Êsai 48:20 - Sơ̆p Hlabơar Nơ̆r 'Bok Kei-Dei

²⁰ Lĕch bĕ đơ̆ng Babilôn! Kơdâu weh bĕ đơ̆ng bơngai Kalđê! Athei jreo ôr hiôk chơt na khan roi tơbăt bĕ tơdrong 'nâu. Ră roi dĭng jơ̆p truh tôch kơ lăm teh đak! Athei khan: “Kră Yang dŏng pơklaih adrĕch Jakôp bơih, đĭch đam Sư.”

Êsai 48:20 ပူးပေါင်းရင်းမြစ်များ

II Sam 7:23

Tơ jơ̆p lăm teh đak hăm đei adrĕch ayơ nhen thoi adrĕch Isơrael Ih, lăp minh pôm adrĕch đĕch lăm teh âu mă Kră Yang 'Bok Kei-Dei dŏng pơklaih wă pơm kon pơlei pơla Ih. Anăn Ih đei pơyom tih, iŏk đơ̆ng Ih pơm tơdrong tih-tin trŏ kơ hli krưp tơpă, kơ kon pơlei Ih lăm teh đak Ih. Kră Yang đei puh lê̆ dôm lu adrĕch nai, păng rup yang lu sư đơ̆ng lăm teh đak 'bơ̆t anăp kon pơlei pơla Ih mă Ih đei dŏng pơklaih đơ̆ng dêh char Êyiptơ.

Esơra 2:1

Lăm lu kon sâu tơring Juđa mă pơtao Nebukatnessar rôp chông ba tơ dêh char Babilôn, lu bơngai đe chông ei wih brŏk tơ pơlei Jêrusalem păng dêh Juđa, rim 'nu brŏk tơ pơlei sư kơdih,

Horiso 126:1

Kơplah Kră Yang chông lu bơngai bơnă brŏk tơ Siôn. Lu nhôn thoi bơngai tep apo.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Êsai 12:4

Păng lăm năr noh kơnh lu iĕm gô khan: “Hơri bơnê bĕ kơ Kră Yang; krao khan bĕ kơ Anăn Sư, năm ră roi bĕ dôm tơdrong jang Sư kơ rim adrĕch adrung bơngai, roi bĕ Anăn Kră Yang Sư bơih mă bơ̆n athei ư-ang.

Êsai 24:14

Lu sư gô jreo 'nă hal đơ̆ng đak dơsĭ gah bơmơ̆t, lu sư ư-ang tơdrong hơbŏ rŏ Kră Yang.

Êsai 26:1

Lăm năr noh tơ dêh Juđa, đe gô hơri 'bai âu: Lu bơ̆n đei pơlei tih kơjăp! Kră Yang 'Bok Kei-Dei ăn tơdrong dŏng pơklaih Sư pơm thoi dur pơlei kơjăp.

Êsai 42:10

Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Êsai 43:1

Dang ei Kră Yang khan thoi âu: Ơ Jakôp Sư Tơ'ngla pơjing iĕm, ơ Isơrael! Sư bơih Tơ'ngla pơjing iĕm, 'nĕ kơ hli yua kơ Inh huai iŏk iĕm bơih. Inh bơih krao iĕm hăm anăn iĕm păng iĕm gah Inh.

Êsai 44:22

Inh sŭt lê̆ bơih tơdrong lu iĕm pơm yoch nhen thoi sŭt lê̆ hơmơ̆l, tơdrong yoch lu iĕm nhen thoi tŭk. Wơ̆t brŏk bĕ tơ Inh, yua kơ Inh huai iŏk lu iĕm bơih.”

Êsai 48:6

Ih kơtơ̆ng bơih, ih lăng lăng bĕ dôm tơdrong 'nâu lei lu iĕm ưh kơ sơng iŏk hă? Đơ̆ng âu tơ anăp, Inh gô ăn kơ iĕm băt dôm tơdrong 'nao, dôm tơdrong hrĕp mă iĕm tam mă băt,

Êsai 49:13

Ơ plĕnh, hơri bĕ! Ơ teh, hiôk chơt bĕ! Ơ lu kông pơret nơ̆r hơri bĕ! Yua kơ Kră Yang đei pơlung bơih kon pơlei Sư păng mơnat kơ lu bơngai pơmat-tat.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 51:14

Bơngai bơnă đe gô tơlĕch, gô ưh kơ đei lôch lăm hnam phak, păng kư̆m ưh kơ đei kơ'bah tơmam sa.

