Êsai 49:13 - Sơ̆p Hlabơar Nơ̆r 'Bok Kei-Dei

¹³ Ơ plĕnh, hơri bĕ! Ơ teh, hiôk chơt bĕ! Ơ lu kông pơret nơ̆r hơri bĕ! Yua kơ Kră Yang đei pơlung bơih kon pơlei Sư păng mơnat kơ lu bơngai pơmat-tat.

Êsai 49:13 ပူးပေါင်းရင်းမြစ်များ

I Ho 16:31

Ơ lu tăl plĕnh chơt hiôk bĕ, ơ teh đak 'nă hal bĕ. Ơ kon pơlei oei lăm teh đak roi pơdah bĕ. “Kră Yang tơ'ngla pơgơ̆r.”

Horiso 148:9

Ơ lu kông păng đĭ kơ groi, lu 'long plei păng lu 'long hơngo.

Horiso 65:13

Anih 'nhĕt hơdrih 'bĕnh kơ sem dơrong. Dôm lu thŭng 'bĕnh kơ hơ'bo 'ba pia tôl: Jơ̆p-jang anih noh chơt hiôk păng hơri 'nă hal.

Horiso 69:34

Ơ plĕnh, teh, đak dơsĭ păng kon sem brem lăm noh, đĭ-đăng bơnê bĕ kơ Sư.

Horiso 71:21

Ih gô pơư kơ inh rai dêh tơdrong 'lơ̆ng rŏ rai dêh. Hơlơ̆k pơlung inh dơ̆ng.

Horiso 89:13

Ih đei kơkŏng ti mơsêh mơyang Tơpang ti Ih pran kơtang Ti 'ma Ih yơ̆r kơjung.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Êsai 48:20

Lĕch bĕ đơ̆ng Babilôn! Kơdâu weh bĕ đơ̆ng bơngai Kalđê! Athei jreo ôr hiôk chơt na khan roi tơbăt bĕ tơdrong 'nâu. Ră roi dĭng jơ̆p truh tôch kơ lăm teh đak! Athei khan: “Kră Yang dŏng pơklaih adrĕch Jakôp bơih, đĭch đam Sư.”

Êsai 49:14

Mă-lei Siôn đei pơma khan: “Kră Yang achăng hŭt inh bơih; Kră Yang hiơt kơ inh bơih.”

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 54:7

Inh achăng hŭt iĕm lăp minh kơchon; mă-lei hăm tơdrong 'mêm mơnat tih Inh gô sơng iŏk iĕm brŏk.

Êsai 54:8

Lăm jơhngơ̆m Inh oei hil mĭl dêh. Inh ôn muh măt Inh ưh kơ đei lăng iĕm minh rơwưh minh bruh minh 'biơ̆. Mă-lei yua kơ jơhngơ̆m đon 'mêm mơnat tih ling-lang. Inh gô mơnat kơ iĕm.” Kră Yang, Tơ'ngla dŏng pơklaih iĕm khan thoi noh.

Êsai 55:12

Bĕ lu iĕm gô lĕch năm hiôk chơt păng ba lăm tơdrong hiôk-hian. Kông kơjung păng groi kơđeh gô đei nơ̆r hơri 'bơ̆t anăp lu iĕm. Rim kơ 'long tơ bri brah gô tơtap ti.

Je 31:13

Lu adruh hle chơt hiôk suang pơplŏng, lu tơdăm păng lu kră drŏ-nglo kư̆m wang chơt hiôk; Inh gô tơplih tơdrong ơh sơ'ngon lu sư jing tơdrong chơt hiôk, Inh gô pơlung lu sư ăn kơ lu sư tơdrong chơt hiôk tơplih kơ tơdrong ơh sơ'ngon.”

Je 51:48

Kơplah noh plĕnh, teh păng đĭ-đăng tơmam tơ plĕnh lăm teh, gô hơri chơt hiôk kơ Babilôn, yua kơ linh pơlôch pơrăm năm đơ̆ng yă-nơ̆m wă năm blah pơrăm dêh char Babilôn,” Noh Kră Yang khan.

Êsêkiên 35:14

Kră Yang khan thoi âu: Đĭ-đăng kơ dêh char chơt hiôk kơplah inh pơm kơ ih jing juơ pă đei.

Luka 15:10

Kư̆m thoi noh mơ̆n lu linh jang 'lơ̆ng 'Bok Kei-Dei hiôk tơpă mă 'bôh minh 'nu bơngai yoch băt băi tơbral kơdih tơdrong yoch.”

II Kor 7:6

Mă-lei 'Bok Kei-Dei gơh hơmet ming jơhngơ̆m lu bơngai sơ'ngon jing hiôk, thoi noh na Sư jah ăn Tĭt truh tơ nhôn, chhơp boih.