, mă Ih sek tơlang kơ nhôn lu nhôn oei chang gô lăm trong Ih sek tơlang tơpăt, bơhngol lu nhôn hơpơi kơ anăn Ih păng 'blŏk hơdơ̆r.

Êsai 29:22

Na Kră Yang, tơ'ngla huai iŏk Abraham đei pơma kơ adrĕch adrung Jakôp thoi âu: “Muh măt lu sư huay pă găm goi păng huay pă mơlâu dơ̆ng,

Êsai 41:20

Wă kơ đĭ-đăng bơngai 'bôh păng băt, wă kơ tơchĕng hơdai hlôh khan, noh đơ̆ng ti Kră Yang pơm tơdrong 'nâu, păng Tơ'ngla 'Lơ̆ng Rơgoh Isơrael pơjing tơdrong noh.

Êsai 43:10

Kră Yang khan: “Lu iĕm bơih bơngai pơm kơdranh gah Inh, đĭch đam Inh mă đei rơih iŏk bơih, wă kơ lu iĕm băt păng lui kơ Inh, păng hlôh kơ Inh bơih Kră Yang iĕm noh! Ưh kơ đei 'Bok Kei-Dei ayơ mă pơjing đei adrol kơ Inh păng đơ̆ng rŏng kơ Inh kư̆m ưh kơ đei.

Êsai 45:14

Kră Yang khan thoi âu: “Lu iĕm gô iŏk đĭ Tơmam teh đak Êyiptơ, mŭk tơmam teh đak Kus păng bơngai Sabê, lu bơngai tih kơjung, lu sư gô năm tơ iĕm păng kiơ̆ gah lu iĕm. Lu sư gô yak kiơ̆ rŏng lu iĕm, lu sư gô năm tơ iĕm hăm glang oei chô̆ lu sư truh bon kơkuh 'bơ̆t anăp lu iĕm, lu sư adrĭ apinh khan: ‘Tơpă Kră Yang 'Bok Kei-Dei oei hơdai lu iĕm, ưh kơ đei yang nai ôh, ưh kơ đei Yang nai dơ̆ng.’ ”

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsai 50:7

Kră Yang Tih Hloh tơgŭm inh, inh ưh kơ mơlâu ôh. Na inh pơm kơ măt inh lăng tơ anăp, inh băt kơ inh gô ưh kơ đei tơdrong kiơ mơlâu.

Êsai 52:15

Thoi noh Sư gô pơm kơ lơ teh đak lăng hlĭch. Lu pơtao gô pơŏm 'bơ̆r yua kơ Sư; yua kơ lu sư 'bôh tơdrong ưh tam đei bơngai bu roi ăn kơ lu sư. Păng lu sư gô hlôh băt tơdrong lu sư tam mă kơtơ̆ng.

Êsai 52:6

Thoi noh na kon pơlei Inh gô băt kơ anăn Inh; tơpă lăm năr 'noh lu sư gô băt Inh âu bơih jơ̆ Tơ'ngla khan: 'Nâu, Inh âu.”

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

Êsai 60:16

Ih gô mŏm đak toh lu dêh char păng lu pơtao thoi mĕ gô tơmŏm 'me rong Ih. Ih gô băt kơ Inh bơih Kră Yang Tơ'ngla dŏng pơklaih ih Tơ'ngla huai iŏk ih păng Tơ'ngla mơsêh pran kơtang adrĕch Jakôp.

Êsai 60:3

Lu teh đak gô năm tơ tơdrong hơdah ih păng lu pơtao gô tơkan tơ tơdrong 'brưch hơdah ih.

Êsai 62:2

Lu teh đak gô 'bôh tơdrong 'lơ̆ng ih. Lu pơtao gô 'bôh tơdrong ư-ang ih. Đe gô krao ih anăn 'nao đơ̆ng 'bơ̆r Kră Yang krao ăn.

Êsai 64:4

Đơ̆ng sơ̆ đe ưh tam mă băt, đon ưh tam mă kơtơ̆ng, măt ưh tam mă 'bôh Kră Yang nai 'nguaih kơ Sư. Tơ'ngla mă đei pơm ăn bơih kơ lu bơngai mă chang gô Sư noh.

Êsêkiên 37:6

Inh gô ăn huan, ăn sĕch tơ lu iĕm păng lom akâu iĕm hăm akar. Inh gô ăn hơyuh kial dui jơhngơ̆m tơ lăm iĕm, na lu iĕm gô arih; păng lu iĕm gô băt Inh boih Kră Yang.

Jôel 2:27

Kơplah noh lu iĕm gô băt kơ Inh oei hơdai hăm lu iĕm bơngai Isơrael, băt kơ Inh jing Kră Yang 'Bok Kei-Dei lu iĕm, ưh kơ đei bu nai; Đơ̆ng âu tơ anăp kon pơlei Inh đe huay pă pơ'brơh dơ̆ng.

Mi 7:17

Lu sư gô liah 'mui teh thoi 'bih păng hli tơrơ lĕch đơ̆ng lăm trôm teh lu sư thoi lu sem brem mơmŏ kơpal teh; lu sư gô hli tơrơ na lu sư wih tơ Kră Yang 'Bok Kei-Dei lu bơ̆n, yua kơ ih na lu sư hli tơrơ.

Jo 11:12

Hăm trŏ kơ inh anăp tơpŭ lu sư ưh? Na mă Ih khan kơ inh: Pŭ krôp kon pơlei wei kon pơla âu lăm jơhngơ̆m ih bĕ, thoi bơngai 'bă mă pôk kon hơ'lơ̆p sư oei mŏm, dĭng mă truh tơ dêh char mă Ih đei pơkă wă ăn kơ lu 'bok yă lu sư.

Mathiơ 25:16

Bơngai mă iŏk pơđăm hlak jên maih yŏng sư noh, hơloh năm chă mơdro sa hloi, đei lơi kơ sư pơđăm hlak jên maih dơ̆ng.

Rom 10:11

Hla bơar 'Bok Kei-Dei roi gah tơdrong 'Bok Krist thoi âu: “Bu lui kơ Sư, bơngai noh huay kơ hli minh tơdrong kiơ ôh.”

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

Rom 9:33

'Noh thoi sơ̆p hla bơar 'Bok Kei-Dei khan lê̆ sơ̆ thoi âu: “Iĕm lăng. Tơ Pơlei Siôn Inh đei 'măn minh pôm tơmo tŏk-bŏk trong wă kơ đe kơtơih pơ̆k. Bu lui kơ tơmo noh, bơngai noh huay kơ hli minh tơdrong kiơ ôh.”

I Pet 2:6

Tơdrong noh thoi đe chih nơ̆r 'Bok Kei-Dei tơ lăm sơ̆p hla bơar Sư thoi âu: “Iĕm lăng Inh đei man minh pôm tơmo gĭt tơ Pơlei Siôn wă pơm hnam, tơmo noh gĭt tơpă na Inh iŏk Sư. Bu lui kơ tơmo noh huay kơ hli minh tơdrong kiơ ôh.”

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.