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Êsai 52:11

Lu iĕm weh bĕ, weh bĕ, weh lĕch bĕ đơ̆ng anih noh. 'Nĕ hơtŭt 'bơm tơmam 'mê̆-'mach. Lĕch bĕ đơ̆ng noh pơm akâu kơdih mă rơgoh. Ơ lu bơngai chĕp tơmam Kră Yang.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 62:11

'Nâu, Kră Yang roi tơbăt bơih. Truh tơ jơ̆p-jang lăm teh đak. “Roi tơbăt bĕ kơ kon adruh pơlei Siôn. “Âu Tơ'ngla dŏng pơklaih ih truh bơih. To lu bơngai mă Kră Yang dŏng pơklaih gô năm hơdai Sư.”

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Je 31:10

Mơ̆ng bĕ nơ̆r Kră Yang, ơ kon bơngai jơ̆p kơ dêh char; Ră roi bĕ nơ̆r âu tơ jơ̆p pơlei lăm bŏl đak dơsĭ ataih khan: ‘Kră Yang Tơ'ngla mă pơm ăn kơ adrĕch Isơrael tơklah tơklang, Sư wă akŭm pơpôi ba wih brŏk dơ̆ng, Sư gô wei thoi bơngai wei khŭl triu sư.’

Je 31:11

Yua kơ Kră Yang đei huai iŏk boih Jakôp păng dŏng pơklaih lu sư đơ̆ng ti lu bơngai pran kơtang hloh.

Je 31:21

“Pơdơ̆ng bĕ jrăng tơmo wă kơnăl; pơdơ̆ng bĕ gơ'bang wă tơ'bôh trong: Lăng bĕ kơ trong tih, trong noh boih mă lu iĕm yak kiơ̆. Wih brŏk bĕ, ơ bơngai Isơrael, brŏk hơlơ̆k bĕ tơ lu pơlei iĕm!

Je 50:2

“Roi pơdah bĕ kơ đĭ-đăng dêh char, tơbăt bĕ, hơtŏk hla-kơ păng tơbăt bĕ, 'nĕ kơ ôn ôh tơdrong 'noh, tơbăt bĕ: ‘Đe gô iŏk Babilôn, đe pơm kơ yang Bel mơlâu, yang Mêrôđak 'bĕnh kơ hli tơrơ. Đĭ lu rup yang mơlâu, lu rup yang hli tơrơ.

Je 50:28

Mơ̆ng bĕ, nơ̆r krao ôr đơ̆ng lu bơngai kơdâu klaih hlôi đơ̆ng dêh char Babilôn, Roi tơbăt lăm pơlei Siôn. Tơdrong Kră Yang, 'Bok Kei-Dei lu bơ̆n, Sư pơm 'mong hnam Sư.

Je 50:8

Kơdâu bĕ đơ̆ng dêh char Babilôn, Lĕch bĕ đơ̆ng char bơngai Kalđê, Pơm thoi bơbe bram chông khŭl bơbe.

Je 51:45

Ơ kon pơlei Inh, kơdâu lĕch bĕ đơ̆ng Babilôn pơklaih kơdih akâu bĕ, weh đơ̆ng tơdrong Kră Yang hil mĭl!

Je 51:48

Kơplah noh plĕnh, teh păng đĭ-đăng tơmam tơ plĕnh lăm teh, gô hơri chơt hiôk kơ Babilôn, yua kơ linh pơlôch pơrăm năm đơ̆ng yă-nơ̆m wă năm blah pơrăm dêh char Babilôn,” Noh Kră Yang khan.

Je 51:6

Kơdâu lĕch bĕ đơ̆ng dêh char Babilôn, rim 'nu athei kơdâu wă pơklaih tơdrong arih kơdih akâu. 'Nĕ kơ lôch răm ôh yua kơ tơdrong yoch lu sư. Yua kơ trŏ boih năr Kră Yang pơm tơwih, Sư gô pơm tơwih trŏ thoi đe noh pơm boih,

Sa 10:8

Inh wă krao pơpôi lu sư, yua kơ Inh huai iŏk lu sư boih; lu sư đei thim rai lơ thoi sơ̆.

Sa 2:10

Ơ kon adruh Siôn, hơri chơt hiôk păng 'nă hal bĕ; yua kơ 'nâu, Inh truh păng Inh gô oei hơdai, Kră Yang khan thoi noh.

Both 30:4

Mă khan lu iĕm Sư puh boih truh tơring ataih tôch kơ plĕnh teh, Kră Yang 'Bok Kei-Dei iĕm kư̆m gô pơpôi akŭm iĕm dơ̆ng păng chông wih brŏk đơ̆ng anih noh.

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Tơdrông Tơ'bôh 18:4

Đơ̆ng noh inh kơtơ̆ng 'bơ̆r nai sư kư̆m pơma đơ̆ng plĕnh thoi âu: “Ơ lu kon Inh, iĕm jah lĕch jăk tơ nai hli kơ iĕm hơdai yoch thoi sư, kơnh pŭ tơdrong gleh pơmat thoi sư noh.