Êsai 49:18 - Sơ̆p Hlabơar Nơ̆r 'Bok Kei-Dei

¹⁸ Athei bơyar măt iĕm lăng jum dăr: Đĭ-đăng lu kon iĕm gô akŭm băl wă brŏk tơ iĕm! Kră Yang khan: Tơpă thoi Inh Tơ'ngla arih ling-lang ih lăng lu sư thoi lĕ tơmam đe pơguăng, thoi tơlei tơ̆n bơngai drŏ-kăn wă iŏk klo.

Êsai 49:18 ပူးပေါင်းရင်းမြစ်များ

Bl 13:14

Đơ̆ng rŏng kơ Lot tơklah đơ̆ng Abram boih, Kră Yang khan kơ Abram thoi âu: “Ih ngơk lăng bĕ, lăng iŏk đơ̆ng anih ih oei âu dĭng truh tơ gah yă-nơ̆m, gah gơal, gah hơlĕch, gah bơmơ̆t:

Bl 22:16

Na Kră Yang khan thoi âu: “Yua kơ ih đei pơm boih tơdrong, noh huay kơeng kơ kon ih, mă khan kon pôm ră, na kơdih akâu Inh pơkă pơkăm:

Tơdrông Pơđơk 17:6

Sâu se jing môk ư-ang pơtao kơ lu kră, Mĕ 'bă jing tơdrong ư-ang kơ lu kon hơ'lơ̆p.

Êsai 45:23

Kơdih kâu Inh pơkă bơih: Lăm nơ̆r tơpăt sĭt, nơ̆r lĕch bơih đơ̆ng 'bơ̆r Inh. Nơ̆r pơma noh ưh kơ gơh wih pơdrâu dơ̆ng: Đĭ-đăng kŭl-tăng gô sơtơ̆p 'bơ̆t anăp inh, rim 'bơ̆r gô pơkă 'bơ̆t anăp Inh.

Êsai 49:12

Lăng to lu sư gô truh đơ̆ng ataih; mơ'nah gô truh đơ̆ng gah yă-nơ̆m, lu mơ'nah gô truh đơ̆ng gah bơmơ̆t păng lu bơngai nai dơ̆ng đơ̆ng dêh char Sinim.a

Êsai 49:22

Kră Yang khan thoi âu: “'Nâu, Inh gô yơ̆r ti Inh tơ kơpal lu teh đak, hơtŏk hla-kơ Inh tơ lăm kon pơlei. Na lu sư gô pôk lu kon drŏ-nglo 'bơ̆t kơtơh, koi lu kon drŏ-kăn tơ kơpal hơngiĕng na yak năm.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Êsai 54:7

Inh achăng hŭt iĕm lăp minh kơchon; mă-lei hăm tơdrong 'mêm mơnat tih Inh gô sơng iŏk iĕm brŏk.

Êsai 54:9

Inh lăng tơdrong noh thoi đak lơ̆p jơhnơr Nôê sơ̆. Thoi Inh pơkă khan đak ưh kơ đei layơ wă lơ̆p pơđĭ kơpal teh đơ̆ng; na Inh kư̆m pơkă khan Inh ưh pă hil kơ iĕm dơ̆ng bơih păng kư̆m ưh kơ wă chrih phak iĕm dơ̆ng.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 66:20

Kră Yang khan: “Lu sư gô chông ba đĭ-đăng 'nhŏng oh lu iĕm đơ̆ng jơ̆p-jang kơ dêh char thoi tơmam pơyơ̆r soi sơmah kơ Kră Yang ba lu sư hăm aseh, gre aseh, gre tŭn hơnhŭn hơbang, aseh iĕ, aseh lăk-đa truh tơ kông rơgoh Inh tơ pơlei Jêrusalem.” Lu sư chông ba lu sư hăm gre tŭn, gre aseh, aseh, aseh iĕ lăk-đa: ‘Kŭm thoi kon pơlei Isơrael chĕp tơmam soi phe 'ba lăm ge mong tơmam rơgoh lăm hnam akŭm Kră Yang.

Je 2:32

Kon adruh hăm hiơt kơ tơmam pơguăng sư, mŏ mai hle hăm trŏ kơ sư hiơt kơ hơbĕn ao pơkong sư? Mă-lei kon pơlei Inh hiơt kơ Inh đunh boih pă kĕ jô̆ dang yơ.

Je 31:8

'Nâu, Inh gô chông lu sư brŏk đơ̆ng char gah yă-nơ̆m, Inh akŭm pơpôi lu sư đơ̆ng tôch kơ teh đak. Lăm lu sư đei bơngai măt tol, bơngai hơwen, lu drŏ-kăn oei anăp păng drŏ-kăn wă tơpŭ, minh khŭl tơpôl lơlap tơpă gô wih brŏk tơ âu.

Je 43:12

Nebukatnessar gô soh hnam kơkuh kơ lu rup yang Êyiptơ; sư gô soh pơrăm lu rup yang păng chĕp ba tơ nai. Sư iŏk pơgoh char Êyiptơ thoi lu bơngai wei triu dônh pơgoh hrŏk đơ̆ng ao lu sư, pơtao noh sư lĕch brŏk hiôk-hian.”

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Jo 14:21

Mă-lei Inh Kră Yang oei arih na pơkă, tơdrong ư-ang Kră Yang gô 'bĕnh-'bang jơ̆p-jang kơ teh đak,

Yo 4:35

Hăm trŏ kơ lu iĕm khan thoi âu: ‘Pă puăn khei truh bơyan kĕch 'ba?’ Mă-lei Inh khan kơ iĕm thoi âu: ‘Iĕm iung tơmang lăng kon pơlei pơla to. Lu sư wă lui kơ 'Bok Kei-Dei boih, kư̆m dang lĕ mir 'ba đe mă đum boih. Na dang ei bơ̆n kơchăng wă kĕch iŏk đĕch.

Tơdrông Tơ'bôh 21:2

Na inh 'bôh Pơlei Jêrusalem 'nao mă đe anăn Pơlei 'Lơ̆ng 'Bok Kei-Dei jur đơ̆ng plĕnh; pơlei Sư 'nao pơm 'lơ̆ng rŏ dêh dang kơ adruh 'nao đah pơhrôp hơbĕn ao 'lơ̆ng wă tơoei băl.

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.