Êsai 47:4 - Sơ̆p Hlabơar Nơ̆r 'Bok Kei-Dei

⁴ Tơ'ngla dŏng pơklaih lu bơ̆n, anăn Sư Kră Yang Tih Hloh, Tơ'ngla 'Lơ̆ng Rơgoh Isơrael.

Êsai 47:4 ပူးပေါင်းရင်းမြစ်များ

Horiso 19:14

Ăn kơ nơ̆r pơma đơ̆ng 'bơ̆r inh, Ơ Kră Yang Ih jơ̆ thoi tơmo pĕng inh, Păng jơ̆ Kră Yang dŏng pơklaih inh, Hăm tơdrong tơchĕng đơ̆ng lăm jơhngơ̆m inh jing 'lơ̆ng pơm kơ Ih lăp đon!

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsai 43:14

Kră Yang, Tơ'ngla huai iŏk lu iĕm, Kră Yang 'lơ̆ng Rơgoh đe Isơrael khan thoi âu: “Yua kơ lu iĕm, Inh wơh đe năm truh tơ pơlei Babilôn, pơm kơ lu sư kơdâu đĭ wă khan lu bơngai Kalđê, kơdâu ôn jur tơ lu thŏng-nan nhơ̆m hmoi.

Êsai 43:15

Inh bơih Kră Yang, Tơ'ngla 'Lơ̆ng Rơgoh lu iĕm, Tơ'ngla pơjing Isơrael, Inh bơih Pơtao iĕm.”

Êsai 43:3

Yua kơ Inh Kră Yang 'Bok Kei-Dei iĕm, Tơ'ngla 'lơ̆ng rơgoh Isơrael, Tơ'ngla dŏng pơklaih iĕm. Inh ăn bơih dêh char Êyiptơ jing tơmam huai iŏk iĕm. Char Kus păng Sêba pơm tơmam huai tơplih kơ iĕm.

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Êsai 49:26

Inh gô pơm kơ lu bơngai pơjuă pơđep iĕm lu sư gô pơlôch dih băl, lu sư jing suai yua kơ đơ̆ng hil blĕk, thoi lĕ suai sik; Đĭ-đăng kon bơngai gô băt kơ Inh, Kră Yang Tơ'ngla dŏng pơklaih iĕm, Tơ'ngla huai iŏk iĕm păng Tơ'ngla mơsêh adrĕch Jakôp.”

Êsai 51:15

Inh jơ̆ Kră Yang 'Bok Kei-Dei iĕm Tơ'ngla pơm ăn đak dơsĭ poh-yă păng poh-yă re jơwa. Kră Yang Tih Hloh jơ̆ anăn Sư

Êsai 54:5

Yua kơ Tơ'ngla pơjing iĕm noh klo iĕm. Anăn Sư Kră Yang Tih Hloh. Tơ'ngla huai iŏk iĕm noh mă Tơ'ngla Rơgoh Isơrael; Sư noh boih Kră Yang 'Bok Kei-Dei kơ đĭ plĕnh teh.

Je 31:11

Yua kơ Kră Yang đei huai iŏk boih Jakôp păng dŏng pơklaih lu sư đơ̆ng ti lu bơngai pran kơtang hloh.

Am 4:13

Tơpă, sư boih pơjing lu kông păng pơjing kial. Păng roi ăn kơ kon bơngai băt tơdrong sư tơchĕng; sư pơm kơ hơdah jing măng mu păng yak năm lăm anih kơjung hloh kơpal teh. Anăn sư Kră Yang 'Bok Kei-Dei Tih hloh.